23-Feb-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା ବିଜେପୁର ବ୍ଲକ ଅନ୍ତର୍ଗତ ସମଲେଇପଦର ଠାରେ ଥିବା ପାର୍ବତୀ ଗିରି ବୃଦ୍ଧାଶ୍ରମ ଠାରେ ଏକ ନିଆରା କାର୍ଯ୍ୟକ୍ରମ ଦେଖିବାକୁ ମିଳିଥିଲା। ଓଡ଼ିଶା ଆଦର୍ଶ ବିଦ୍ୟାଳୟ ଅତାବିରାରେ ବିଜ୍ଞାନ ଶିକ୍ଷକ ଭାବେ କାର୍ଯ୍ୟରତ ଶ୍ରୀଯୁକ୍ତ କୁଞ୍ଜବିହାରୀ ଡନସନା ଏବଂ ତାଙ୍କ ଧର୍ମପତ୍ନୀ ଶ୍ରୀମତୀ ଅନିତା ଙ୍କ ପୁତ୍ର ଶିଶୁ ଅକଶିତରାଜଙ୍କ      ଦୁତୀୟ ଜନ୍ମବାର୍ଷିକୀ ଅବସରରେ ବୃଦ୍ଧାଶ୍ରମରେ ଏକ ସ୍ୱାସ୍ଥ୍ୟ ଶିବିର କାର୍ଯ୍ୟକ୍ରମ ଅନୁଷ୍ଠିତ ହେବା ସହ ଅନ୍ତେବାସୀଙ୍କୁ ଅନ୍ନ ପ୍ରସାଦରେ ଆପ୍ୟାୟିତ କରିଥିଲେ।ଡ଼ା ସୁଶାନ୍ତ ମେହେର, ଫାର୍ମାସିଷ୍ଟ ବଶିଷ୍ଠ ବାରିକଙ୍କ ପ୍ରତ୍ୟକ୍ଷ ତତ୍ବାବଧାନରେ ମାଗଣା ସ୍ୱାସ୍ଥ୍ୟ ଶିବିର ଅନୁଷ୍ଠିତ ହୋଇଥିଲା।ଡ଼ା ମେହେର ସମସ୍ତ ଅନ୍ତେବାସୀଙ୍କ ସ୍ୱାସ୍ଥ୍ୟ ପରିକ୍ଷା କଲାପରେ ଔଷଧ ପ୍ରଦାନ କରାଯାଇଥିଲା।ଶେଷରେ ଶିଶୁପୁତ୍ର "ଅକଶିତରାଜ" ଙ୍କୁ ଅନ୍ତେବାସୀ ସମୁହ ଆଶୀର୍ବାଦ ପ୍ରଦାନ କରିଥିଲେ।ଏହି ଅନନ୍ୟ କାର୍ଯ୍ୟକ୍ରମରେ ସପରିବାର ଯୋଗଦାନ କରି ଅକଶିତରାଜଙ୍କ ଦିର୍ଘାୟୁ କାମନା ସହ ଶୁଭେଚ୍ଛା ଜଣାଇଥିଲେ।