03-Feb-2025

ଆଗଲପୁର, (ବିନୋଦ ଦୀପ) ଆଜି ଆଗଲପୁର ବ୍ଲକ୍ ର ଆଗଲପୁର ଠାରେ ଥିବା ମିନି ଷ୍ଟାଡିୟମ୍ ରେ ରାଜ୍ୟ ସ୍ତରୀୟ ଫୁଟବଲ୍ ଟୁର୍ଣ୍ଣାମେଣ୍ଟ ଉଦ୍ଘାଟିତ ହୋଇ ଯାଇଛି। ଆଜିର ଉଦ୍ଘାଟିତ ପର୍ବ ରେ ମୁଖ୍ୟ ଅତିଥି ଭାବରେ ଡକ୍ଟର ନାରାୟଣ ପ୍ରସାଦ ମିଶ୍ର ଯୋଗ ଦେଇଥିଲେ । ସଂବାନିତ ଅତିଥି ଭାବରେ ଆଗଲପୁର ଥାନା ଅଧିକାରୀ ଶ୍ରୀ ବାସୁଦେବ ଭୋଇ, ଆଗଲପୁର ବ୍ଲକ୍ ର ପୂର୍ବତନ ଉପାଧ୍ୟକ୍ଷ ଶ୍ରୀ ମୋହନ ପଟେଲ, ପଟୁଆପାଲି ସରପଞ୍ଚ ଶ୍ରୀ ରବୀନ୍ଦ୍ର ବସ୍ତିଆ, ଆଗଲପୁର ର ସ୍ବେଚ୍ଛାସେବୀ ଶ୍ରୀ ସାଧୁ ମେହେର, ଆଗଲପୁର ଏଥଲେଟିକ ଏସୋସିଏସନ୍ ର ସଭାପତି ଶ୍ରୀ ଭିକାରୀ ସେଠ୍ ଯୋଗ ଦେଇଥିଲେ।  ମୁଖ୍ୟ ଅତିଥି ଓ ଆଗଲପୁର ଥାନା ଅଧିକାରୀ ଙ୍କ  କର କମଳ ରେ ଫିତା କାଟି ଖେଳ କୁ ଉଦ୍ଘାଟନ କରା ଯାଇଥିଲା। ଓ ପରେ ପରେ ଖେଳାଳି ମାନଙ୍କ ସହିତ କର ମର୍ଦ୍ଦନ କରି ଖେଳ ଆରମ୍ଭ କରା ଯାଇଥିଲା। ସମସ୍ତ ଅତିଥି ମାନଙ୍କୁ ଉପଢୌକନ ତଥା ଉତ୍ତରୀୟ ଦେଇ ସମ୍ମାନିତ କରା ଯାଇଥିଲା।ଆଜିର ଉଦ୍ଘାଟନୀ ପର୍ବ ର ପ୍ରଥମ ଦିନରେ ବରଗଡ଼ ୟୁନାଇଟେଡ କ୍ଳବ୍ ବନାମ ସୁନ୍ଦରଗଡ଼ ବି ଏସ ଏଫ୍ କ୍ଲବ ମଧ୍ୟରେ ଉଦ୍ଘାଟନୀ ମ୍ୟାଚ୍ ଅନୁଷ୍ଠିତ ହୋଇଥିଲା। ଆଜିର ଖେଳ ରୋମାଞ୍ଚକର ଓ ସଂଘର୍ଷପୂର୍ଣ୍ଣ ଭଳି ଲାଗୁଥିଲା। ବରଗଡ଼ ୟୁନାଇଟେଡ କ୍ଳବ୍ 1-0 ଗୋଲ ରେ ବିଜୟୀ ହୋଇଥିଲେ।ଖେଳାଳି ମାନେ ଅତି ସୁନ୍ଦର୍ ଭାବରେ ଖେଳ ପ୍ରଦର୍ଶନ କରିଥିଲେ। ଶେଷରେ ବିଜୟୀ ଦଳକୁ ସଂବାନିତ କରା ଯାଇଥିଲା। ରେଫରୀ ଭାବରେ ସର୍ବ ଶ୍ରୀ କରୁଣାକର ପଧାନ୍ ଓ ଲାଇନ ମେନ୍ ଭାବରେ ଦେବାଶିଷ ବାଗ, ନବୀନ ବେହେରା , ସଞ୍ଜୀବ ମହାରଣା ଖେଳ ପରିଚାଳନା କରିଥିଲେ l