06-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ଅଧିନସ୍ଥ ବିଜେପୁର ବ୍ଲକ ଅନ୍ତର୍ଗତ କୁର୍କୁଟା ଉଚ୍ଚ ପ୍ରାଥମିକ ବିଦ୍ୟାଳୟର ବାର୍ଷିକ ଉତ୍ସବ ମହାଆଡ଼ମ୍ବରରେ ପାଳିତ ହୋଇଯାଇଛି । ସହ ଗୋଷ୍ଠୀ ଶିକ୍ଷା ଅଧିକାରୀଙ୍କ ସଦୟ ଉପସ୍ଥିତି ଓ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ  ପ୍ରେମରାଜ ପଧାନଙ୍କ ତତ୍ତ୍ୱାବଧାରେ ଉତ୍ସବଟି ପାଳିତ ହୋଇଛି । ଏଠାରେ ମୁଖ୍ୟ ଅତିଥି ଭାବେ ଶ୍ରୀଯୁକ୍ତ ଶିବ ସାହୁ, ସମ୍ମାନିତ ଅତିଥି ଭାବେ ବିଦ୍ୟାଳୟ ପରିଚାଳନା କମିଟିର ମୁଖ୍ୟ ସଞ୍ଜୟ କୁମାର ନନ୍ଦ, ସି.ଆର.ସି.ସି ଦୁର୍ବାଦଳ ବଡଗୋଛିଆ, ଅର୍ଡା ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ଶୈଳେନ୍ଦ୍ର ମିଶ୍ର, ଖରମୁଣ୍ଡା ସି.ଆର.ସି.ସି ଶରତ କୁମାର ପଧାନ, ପୂର୍ବତନ ସି.ଆର.ସି.ସି ପ୍ରେମରାଜ ରଣା, ବରିଷ୍ଠ ପ୍ରଧାନ ଶିକ୍ଷକ ଲକ୍ଷ୍ମୀନାରାୟଣ ରଣା ଶିଶୁମାନଙ୍କର ଅନ୍ତର୍ନିହିତ ବିକାଶକୁ ଉଜ୍ଜୀବିତ କରିବା ପାଇଁ ବାର୍ଷିକୋତ୍ସବ ଏକ ଶ୍ରେଷ୍ଠ ମାଧ୍ୟମ ଓ ଶିଶୁମାନଙ୍କ ମଧ୍ୟରେ ତାଙ୍କର ଶ୍ରେଷ୍ଠତ୍ଵକୁ ଆବିଷ୍କାର କରିବା ଆମ ସମସ୍ତଙ୍କର ଦାୟିତ୍ୱ ବୋଲି ମତପ୍ରକାଶ କରିଥିଲେ । ବିଦ୍ୟାଳୟର ଶିକ୍ଷୟିତ୍ରୀ ବର୍ଷାରାଣୀ ସାହୁ ସୁନ୍ଦର ଭାବରେ ମଞ୍ଚପରିଚାଳନା କରିଥିଲେ । ଏଠାରେ ବିଭିନ୍ନ ଦକ୍ଷତା ଉପରେ ୭୮ ଜଣ ଛାତ୍ରଛାତ୍ରୀମାନଙ୍କୁ ସମ୍ମାନପତ୍ର ସହ ମୋମେଣ୍ଟୋ ପ୍ରଦାନ କରାଯାଇଥିଲା ଏବଂ ଛାତ୍ରଛାତ୍ରୀମାନଙ୍କ ଦ୍ବାରା ଆକର୍ଷଣୀୟ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।ଶ୍ରୀମତୀ ସୀମା ମେହେରଙ୍କ ସଫଳ ପରିଚାଳନାରେ ବାର୍ଷିକୋତ୍ସବ ଅନୁଷ୍ଠିତ ହୋଇଥିବା ବେଳେ,ଶିକ୍ଷୟିତ୍ରୀ ସୁଶ୍ରୀ ସସ୍ମିତା ମେହେର ପରିଶେଷରେ ଧନ୍ୟବାଦ ଅର୍ପଣ କରିଥିଲେ ।