20-Feb-2025

ସୋନପୁର  (ମନୋରଞ୍ଜନ ତ୍ରିପାଠୀ )
ଓଡିଶା ସରକାରଙ୍କର ଉଚ୍ଚ ପ୍ରାଥମିକ ବିଦ୍ୟାଳୟ ମାନଙ୍କରେ ନିଯୁକ୍ତି ପାଇଥିବା ସମଗ୍ର ସାମୟିକ କଳା ଓ କ୍ରୀଡା ପ୍ରଶିକ୍ଷକମାନଙ୍କର ପାର୍ଟ ଟାଇମ (ଅସ୍ଥାୟୀ)  ଚାକିରି କୁ ଉଚ୍ଛେଦ କରି ସ୍ଥାୟୀ ନିଯୁକ୍ତି ପ୍ରଦାନ କରିବା ନିମନ୍ତେ ସୁବର୍ଣ୍ଣପୁର ଜିଲ୍ଲାର କଳା ଓ କ୍ରାଡା ଶିକ୍ଷକ ସଂଘ ଜିଲ୍ଲାପାଳ ଓ ଡିଇଓ ଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଦାବୀ ପତ୍ର ପ୍ରଦାନ କରିଛନ୍ତି । ୨୦୧୩ ମସିହାରୁ କଳା (ଭିଜୁଆଲ୍ ଆର୍ଟ/ ପାରଫରମିଙ୍ଗ ଆର୍ଟ ) ଓ କ୍ରୀଡା ପ୍ରଶିକ୍ଷକ ମାନେ ନିଯୁକ୍ତି ପାଇଥିଲେ ସୁଦ୍ଧା ସେମାନଙ୍କୁ ସ୍ଥାୟୀ କରାଯାଇନାହିଁ । ଦୀର୍ଘ ୧୨ ବର୍ଷ ଧରି ନିଯୁକ୍ତି ପାଇଥିବା ଏହି ସାମୟିକ ପ୍ରଶିକ୍ଷକ ମାନେ ନିଃସ୍ୱାର୍ଥପର ଭାବରେ ବିଦ୍ୟାଳୟ ମାନଙ୍କରେ ନିଜର କାର୍ଯ୍ୟ ସୁଚାରୁରୂପେ ସମ୍ପାଦନ କରୁଥିବା ସତ୍ୱେ ପ୍ରତି ମୁହୁର୍ତରେ ଅବହେଳା ର ଶିକାର ହୋଇଆସୁଛନ୍ତି । 
କିନ୍ତୁ ରାଜ୍ୟ ସରକାରାଙ୍କର ସର୍ବଶିକ୍ଷା ଅଭିଯାନ ଅଧୀନରେ କାର୍ଯ୍ୟରତ ଶିକ୍ଷାସହାୟକ ୨୦୦୮ ମସିହାରେ, ଗଣଶିକ୍ଷକ ମାନଙ୍କୁ ୨୦୧୭ ମସିହାରେ ଏବଂ ବହୁଭାଷୀ ( ଏମ.ଏଲ.ଉ) ଶିକ୍ଷକ ମାନଙ୍କୁ ୨୦୨୨ ସମିହାରେ କ୍ୟାଡରଭୁକ୍ତ କରାଇ ଯେଉଁଭଳି ଭାବରେ ସ୍ଥାୟୀ ନିଯୁକ୍ତି ପ୍ରଦାନ କରିବାରେ ପ୍ରମୁଖ ଭୂମିକା ଗ୍ରହଣ କରିଥିଲେ, ସେହିଭଳି ଆମ୍ଭ କଳା ଓ କ୍ରୀଡା ପ୍ରଶିକ୍ଷକ ମାନଙ୍କ କ୍ୟାଡରଯୁକ୍ତ କରାଇ ସ୍ଥାୟୀ ନିଯୁକ୍ତି ପ୍ରଦାନ କଲେ ଆମ୍ଭେ ୪୭୮୧ କଳା ଓ କ୍ରୀଡା ଶିକ୍ଷକଙ୍କ ପରିବାର ଆପଣଙ୍କ ନିକଟରେ କୃତଜ୍ଞ ହେବୁ ବୋଲି ଦାବି ପତ୍ରରେ ଉଲ୍ଲେଖ କରାଯାଇଛି । ଏହି ଅବସରରେ ସଂଘର ସମ୍ପାଦକ ଚୌଧୁରୀ ବିଭାର,  ସହ ସମ୍ପାଦକ ସଞ୍ଜୟ କୁମାର ସାହୁ, ଶ୍ୟାମ ସୁନ୍ଦର ମେହେର , ଶ୍ରୀନିବାସ ସାହୁ, ଆଲୋକ ଗହନ,ସୁକାନ୍ତ କୁମାର ମାହାକୁର, ପ୍ରସନ୍ନ କୁମାର ତାଣ୍ଡି, ପ୍ରମୋଦ କୁମାର ନାୟକ, ସୁଜାତା ସାହୁ, ସୁରେନ୍ଦ୍ର ମେହେର, ମିନାକ୍ଷୀ ପଣ୍ଡା, ନିର୍ମଳ ପୋଡ଼, ସୁରେନ୍ଦ୍ର କୁମାର ମେହେର, ରାମ କୁମାର ପାତ୍ର ଶିକ୍ଷକ  ପ୍ରମୁଖ ଉପସ୍ଥିତ ଥିଲେ l