23-Feb-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ବରଗଡ଼ ବ୍ଲକ ଅନ୍ତର୍ଗତ ଖୁଣ୍ଟ ପାଲି ତ୍ରିରଙ୍ଗା କ୍ଲବ ଆନୁକୁଲ୍ୟରେ ସ୍ଥାନୀୟ ଗଙ୍ଗାଧର ମେହେର ସରକାରୀ ଉଚ୍ଚ ବିଦ୍ୟାଳୟ ଠାରେ ଅନୁଷ୍ଠିତ ହୋଇଯାଇଛି।ଏ ଅବସରରେ ବିଜେପୁର ସ୍ଥିତ ଅମୃତଧାରା ନର୍ସିଂ ହୋମର ପରିଚାଳକ ଶ୍ରୀଯୁକ୍ତ ଯଶୋବନ୍ତ ମେହେର ଏବଂ ବିକାଶ ହସ୍ପିଟାଲରେ କାର୍ଯ୍ୟରତ ଡ଼ା ସୁଶାନ୍ତ ମେହେର ଅତିଥି ଭାବରେ ଯୋଗଦେଇ ଶିବିର ଅନୁଷ୍ଠିତ ପୂର୍ବରୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ।ସକାଳ ୯ ଘଣ୍ଟାରୁ ଦିବା ୧ ଘଣ୍ଟା ପର୍ଯ୍ୟନ୍ତ ଏହି ଶିବିର ଅନୁଷ୍ଠିତ ହୋଇ ଯାଇଥିବା ବେଳେ, ବିଭିନ୍ନ ବିଭାଗରେ ଯଥା ଶିଶୁ ରୋଗ ବିଶେଷଜ୍ଞ ଡା ଆଶିଷ ଶତପଥି, ମେଡିସିନ ବିଭାଗରେ ଡ଼ା.ସନ୍ତୋଷ ଟେଟେ, ସର୍ଜରୀ ବିଭାଗରେ ଡ଼ା.ସୁଶାନ୍ତ ମେହେର, ଦନ୍ତରୋଗ ବିଭାଗରେ ଡ଼ା.ପ୍ରଗତୀ ସିହ୍ନା,ଫିଜୋଓଥେରାପି ବିଭାଗରେ ଡ଼ା.ମହମ୍ମଦ ଅକତର୍ ବିଭିନ୍ନ ଅଞ୍ଚଳରୁ ଆସିଥିବା ରୋଗୀ ମାନଙ୍କ ବିଷୟରେ ଅବଗତ ହେଲାପରେ ବିଭିନ୍ନ ପ୍ରକାରର ପରୀକ୍ଷା ନିରୀକ୍ଷା କଲାପରେ ଔଷଧ ବିତରଣ କେନ୍ଦ୍ରକୁ ଯାଇ ମାଗଣାରେ ଓାୖଷଧ ନେବା ସମୟରେ ଔଷଧ ବିତରଣ କେନ୍ଦ୍ରର ଦାୟିତ୍ଵରେ ଥିବା ଛନ୍ଦା ଚରଣ ବେହେରା ଏବଂ ତାଙ୍କ ସହକର୍ମୀ ମାନେ କେତେବେଳେ କେଉଁ ଔଷଧ ସେବନ କରିବେ ତାହା ରୋଗୀ ମାନଙ୍କୁ ପରାମର୍ଶ ଦେଉଥିବା ଦେଖିବାକୁ ମିଳିଥିଲା। ପ୍ରାରମ୍ଭରେ ରୋଗୀ ମାନେ ନିଜ ନାମ ପଞ୍ଜିକରଣ କରି ବିଭାଗ ମାନଙ୍କୁ ପ୍ରବେଶ କରିଥିଲେ।ଡା.ଅଜିତ କୁମାର ବାରିକ ଏବଂ ତାଙ୍କ ସହକର୍ମୀ ପଞ୍ଜିକରଣ ସମୟରେ ସହଯୋଗ କରିଥିଲେ।ପ୍ରବଳ ଭିଡ଼ ସମୟରେ ବରଗଡ଼ ବିଧାନସଭା ନିର୍ବାଚନ ମଣ୍ଡଳୀର ବିଧାୟକ ଶ୍ରୀଯୁକ୍ତ ଅଶ୍ୱିନୀ କୁମାର ଷଡ଼ଙ୍ଗୀ ପରିଦର୍ଶନ ରେ ଆସି ସମସ୍ତ ବିଭାଗର ଡ଼ାକ୍ତର ମାନଙ୍କ ସହିତ ମିଶିଥିଲେ। ତତ୍ ସଙ୍ଗେସଙ୍ଗେ ରୋଗୀ ମାନଙ୍କୁ ସେମାନଙ୍କ ସ୍ୱାସ୍ଥ୍ୟ ସମ୍ପର୍କରେ ବୁଝୁଥିବା ଦେଖାଯାଇଥିଲା। ଶେଷରେ ବିଧାୟକ ତ୍ରିରଙ୍ଗା କ୍ଲବ ଖୁଣ୍ଡପାଲିଙ୍କ ଏଭଳି ଜନହିତକର ପ୍ରୟାସକୁ ସ୍ୱାଗତ କରିବା ସହିତ ଭୂୟସୀ ପ୍ରଶଂସା କରିବା ସହିତ ମୁରଲି କ୍ରିଷ୍ଣା ଫାଉଣ୍ଡେସନ ପକ୍ଷରୁ ପ୍ରଦତ୍ତ ମାନପତ୍ର ଦେଇ ସମ୍ବର୍ଦ୍ଧିତ କରିଥିଲେ।ମହି ମାଗଣା ସ୍ୱାସ୍ଥ୍ୟ ସେବା ଶିବିରରେ ପ୍ରବଳ ଭିଡ ଦେଖିବାକୁ ମିଳିଥିଲା।