29-Jan-2025

ବରୀ : ଶିକ୍ଷିତ ମଣିଷଟିଏ ହେବା ଅପେକ୍ଷା ଭଲ ମଣିଷଟିଏ ହେବା ପାଇଁ ପୁଷ୍ପଗିରି ସରକାରୀ ଉଚ୍ଚ ବିଦ୍ୟାଳୟର ବାଷିକ ଉତ୍ସବରେ ମୁଖ୍ୟଅତିଥି ଭାବେ ଯୋଗଦେଇ ଗଣିତ ଓ ପ୍ରୟୋଗ ପ୍ରତିଷ୍ଠାନ ଭୁବନେଶ୍ୱରର ନିର୍ଦ୍ଦେଶକ ଡ ଯଶୋବନ୍ତ ଜେନା ଛାତ୍ରଛାତ୍ରୀ ମାନଙ୍କୁ ପରାର୍ମଶ ଦେଇଛନ୍ତି । ବିଦ୍ୟାଳୟର ପ୍ରଧାନ ଶିକ୍ଷକ ସୁଭେନ୍ଦୁ କୁମାର ସାମଲଙ୍କ ସଭାପତିତ୍ୱରେ ଅନୁଷ୍ଠିତ ବାର୍ଷିକ ଉତ୍ସବରେ ଡ଼ ଯଶୋବନ୍ତ ଜେନା ଉଦ୍‌ଘାଟକ ଭାବେ ଯୋଗ ଦେଇ ଉତ୍ସବକୁ ପ୍ରଦୀପ ପ୍ରଜ୍ୱଳନ କରି ଉଦ୍‌ଘାଟନ କରିଥିଲେ । ମୁଖ୍ୟବକ୍ତା ଭାବେ ରାଷ୍ଟ୍ରପତି ପୁରସ୍କାର ପ୍ରାପ୍ତ ଅବସରପ୍ରାପ୍ତ ପ୍ରଧାନ ଶିକ୍ଷକ ଭାଗ୍ୟଧର ସାହୁ, ସମ୍ମାନିତ ଅତିଥି ଭାବେ ଡାକ୍ତର ଜ୍ୟୋସ୍ନା ରାଣୀ ଜେନା, ପରିଚାଳନା କମିଟିର ଉପଦେଷ୍ଟା ତଥା ବରିଷ୍ଠ ଅର୍ଥନୀତିଜ୍ଞ କିଶୋର ଚନ୍ଦ୍ର ଜେନା, ଅନ୍ୟତମ ଅତିଥି ଭାବେ ପଞ୍ଚଶଖା ଶିକ୍ଷା ସେତୁ କମିଟିର ସଭାପତି ବ୍ରହ୍ମାନନ୍ଦ ଜେନା, ପୁର୍ବତନ ସରପଞ୍ଚ ଇନ୍ଦ୍ରମଣି ପରିଡା ପ୍ରମୁଖ ଯୋଗଦେଇ ପାଠ ପଢିବା ସାଙ୍ଗକୁ ଭଲ ମଣିଷଟିଏ ହେବା ପାଇଁ ପିଲାମାନେ ଏଇ ବୟସରୁ ଲକ୍ଷ୍ୟ ରଖିବା ଉଚିତ। ବଡ ଘରେ ରହିଲେ କିମ୍ବା ଚାକଚକ୍ୟ ପରିବେଶ ଭିତରେ ରହିଲେ ଯେ କେବଳ ଛାତ୍ରଟିଏ ଉପଯୁକ୍ତ ଶିକ୍ଷା ଲାଭ କରିପାରିବ ସେ କଥା ନୁହେଁ ବରଂ ଉଚ୍ଚ ହେବା ପାଇଁ ମାନସିକତା ରହିଲେ ପଙ୍କରୁ ପଦ୍ମ ଫୁଟିଲା ପରି ଗାଁ ଗହଳିରୁ ମଧ୍ୟ ବିଶ୍ୱରେ ପରିଚିତ ହେବାରେ କୌଣସି ଅସୁବିଧା ରହିବ ନାହିଁ ବୋଲି ଅତିଥିମାନେ ମତପ୍ରକାଶ କରିଥିଲେ। ଅବସରପ୍ରାପ୍ତ ସଂସ୍କୃତ ଶିକ୍ଷକ ଶମ୍ଭୁନାଥ ତ୍ରିପାଠୀ ଅତିଥି ପରିଚୟ ପ୍ରଦାନ କରିଥିବାବେଳେ ଶିକ୍ଷୟତ୍ରୀ ସୁଶ୍ରୀ ସଙ୍ଗୀତା ମହାପାତ୍ର ବିବରଣୀ ପାଠ କରିଥିଲେ । ବିଦ୍ୟାଳୟର ଛାତ୍ରଛାତ୍ରୀମାନଙ୍କ ଦ୍ୱାରା ପାରମ୍ଭିକ ନୃତ୍ୟ ସଂଗୀତ ପରିବେଷଣ ସହ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଟିତ ହୋଇଥିଲା । ପ୍ରାରମ୍ଭରେ ଅତିଥିମାନେ ବିଦ୍ୟାଳୟ ପରିସରରେ ଜାତିର ପିତା ମହାତ୍ମା ଗାନ୍ଧୀ ଓ ଉତ୍କଳମଣୀ ଗୋପବନ୍ଧୁ ଦାସ ଓ ଶିକ୍ଷା ଅନୁରାଗି ସ୍ବର୍ଗତ ନବଘନ ଜେନାଙ୍କ ପ୍ରତିମୃର୍ତ୍ତୀରେ ପୁଷ୍ପ ମାଲ୍ୟ ଅର୍ପଣ କରିଥିଲେ । ବିଭିନ୍ନ କ୍ଷେତ୍ରରେ ମେଧା ତାଲିକାର ଶୀର୍ଷରେ ଥିବା ବିଦ୍ୟାଳୟର ଛାତ୍ରଛାତ୍ରୀ ମାନଙ୍କୁ ସ୍ୱର୍ଗତ ଡାକ୍ତର ରବିନ୍ଦ୍ରନାଥ ଜେନା ଓ ଡାକ୍ତର ଜ୍ୟୋତ୍ସ୍ନାରାଣୀ ଜେନାଙ୍କ ଦ୍ୱାରା ପ୍ରଦତ୍ତ ଅର୍ଥରାଶିରୁ ଜୟରାମ ଜେନା ଓ ଗୋଲଖ ଜେନା ମେଧା ସମ୍ମାନ ପ୍ରଦାନ କରାଯାଇଥିଲା । ଶେଷରେ ବାର୍ଷିକ କ୍ରୀଡା ପ୍ରତିଯୋଗିତାର କୃତି ଛାତ୍ରଛାତ୍ରୀ ମାନଙ୍କୁ ଅତିଥିମାନେ ପୁରସ୍କୃତ କରିଥିଲେ । କାର୍ଯ୍ୟକ୍ରମ ପରିଚାଳନାରେ ବିଦ୍ୟାଳୟର ଶିକ୍ଷକ, ଶିକ୍ଷୟିତ୍ରୀ, କର୍ମଚାରୀ, ପରିଚାଳନା କମିଟି ସଦସ୍ୟ ଓ ଛାତ୍ରଛାତ୍ରୀ ମାନେ ସହଯୋଗ କରିଥିଲେ। ଛାତ୍ରଛାତ୍ରୀ ମାନଙ୍କ ଦ୍ୱାରା ପାରମ୍ଭିକ ନୃତ୍ୟ ସଂଗୀତ ପରିବେଷଣ ସହ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଟିତ ହୋଇଥିଲା।

(ରିପୋର୍ଟ: ରଞ୍ଜିତ ମହାନ୍ତି)