17-Jan-2021

ପାଟଣାଗଡ଼,(ଗୋରେଖନାଥ ବରିହା): ବେଲପଡା ବ୍ଲକ ତେତେଲମୁଣ୍ଡା ଗାଁ ର ସ୍ପାର୍ଟlନ କ୍ଲବ ଦ୍ୱାରା ଅନୁଷ୍ଠିତ ଜ଼ିଲ୍ଲା ସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟ ଆଜି ଉଦଯାପିତ ହୋଇଯାଇଛି l ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବରେ ପଶ୍ଚିମ ଓଡିଶା ଆଦିବାସୀ କଲ୍ୟାଣ ମହାସଙ୍ଘର ମହାସଚିବ ନିରଞ୍ଜନ ବିଶି ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବରେ ତେନ୍ତୁଳିମୁଣ୍ଡା ସରପଞ୍ଚ ଭୀମସେନ ମେହେର, ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଜଗବନ୍ଧୁ ମାଝି, ଜ଼ିଲ୍ଲା ଆଦିବାସୀ କଲ୍ୟାଣ ସଂଘର ସମ୍ପାଦକ ସାରଥୀ ବାଗ, ସହସମ୍ପାଦକ ଗିରିଧାରୀ ଭୋଇ ଯୋଗ ଦେଇଥିଲେ l ଉଦଯାପନୀ ଉତ୍ସବରେ ଶ୍ରୀ ବିଶି  ଉଦବୋଧନ ଦେଇ କହିଥିଲେ ଯେ ଗ୍ରାମାଞ୍ଚଳରେ ଫୁଟବଲ ଖେଳାଳି ମାନଙ୍କ ଚମତ୍କାର କ୍ରୀଡା ପ୍ରତିଭା ରହିଛି କିନ୍ତୁ କ୍ରୀଡା  ଭିତ୍ତିଭୂମି ନାହିଁ,ସରକାରୀ ପ୍ରୋତ୍ସାହନ ନାହିଁ, ଆର୍ଥିକ ସହାୟତା ଦିଆଯାଉ ନାହିଁ, କ୍ରୀଡା ଏବଂ ସଂସ୍କୃତି ବିଭାଗ ତରଫରୁ କ୍ରୀଡା ସାମଗ୍ରୀ  ଦିଆଯାଉ ନାହିଁ, ଏସବୁ ଅସୁବିଧା ସତ୍ୱେ ଗ୍ରାମାଞ୍ଚଳର ଫୁଟବଲ ପ୍ରେମୀ ଫୁଟବଲ ଖେଳକୁ ଟୁର୍ଣ୍ଣାମେଣ୍ଟ ମାଧ୍ୟମରେ ଉଦ୍ଜୀବିତ କରି ରଖିଛନ୍ତି l  ଫୁଟବଲ ଭାରତର ପୁରପଲ୍ଲୀ ରୁ ଦିଲ୍ଲୀ ପର୍ଯ୍ୟନ୍ତ ଆଦୃତ l ଫୁଟବଲ ଖେଳାଳି ମାନଙ୍କୁ ସୁବିଧା ଯୋଗାଇ ଦେଲେ ରାଜ୍ୟସ୍ତରୀୟ ଖେଳ ପ୍ରତିଯୋଗିତାରେ ସଫଳ ହୋଇ ପାରିବେ ବୋଲି ପ୍ରକାଶ କରିଥିଲେ l ଫାଇନାଲ ଖେଳ ସ୍ପାର୍ଟନ କ୍ଲବ ତେନ୍ତୁଳିମୁଣ୍ଡା ଏବଂ ଦର୍ଲିମୁଣ୍ଡା ମଧ୍ୟରେ ହୋଇଥିଲା l ତେନ୍ତୁଳିମୁଣ୍ଡା ଦଳକୁ ପେନାଲଟି କିକ ରେ ଗୋଟିଏ ଗୋଲରେ ଦର୍ଲିମୁଣ୍ଡା ପରାସ୍ତ କରି ବିଜୟୀ ହୋଇଥିଲା l ମୁଖ୍ୟଅତିଥି ଶ୍ରୀ ବିଶି ବିଜୟୀ ଦଳକୁ ସିଲ କପ ଏବଂ ଦଶ ହଜାର ଟଙ୍କା ପ୍ରଦାନ କରିଥିଲେ l ସମ୍ମାନିତ ଅତିଥି ସରପଞ୍ଚ ଶ୍ରୀ ମେହେର, ବେଲପଡ଼ା ଏ.ବି.ଇ. ଓ  ଶ୍ରୀ ମାଝି ,ସମ୍ପାଦକ ଶ୍ରୀ ବାଗ, ସହସଂପାଦକ ଶ୍ରୀ ଭୋଇ ରନର ଦଳ, ଚମ୍ପିୟନ, ଶ୍ରେଷ୍ଠ ଗୋଳ କିପର, ଶ୍ରେଷ୍ଠ ରନର, ମେନ ଅଫ ଦି ମ୍ୟାଚ, ରେଫରୀ ମାନଙ୍କୁ ଟ୍ରଫି, ମେଡାଲ ଓ କପ ପ୍ରଦାନ ପୂର୍ବକ ପୁରସ୍କୃତ କରିଥିଲେ l ଭୂପାଲ ବିଶ୍ୱାଳ ଖେଳର ଧାରା ବିବରଣୀ ସହିତ ସଭା ପରିଚାଳନା କରିଥିଲେ l