29-Jan-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା ବିଜେପୁର ବ୍ଲକ କୃଷକ ସଂଗଠନ ପକ୍ଷରୁ ଚାଷୀମାନଙ୍କ ବିଭିନ୍ନ ସମସ୍ୟାକୁ ନେଇ ଆଜି ଏକ ବିରାଟ ଚାଷୀ ସମାବେଶ ଅନୁଷ୍ଠିତ ହୋଇଯାଇଛି।ଉପଖଣ୍ଡ ବିଦ୍ୟୁତ ବିଭାଗୀୟ ଅଧିକାରୀ ସୋହେଲାଙ୍କୁ କନିଷ୍ଠ ଯନ୍ତ୍ରୀ ବିଦ୍ୟୁତ ବିଭାଗ ବିଜେପୁରଙ୍କ ଜରିଆରେ ୭ ଦଫା ସମ୍ବଳିତ ଦାବି ପତ୍ର ପ୍ରଦାନ କରିଛନ୍ତି। ବିଜେପୁର କୃଷକ ସଂଗଠନର ସଭାପତି ଶ୍ରୀଯୁକ୍ତ ସୁବାସ ପଧାନଙ୍କ ସଭାପତିତ୍ବରେ ଏକ ସଭା ଅନୁଷ୍ଠିତ ହୋଇଥିଲା।ସରକାର ରାଜ୍ୟରେ ଛତୁ ଫୁଟିଲା ଭଳି ଚାଷୀ ମାନଙ୍କୁ ଗଭୀର ନଳକୂପ ଯୋଗାଇ ଦେଇଛନ୍ତି ସତ ହେଲେ ଲୋ-ଭୋଲଟେଜ ସମସ୍ୟା କିଭଳି ଭାବେ ସମାଧାନ ହୋଇ ପାରିବ ସେ ନେଇ କୈାଣସି ପ୍ରକାରର ପଦକ୍ଷେପ ନନେବା ଦ୍ୱାରା ଆଜି ଲୋ-ଭୋଲଟେଜ ସମସ୍ୟାରେ ଚାଷୀ ଛନ୍ଦି ହୋଇ ଯାଇଛି।ଯଦି ଘର କରିବା ପୂର୍ବରୁ ଯଦି ଗୃହର ମୂଳଦୂଆ ଷ୍ଟ୍ରଙ୍ଗ ନାହିଁ ତେବେ ଘର କଲେ କଣ ହେବ ଘର ଅତି ଶିଘ୍ର ଭୁଷୁଡି ଯିବ,ଠିକ ସେମିତି ଯଦି ସରକାର ଗଭୀର ନଳକୂପ ଯୋଗାଇ ଦେଇ ଚାଷୀଙ୍କୁ ଖୁସ୍ କରି ପାରିଲେ ତେବେ ଟ୍ରାସଫର୍ମର ଉପରେ ଯଦି ଆଗରୁ ଧ୍ୟାନ ଦେଇ ଥାଆନ୍ତେ ତେବେ ଆଜିକାର ପରିସ୍ଥିତିରେ ଚାଷୀ ଚାଷକାମ ଛାଡ଼ି ରାଜରାସ୍ତାକୁ ଓହ୍ଲାଇ ଦାବି ପତ୍ର ପ୍ରଦାନ କରି ନଥାନ୍ତା।ପ୍ରତ୍ୟେକ ରାଜନୈତିକ ଦଳ ଚାଷୀ ମାନଙ୍କୁ ନେଇ ଗର୍ବ କରିବା ଉଚିତ। ହେଲେ ସରକାର ନିର୍ବାଚନ ସମୟରେ ମିଥ୍ୟା ପ୍ରତିଶ୍ରୁତିରେ ଚାଷୀମାନଙ୍କୁ ଭୁଆଁ ବୁଲାଇ ପେ କାଳୀ ବଜାଇବା ପରେ ପ୍ରତିଶ୍ରୁତିର ଗାଇଡ ଲାଇନ ପରିବର୍ତ୍ତନ କରି ଚାଷୀ ମାନଙ୍କୁ ତାଙ୍କ ମୈାଳିକ ସୁବିଧା ସୁଯୋଗରୁ ବଞ୍ଚିତ କରୁଛନ୍ତି  ବୋଲି ରାଜବୋଡାସମ୍ବର କୃଷକ ସଂଗଠନ ପଦ୍ମପୁରରୁ ଆସିଥିବା ଚାଷୀ ନେତା ଶ୍ରୀଯୁକ୍ତ ଲିଙ୍ଗରାଜ ପ୍ରଧାନ ସରକାରଙ୍କ ଦୋମୁହାଁ ନିତିକୁ ବକ୍ତବ୍ୟ ମାଧ୍ୟମରେ ପଦାରେ ପକାଇ ଦେଇଛନ୍ତି। ଏହି ସଭାରେ ଅନ୍ୟମାନଙ୍କ ମଧ୍ୟରେ ଚାଷୀ ନେତା ରତିକାନ୍ତ ବାରିକ,ରବି ପଧାନ,ଲୋକେସ ସାହୁ, ସାମନ୍ତ ଚନ୍ଦ୍ର ସାହୁ, ବିନୋଦ ଚୈାଧୁରୀ ପ୍ରମୁଖ ଚାଷୀମାନଙ୍କ ସମସ୍ୟା ଉପରେ ମତବ୍ୟକ୍ତ କରିଥିଲେ।ସାତଦଫା ଦାବି ଗୁଡିକ ହେଲା, ଗଭୀର ନଳକୂପ ପ୍ରତି ବାର୍ଷିକ ଦେୟ ଟ୪୦୦୦ଙ୍କାରେ ସିମୀତ କରାଯାଉ, ସ୍ମାର୍ଟ ମିଟର ଉଚ୍ଛେଦ କରାଯାଉ, ପାୱାର କଟ୍ ବନ୍ଦ କରାଯାଉ,ଲୋ-ଭୋଲଟେଜ ସମସ୍ୟା ଦୂର କରାଯାଉ,ଖରାପ ହୋଇ ପଡିରହିଥିବା ଟ୍ରାନ୍ସଫର୍ମର ଗୁଡିକ ୨୪ ଘଣ୍ଟା ମଧ୍ୟରେ ମରାମତି କରାଯାଉ, ବକେୟା ବିଲ ପାଇଁ ବାଧ୍ୟତା ମୂଳକ କରା ନଯାଉ,ଚାଷବାସ ଚାଲିଥିବା ସମୟରେ ବିଦ୍ୟୁତ ବିଚ୍ଛିନ୍ନ ସମ୍ପୂର୍ଣ୍ଣ ବନ୍ଦ କରାଯାଉ । ଦାବି ଗୁଡିକୁ ବିଚାର କରି ଯଦି ୧୫ ଦିନ ମଧ୍ୟରେ ସମାଧାନ କରା ନଯାଏ, ତେବେ ଆଗାମୀ ଦିନରେ ଆନ୍ଦୋଳନ ତିବ୍ରତର ହେବ ବୋଲି ଦାବି ପତ୍ରରେ ଉଲ୍ଲେଖ ହୋଇଛି।