28-Jan-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ବିଜେପୁର ସରସ୍ଵତୀ ଶିଶୁ ବିଦ୍ୟାମନ୍ଦିରର ଛାତ୍ରୀ ଖୁସି ସାହୁ ଏନ.ଆର.ଟି.ଏସ ପରୀକ୍ଷାରେ ବରଗଡ଼ ଜିଲ୍ଲାରେ ଦ୍ଵିତୀୟ ସ୍ଥାନ ଏବଂ ବିଜ୍ଞାପିତ ଅଞ୍ଚଳ ପରିଷଦ ବିଜେପୁରରେ ପ୍ରଥମ ସ୍ଥାନ ଅଧିକାର କରିଛନ୍ତି । ସେ ବିଜେପୁର ସରସ୍ଵତୀ ଶିଶୁ ବିଦ୍ୟାମନ୍ଦିର ଠାରେ ନବମ ଶ୍ରେଣୀର ଅଧ୍ଯୟନ କରୁଛନ୍ତି । ଜଣେ ମେଧାବୀ ଛାତ୍ରୀ ଭାବେ ସେ ବୃତ୍ତି ପରୀକ୍ଷା, ବିଭିନ୍ନ ପ୍ରତିଯୋଗିତାରେ ଭାଗ ନେଇ ଅନେକ ପୁରସ୍କାର ପାଇଛନ୍ତି । ସେ ବରମୁଣ୍ଡା  ଗ୍ରାମର ବିବେକାନନ୍ଦ ସାହୁ ଏବଂ ଚମ୍ପାବତୀ ସାହୁଙ୍କ ଝିଅ ଅଟନ୍ତି । ପ୍ରକାଶଥାଉକି ଚଳିତ ବର୍ଷ ବିଜେପୁର ଏନ ଏ ସି ରେ ସରସ୍ଵତୀ ଶିଶୁ ବିଦ୍ୟାମନ୍ଦିର ବିଜେପୁରର ଦୁଇଜଣ ଛାତ୍ରୀ ଏହି କୃତିତ୍ବ ଅର୍ଜନ କରି ବିଦ୍ୟାଳୟର ଗୌରବ ବୃଦ୍ଧି କରିଛନ୍ତି । ଏହା ସହ ଛାତ୍ରୀ ଅର୍ଚ୍ଚିତା ପାତ୍ର ବିଜ୍ଞାପିତ ଅଞ୍ଚଳ ପରିଷଦ ବିଜେପୁରରେ ଦ୍ବିତୀୟ ସ୍ଥାନ ଅଧିକାର କରିଛନ୍ତି । ସେ ଗୁଦେରପାଲି ଗ୍ରାମର ଦୁର୍ବାଦଳ ପାତ୍ର ଏବଂ ଶିବପ୍ରିୟା ପାତ୍ରଙ୍କ ଝିଅ ଅଟନ୍ତି । ଛାତ୍ର ଛାତ୍ରୀଙ୍କ ଏହି ସଫଳତାରେ ବିଦ୍ୟାଳୟର ପ୍ରଧାନ ଆଚାର୍ଯ୍ଯ ଶ୍ରୀଯୁକ୍ତ ଗୋକୁଳ ଚନ୍ଦ୍ର ଷଡ଼ଙ୍ଗୀ , ସହ ପ୍ରଧାନ ଆଚାର୍ଯ୍ୟ ସଦାନନ୍ଦ ପଧାନ, ବିଦ୍ୟାମନ୍ଦିର ପ୍ରମୁଖ ମନୋଜ କୁମାର ସାହୁ ସହ ସମସ୍ତ ଗୁରୁଜୀ ଗୁରୁମା, ପରିଚାଳନା କମିଟିର ସଭ୍ଯ ସଭ୍ଯା ଶୁଭେଚ୍ଛା ଜଣାଇଛନ୍ତି ।