15-Jan-2021

ଆଗଲପୁର, (ପ୍ରେରଣା ଖବର) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ଡୁଡୁକା ପଞ୍ଚାୟତର ସୁଶାନ୍ତିନଗରରେ ଥିବା ଚୂଡ଼ାମଣି ରଣାଙ୍କ ଘରେ ଇଲେକ୍ଟ୍ରି ସର୍ଟ ସର୍କିଟ ଯୋଗୁଁ ସମ୍ପୂର୍ଣ ଜଳିଯାଇଛି l ବିଙ୍ଗହ୍ୟୁମାନ ଫାଉଣ୍ଡେସନ ଆଗଲପୁର ଶାଖାର ସମ୍ପାଦକ ତଥା ଅଞ୍ଚଳର ଜଣାଶୁଣା ଯୁବ ସମାଜସେବୀ ସଂଯୋଗ କୁମାର ସାହୁ ଓ ତାଙ୍କ ପୁରା ଟିମର ସଦସ୍ୟମାନେ ଖବରପାଇ ତୁରନ୍ତ ସୁଖଶାନ୍ତି ନଗରରେ ପହଞ୍ଚି ନିଆଁକୁ ଆୟତ୍ତ କରିବା ପାଇଁ ଘର ଉପରକୁ ଚଢି ପାଣି ଢ଼ାଳିଥିଲେ ଓ ଦମକଳ ବାହିନୀକୁ ଖବର ଦେଇ ଥିଲେ l ଦମକଳ ବାହିନୀ ଆସିବା ପୂର୍ବରୁ ଶ୍ରୀ ସାହୁଙ୍କ ସମେତ ଇତୁ ସାହୁ,ଡୋଳାମଣି ଥନାପତି,କିଶନ ସାହୁ,ସୁବ୍ରତ ସାହୁ,ଜୟଗୋପାଳ ସାହୁ,ଙ୍କ ସ୍ଥାନୀୟ ଗ୍ରାମବାସୀ ସହଯୋଗ କରିଥିଲେ lଏହି ଦୁର୍ଘଟଣାରେ ଆହତହୋଇଥିବା ଚୂଡାମଣି ରଣାଙ୍କୁ ଦମକଳ ବାହିନୀ ଉଦ୍ଧାରକରି ଡୁଙ୍ଗୁରିପାଲି ଡାକ୍ତରଖାନାରେ ଭର୍ତ୍ତି କରିଥିଲେ !ତାଙ୍କର ବହୁ ଆସବାବ ପତ୍ର, ଔଷଧ ଓ ମୂଲ୍ୟବାନ ସାମଗ୍ରୀ ଜଳିପୋଡି ପାଉଁସ ହୋଇଯାଇଥିବା ବେଳେ ଗୋଟିଏ ଛେଳି ସମ୍ପୂର୍ଣଭାବେ ଓ ଅନ୍ୟଏକ ଛେଲି ଆଂଶିକ ଭାବରେ ପଡିଯାଇଛି ଲ  ପୀଡ଼ିତ ପରିବାରକୁ ସରକାରୀ ସାହାଯ୍ୟ ଓ ଆବାସ ଯୋଜନାରେ ସାମିଲ କରିବାପାଇଁ ସ୍ଥାନୀୟ ବାସିନ୍ଦା ସହ ଶ୍ରୀ ସଂଯୋଗ କୁମାର ସାହୁ ଦାବି କରିଛନ୍ତି