22-Feb-2025

ନୀତି ଓ ଭିନ୍ନକ୍ଷମ ଅଧିକାର ଅଧିନିୟମ ୨୦୧୬ ଅନୁଯାୟୀ ସମସ୍ତ ବର୍ଗର ଭିନ୍ନକ୍ଷମ ପିଲା ମାନେ ସାଧାରଣ ବିଦ୍ୟାଳୟରେ ଶିକ୍ଷା ଅଧୟନ କରିବାର ବ୍ୟବସ୍ଥା ଅଛି I ସାଧାରଣ ବିଦ୍ୟାଳୟ ରେ ଭଲ ଶିକ୍ଷା, ସ୍ୱାସ୍ଥ ଏବଂ ବିଭିନ୍ନ ପ୍ରକାର ଚିକତ୍ସା ପାଇଁ ଶିକ୍ଷା ବିଭାଗ ତରଫରୁ ବ୍ୟବସ୍ଥା ଗ୍ରହଣ କରାଯାଉଅଛି I ପ୍ରକାଶ ଥାଉକି ଭିନ୍ନକ୍ଷମ ପିଲାମାନଙ୍କୁ ଗୋଷ୍ଠୀସ୍ତରରେ ବିଭିନ୍ନ ପ୍ରକାର ଥେରାପି ଯୋଗାଇଦେବା ପାଇଁ ସମଗ୍ର ଶିକ୍ଷା ତରଫରୁ ପ୍ରତେକ ଗୋଷ୍ଠି ସ୍ତରରେ ଅନ୍ତର୍ନିବେଶୀ ଶିକ୍ଷା ସାଧନ କେନ୍ଦ୍ର ମାନ କାର୍ଯ୍ୟ କରୁଅଛିI ପିଲାମାନଙ୍କର ଦୂରତାକୁ ଦୃଷ୍ଟିରେ ରଖି ଝରାଡିହି ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟ ଠାରେ ଆଞ୍ଚଳିକ ଅନ୍ତର୍ନିବେଶୀ ସାଧନ ଖୋଲିବା ପାଇଁ ସମଗ୍ର ଶିକ୍ଷା ତରଫରୁ ପିଏମଶ୍ରୀ ପ୍ରକଳ୍ପ ମାଧ୍ୟମରେ ସ୍ଥିର କରାଯାଇଛିI ଏହାର କ୍ଷେତ୍ର ପ୍ରସ୍ତୁତ ପାଇଁ ଜିଲ୍ଲା ସମଗ୍ର ଶିକ୍ଷା କାର୍ଯ୍ୟାଳୟର ଜିଲ୍ଲା ଭିନ୍ନକ୍ଷମ ଅନ୍ତର୍ନିବେଶୀ ଶିକ୍ଷା ସଂଯୋଜକ ନିରଞ୍ଜନ ନୟକ, ରାଇରଙ୍ଗପୁର ଗୋଷ୍ଠି ଶିକ୍ଷା କାର୍ଯ୍ୟାଳୟ ଗୋଷ୍ଟୀ ସମ୍ବଳ ଶିକ୍ଷକ ଶ୍ରୀ ମହେଶ ମହାପାତ୍ର ଓ ଟିସି ତାପସ କୁମାର ଦାସ, ବହଳଦା ଗୋଷ୍ଠୀ ଶିକ୍ଷା କାର୍ଯ୍ୟାଳୟର ସମ୍ବଳ ଶିକ୍ଷକ ସୁଶାନ୍ତ କୁମାର ଷେଣ୍ଢ ପ୍ରମୁଖ ବିଦ୍ୟାଳୟ ପରିଦର୍ଶନ କରି କାର୍ଯ୍ୟକ୍ରମର ସମୀକ୍ଷା କରିଥିଲେ Iଏଥିରେ ବିଦ୍ୟାଳୟର ଅଧ୍ୟକ୍ଷ ସ୍ମୃତି ରଞ୍ଜନ ପାଣି,ବିଦ୍ୟାଳୟ ଏସ.ଏମ.ସି ଅଧ୍ୟକ୍ଷ ବୃହସ୍ପତି ବେହେରା, ହାୟର ସେକେଣ୍ଡାରୀ କମିଟିର ସଭାପତି ସିଂଘୁ ଟୁଡୁ, କାର୍ଯ୍ୟକାରୀ ସଭାପତି ଉପେନ୍ଦ୍ର କୁମାର ମହାନ୍ତ,ଶିକ୍ଷକ ସାଗିନ ମାଝୀ,ଅଭିଜିତ ଜେନା, ପୁରାତନ ଛାତ୍ର ପ୍ରେମ କୁମାର ମିଶ୍ର ଓ ବିକି ମିଶ୍ର ପ୍ରମୁଖ ଉପସ୍ଥିତ ଥିଲେ I

(ମୟୂରଭଞ୍ଜ ରାଇରଙ୍ଗପୁରରୁ ଶ୍ଯାମଳେନ୍ଦୁ ପରିଡାଙ୍କ ରିପୋର୍ଟ)