23-Feb-2025

 ରାଜନଗର(ମାଧବ ସ୍ଵାଇଁ):  ଗତ ୨୧ତାରିଖ  ଥିଲା  ମାଟ୍ରିକ ପରୀକ୍ଷା  ସେଥିପାଇଁ  ଛାତ୍ର ଛାତ୍ରୀମାନେ  ପ୍ରସ୍ତୁତ ହୋଇ ପରୀକ୍ଷା ସେଣ୍ଟରକୁ ଅତି ଖୁସି ମନରେ ଯାଉଥିଲେ  !ହେଲେ  ପରୀକ୍ଷା ହଲରେ ପହଁଛିବା ପୂର୍ବରୁ ଡ୍ରାଇଭରଙ୍କର  ଅନ୍ୟମନସ୍କ ପାଇଁ ସାଇକେଲ ନେଇ ଯାଉଥିବା ବ୍ୟକ୍ତିକୁ ପଛ ପଟରୁ ପିଟିଥିଲା ବୋଲେରୋ  l  ଦୁର୍ଘଟଣା ଟି ଏତେ ଭୟାନକ ଥିଲା ଯେ ବ୍ୟକ୍ତି ଜଣଙ୍କ ପଛ ପଟରୁ ସିଧା ଚଢିଯାଇଥିଲା  ବୋଲେରୋ ଘଟଣା ସ୍ଥଳରେ  ସେହିଠାରେ ପ୍ରାଣବାୟୁ ଉଡିଯାଇଥିଲା ତାଙ୍କର ! ଏହିଭଳି ହୃଦୟବିଦାରଙ୍କ ଦୃଶ୍ୟ ଦେଖିବାକୁ ମିଳିଛି  କେନ୍ଦ୍ରାପଡ଼ା ଜିଲ୍ଲା ରାଜନଗର ବ୍ଲକ ତାଳଚୁଆ ମେରାଇନ ଥାନା

ଅନ୍ତର୍ଗତ କୃଷ୍ଣନଗର ଠାରେ   କୃଷ୍ଣନଗର ଗ୍ରାମର  ୪୯ବର୍ଷିୟ  ସୁବୋଧ ମଣ୍ଡଳ କୌଣସି କାମରେ ସକାଳୁ କାମ ସାରି ଘରକୁ ଫେରୁଥିବା ସମୟରେ  ବାଘମାରୀର ବିବେକାନନ୍ଦ ହାଇସ୍କୁଲ ରୁ  ଡାଙ୍ଗମାଳର ନାଗନାରାୟଣ ହାଇସ୍କୁଲକୁ ମାଟ୍ରିକ ଛାତ୍ର ଛାତ୍ରୀଙ୍କୁ ନେଇ ରାଜେନ୍ଦ୍ରନଗର ଗ୍ରାମର ଡ୍ରାଇଭର ଗାଡି ନଂ OD29K6779 ବୋଲେରୋ ଟି  ତାଙ୍କୁ ଧକ୍କା ଦେଇ ଚଢିଯାଇଥିଲା ସେହିଠାରେ  ତାଙ୍କର  ମୃତ୍ୟୁ ହୋଇଥିଲା  ! ଲୋକଙ୍କ କହିବା କଥା  ଡ୍ରାଇଭର ଜଣଙ୍କ ବାଘମାରିର ବିବେକାନନ୍ଦ ହାଇସ୍କୁଲରୁ ଡାଙ୍ଗମାଳର ନାଗାନାରାୟଣ ହାଇସ୍କୁଲକୁ ତିନି ଟ୍ରିପ କରିବାର ଥିଲା ସେଥିପାଇଁ  ସେ ୮୦ରୁ ୧୦୦  ହାଇସ୍ପିଡ଼ରେ ଛୋଟ ଛୋଟ ଛୁଆଙ୍କୁ ବସାଇ ଗାଡି ଚଲାଉଥିଲେ !  ଡ୍ରାଇଭର ଜଣଙ୍କ ଏତେ ରୋମାଣ୍ଟିକ ଥିଲେ ଯେ  ଗାଡି ମଧ୍ୟରେ ପୁରୁଣା ପୁରୁଣା ଓଡ଼ିଆ ଆଲବମ ଗୀତ ବଜାଇ ନିଜକୁ ସେ ଗୀତ ମଧ୍ୟରେ ହଜାଇ ଦେଇ ଅନ୍ୟମନସ୍କ ହୋଇପଡ଼ିଥିଲେ  ଯେଉଁଥିପାଇଁ  ଏହି ଦୁର୍ଘଟଣା ଘଟିଥିଲା ବୋଲି ଅଭିଯୋଗ ହେଉଛି ! ଭାଗ୍ୟବସତ ଗାଡି ଦୁର୍ଘଟଣା କରି କେନାଲ ମଧ୍ୟକୁ ଖସିପଡ଼ିଥିବା ବୋଲେରୋରେ ଥିବା ଛାତ୍ର ଛାତ୍ରୀମାନେ ସାମାନ୍ୟ ଆହତ ହୋଇଛନ୍ତି ଯଦି ସେହି କେନାଲ ମଧ୍ୟରେ ପାଣି ଥାଆନ୍ତା  ତାହେଲେ  ସେହି ବୋଲେରୋ ରେ ଥିବା  ୧୧ଜଣ  ଦଶମ ଶ୍ରେଣୀରେ ଛାତ୍ର ଛାତ୍ରୀଙ୍କ ଅବସ୍ଥା କଣ ହୋଇଥାନ୍ତା ଆପଣ ଅନୁମାନ କରିପାରୁଥିବେ  !  ଡ୍ରାଇଭରଙ୍କର ଏହି ବେପୁରିଆ ଗାଡି ଚାଳନା ପାଇଁ ଜଣେ ଅସହାୟ ମା କୋଳରୁ ଚାଲିଯାଇଛି ପୁଅର ଜୀବନ  ଆଉ ମୃତ୍ୟୁ ମୁଖରୁ ବଞ୍ଚି ଯାଇଛନ୍ତି  ୧୧ଜଣ କୁନି କୁନି ଛାତ୍ରଛାତ୍ରୀ  ! ଏହି ଦୁର୍ଘଟଣା ରେ ପ୍ରାଣ ହରାଇଥିବା  ସୁବୋଧ ମଣ୍ଡଳଙ୍କୁ ଝୁରି ଝୁରି ପାଗେଳୀ ହୋଇଯାଇଛି  ନିଜ ଜନ୍ମକଲା ମା   ଆଉ  ସ୍ତ୍ରୀ  !  ମାର  ବୁକୁଫଟା କାନ୍ଦ ଯେପରି  ଡ୍ରାଇଭରକୁ ପ୍ରଶ୍ନ କରୁଛି କାହିଁକି ମାରିଲୁ ମୋ  ଗେଲ୍ହା ପୁଅକୁ ଗାଡି ଚଢାଇ  ତୁ କହ 

ବାରମ୍ବାର  ସେ  ମାଟି ମା କୁଣ୍ଢାଇ ଧରି ଲୋଟି ପଡୁଛି  ମାଟି ଉପରେ ସେ ନ୍ୟାୟ ମାଗିବାକୁ ଚାହୁଁଛି ହେଲେ ତା କଥା ଶୁଣିବ ବା କିଏ   ସେ ଯେପରି ନିରୁପାୟ  ! ତାଳଚୁଆ ମେରାଇନ ପୋଲିସ ପହଁଚି ଘଟଣା ସ୍ଥଳରେ ତଦନ୍ତ ଆରମ୍ଭ କରଛି   ! ମୃତ ସୁବୋଧ ମଣ୍ଡଳଙ୍କ ପରିବାର ଭୂମିହୀନ  ଗରିବ ଅସହାୟ ହୋଇଥିବାରୁ ତାଙ୍କୁ  ସରକାରୀ ସହାୟତା ସହ କୌଣସି ସ୍ୱେଚ୍ଛାସେବୀ ସଂଗଠନ ସହାୟତାର ହାତ ବଢାନ୍ତୁ ବୋଲି ଗ୍ରାମବାସୀ ଗଣମାଧ୍ୟମକୁ ନିବେଦନ କରିଛନ୍ତି ତାହା ସହ   ଡ୍ରାଇଭରଙ୍କର ବିରୋଧରେ ଦୃଢ଼କାର୍ଯ୍ୟନୁଷ୍ଠାନ ନେବାକୁ ଗ୍ରାମବାସୀ ଗଣମାଧ୍ୟମକୁ ନିବେଦନ ମଧ୍ୟ କରିଛନ୍ତି