06-Mar-2025

ନୂଆପଡ଼ା(ପରମେଶ୍ୱର ମେହେର): ନୂଆପଡ଼ା ଜିଲ୍ଲା ସିନାପାଲି ସହର ସ୍ଥିତ ମେହେରପଡ଼ା ସରକାରୀ ଉଚ୍ଚ ପ୍ରାଥମିକ ବିଦ୍ଯାଳୟରେ ଆମ ସଂସ୍କୃତି ଆମ ଖେଳଣା ତଥା ବିଦ୍ଯାଳୟର ବାର୍ଷକ ଉତ୍ସବ ଅନୁଷ୍ଠିତ ହୋଇଛି l ଏନେଇ ପ୍ରଧାନ ଶିକ୍ଷୟିତ୍ରୀ ଅସ୍ମିତା ପାଢୀଙ୍କ ଅଧ୍ଯକ୍ଷତାରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବରେ ବିଡ଼ିଓ କାର୍ମି ଓରାମ, ମୁଖ୍ଯବକ୍ତା ଏବିଇଓ ପ୍ରଦୀପ କୁମାର ପଣ୍ତା, ବିଶିଷ୍ଟ ଅତିଥି  ଆଇନଜୀବୀ ବୈଶମ୍ପାୟନ ମେହେର ଓ ସମ୍ମାନିତ ଅତିଥି ଭାବରେ ସମିତି ସଭ୍ଯ ମନିଷ କୁମାର ପଟେଲ, ସରପଂଚ ସୁନୀତା ମେହେର, ପ୍ରାକ୍ତନ ଜିଲ୍ଲା ପରିଷଦ ସଭ୍ଯ ପ୍ରିୟରଞ୍ଜନ ମେହେର ଯୋଗ ଦେଇ ଛାତ୍ରଛାତ୍ରୀଙ୍କୁ ଉତ୍ସାହିତ କରିଥିଲେ ା ପ୍ରାରମ୍ଭରେ ଶିକ୍ଷକ ଲୋଚନ ମେହେର ଅତିଥିଙ୍କୁ ଆମଂତ୍ରଣ କରିବା ସହ ମଂଚ ପରିଚାଳନା କରିଥିଲେ l ଏ ଅବସରରେ ପୂର୍ବରୁ ଅନୁଷ୍ଠିତ ବିଭନ୍ନ ପ୍ରତିଯୋଗିତାର କୃତୀ ଛାତ୍ରଛାତ୍ରୀଙ୍କୁ ପୁରସ୍କୃତ କରାଯାଇଥିଲା l ପରେ ସାଂସ୍କୃତିକ କାର୍ଯ୍ଯକ୍ରମ ପରିବେଷଣ କରାଯାଇଥିଲା l ଶିକ୍ଷୟିତ୍ରୀ ସନ୍ତୋଷିନୀ ମେହେର, ଶିକ୍ଷକ ବିଶ୍ୱାମିତ୍ର ବାଗଙ୍କ ସହ ଛାତ୍ରଛାତ୍ରୀ କାର୍ଯ୍ଯକ୍ରମରେ ସହଯୋଗ କରିଥିଲେ l  ଶେଷରେ ବରିଷ୍ଠ ଶିକ୍ଷକ ଲୋକନାଥ ମେହେର ଧନ୍ଯବାଦ ଦେଇଥିଲେ l