29-Jan-2025

ରେଢ଼ାଖୋଲ ( ଅନିଲ ପୃଷ୍ଟି ) ସମ୍ବଲପୁର ଜିଲ୍ଲା ରେଢ଼ାଖୋଲ ଥାନା ଅନ୍ତର୍ଗତ ବୁରଡା ରାସ୍ତାର ବଡ଼ମାଳ ଗ୍ରାମ ନିକଟରେ ବୁଧବାର ସକାଳେ ଜଣେ ଯୁବକଙ୍କ ମୃତ ଦେହ ଉଦ୍ଧାର କରିଛି ରେଢ଼ାଖୋଲ ପୋଲିସ । ମୃତ ଜଣକ ହେଲେ ବଡ଼ମାଳ ଗ୍ରାମର ଯଜ୍ଞ ପ୍ରଧାନ ।‌ ସେ ଗତ ମଙ୍ଗଳବାର ରାତିରେ ଏକ ଲୁନା ଗାଡ଼ିରେ କୋୖଣସି ଏକ କାମରେ ବଡ଼ମାଳରୁ ବୁରଡା ଗ୍ରାମକୁ ଯାଉଥିଲେ । ହେଲେ ବଡାମାଲ ଗ୍ରାମ ନିକଟରେ ଭାରସାମ୍ୟ ହରାଇ ଏକ ଖାଲ ଭିତରେ ବାଇକ ସହ ଖସିପଡ଼ି ଥିଲେ । ଫଳରେ ସେ ରାତିସାରା ଖାଳ ଭିତରେ ପଡ଼ିରହିଥିଲେ । ବିଳମ୍ବିତ ରାତି ସହ ଜଂଗଲ ରାସ୍ତା ହୋଇଥିବାରୁ ରାସ୍ତାରେ କେହି ଯାତାୟତ ମଧ୍ୟ କରୁନଥିଲେ ତେଣୁ ତାଙ୍କୁ କେହି ଉଦ୍ଧାର କରିପାରିନଥିଲେ । ଯାଫଳରେ ଘଟଣାସ୍ଥଳରେ ତାଙ୍କ ମୃତ୍ୟୁ ହୋଇଥିଲା । ଖବର ପାଇ ଆଜି ସକାଳୁ ରେଢ଼ାଖୋଲ ପୋଲିସ ଘଟଣାସ୍ଥଳରେ ପହଂଚି ମୃତ ଦେହ ଜବତ କରି ଘଟଣାର ତଦନ୍ତ ଆରମ୍ଭ କରିଛି ।