27-Jan-2025

ଆଗଲପୁର, (ପ୍ରେରଣା ଖବର)ଗତ 23 ତାରିଖ ରେ ଆଗଲପୁର ଠାରେ ଥିବା ଶ୍ରୀ ଶ୍ରୀ ଧବଳେଶ୍ବର ବାବା ମନ୍ଦିର ରୁ ଚୋରି ହୋଇଥିବା ଥାନାରେ ଲିଖିତ ଅଭିଯୋଗ ହୋଇଥିଲା l ମନ୍ଦିର କମିଟି ର ସହଯୋଗ ରେ ଆଗଲପୁର ପୋଲିସ ଚୋରି କରିଥିବା ଯୁବକକୁ ଆଜି ଗିରଫ କରି କୋର୍ଟ ଚାଲାଣ କରିଛି l ସୂଚନାନୁସାରେ ମନ୍ଦିର କମିଟି ର ସଭ୍ୟମାନେ ବିଶେଷ ସୂତ୍ରରୁ ଖବର ପାଇ ପୋଲିସ କୁ ଜଣାଇ ଥିଲେ l ପୋଲିସ ଖବର ପାଇବା ପରେ ଚୋର ର ଗ୍ରାମକୁ ଯାଇ ତାକୁ ଗିରଫ କରି ଥାନା କୁ ଆଣିଥିଲେ l ଆଗଲପୁର ଥାନା ଅଧିକାରୀ ଶ୍ରୀ ବାସୁଦେବ ଭୋଇ ଚୋର କୁ ପଚରା ଉଚୁରା କରି ଚୋରି ସାମଗ୍ରୀ ଜବତ କରିଥିବା ସୂଚନା ଦେଇଛନ୍ତି l ଚୋରି ସାମଗ୍ରୀ  ମଧ୍ୟରୁ ଏକ ସାଢେ଼ ଚାରି ଫୁଟ ର ଏକ ତମ୍ବା ନାଗ, ତିନି ଫୁଟ୍ ର ଏକ ପଞ୍ଚ ଫେଣି ତମ୍ବା ନାଗ, ଚାରୋଟି ଛୋଟ ତମ୍ବା ନାଗ, କଳସ ଓ ପୂଜା ରେ ବ୍ୟବହୃତ ସାମଗ୍ରୀ ସବୁ ଚୋରି ହୋଇଥିବା ଜଣାପଡ଼ିଛି l. ଶ୍ରୀ ଭୋଇ ପ୍ରକାଶ କରିଛନ୍ତି ଯେ ଚୋର ସମସ୍ତ ସାମଗ୍ରୀ ଏକ ପାଳ ଗଦାରେ ଲୁଚାଇ ରଖିଥିବା ଚୋର କହିଥିଲା l ତା କହିବା ମୁତାବକ ଉକ୍ତ ସ୍ଥାନରୁ ସମସ୍ତ ଚୋରି ସାମଗ୍ରୀ ଜବତ କରା ଯାଉଥିବା ଥାନା ଅଧିକାରୀ ସୂଚନା ଦେଇଛନ୍ତି।   ପୋଲିସ ଏକ ମାମଲା ରୁଜୁ କରି ତାକୁ ଡାକ୍ତରୀ ମାଇନା କରି କୋର୍ଟଚାଲାଣ କରିଛନ୍ତି। ଉକ୍ତ ଚୋର ର ନାମ ହେଉଛି ସିମନ୍ତ ଶିଖା ଓ ଗ୍ରାମ ଇଂଶା ବୋଲି ଜଣା ପଡିଛି l କେସ ନ 11/24 ରେ  ମାମଲା ରୁଜୁ କରି କୋର୍ଟ ଚାଲାଣ କରାଯାଇଛି l ଆଗଲପୁର ପୋଲିସ ଉକ୍ତ ଚୋର ଠାରୁ ଏକ ସୁପର ସ୍ପ୍ଲେଣ୍ଡର ମୋଟର ସାଇକେଲ C G 04 D C 7383 ଜବତ କରିଛି l