20-Jan-2025

କନ୍ଧମାଳ(କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ ) କନ୍ଧମାଳ ଜିଲ୍ଲାରେ ପ୍ରଥମକରି ବା ( ଭାରତୀୟ ଏସ ସି ଫେଡେରେସନ, କନ୍ଧମାଳ ଶାଖା ) ର ଅନୁଚୁଚିତ ଜାତି ମୋର୍ଚା ର ଜିଲ୍ଲାସ୍ତରୀୟ ଏକ ସାଙ୍ଗଠନିକ ବୈଠକ କ.ନୂଆଗାଁ ବ୍ଲକ ସାରଙ୍ଗଗଡ଼ ଠାରେ ଥିବା ମା ମଙ୍ଗଳା କଲ୍ୟାଣ ମଣ୍ଡପ ଠାରେ ଅନୁଷ୍ଠିତ ହୋଇଯାଇଛି I ମୋର୍ଚ୍ଚାର ଆବାହକ ତଥା ପାଣ ସମାଜର ପୂର୍ବତନ ଜିଲ୍ଲା ଓ ରାଜ୍ୟ ( କନ୍ଧମାଳ ଜାତୀୟ କଂଗ୍ରେସ ପୂର୍ବତନ ଜିଲ୍ଲା ସଭାପତି  ) ଶ୍ରୀ ଅନାମ ନାଏକ ଙ୍କ ଅଧକ୍ଷତାରେ ଅନୁଷ୍ଠିତ ଏହି ବୈଠକରେ ସନମାନୀତ ଅତିଥିଭାବେ ପଢ଼ୋଶୀ ବୌଦ୍ଧ ଜିଲ୍ଲାରୁ ଆସିଥିବା  ରାଜ୍ୟ କେଡିକେ ହଟାଓ ଆନ୍ଦୋଳନ ର କ୍ରାନ୍ତିକାରୀ ନେତା ତଥା ରାଜ୍ୟ ସଭାପତି ଶ୍ରୀ ସୁଧାଂଶୁ ଡାଙ୍ଗ, ବୌଦ୍ଧ ଜିଲ୍ଲା କେଡିକେ ହଟାଓ ଜିଲ୍ଲା ସଭାପତି ବଟକୃଷ୍ଣ ପ୍ରଧାନ, କନ୍ଧମାଳ ଜିଲ୍ଲାର ଡାଇନାମିକ ଯୁବ ନେତା ଶ୍ରୀ ଚନ୍ଦ୍ରମୋହନ ନାୟକ ପ୍ରତକ୍ଷ୍ୟ ତତ୍ୱାବଧାନ ରେ ବୈଠକ ଅନୁଷ୍ଠିତ ହେବାସହିତ ଅନ୍ୟ ସମସ୍ତ ଜାତିପ୍ରେମୀ ନେତୃ ମଣ୍ଡଳୀ ସକ୍ରିୟ ଅଂଶ ଗ୍ରହଣ କରିଥିଲେ  ଏବଂ କନ୍ଧମାଳ ଜିଲ୍ଲା ର ସମସ୍ତ ବ୍ଲକର ଅନୁସୂଚିତ ଜାତି ସାମ୍ପ୍ରଦାୟର କର୍ମକର୍ତା ଉପସ୍ଥିତି ଥିଲେ I ଏହି ଅବସରରେ  ଅଖିଳ ଭାରତୀୟ ଅନୁସୂଚିତ ଜାତି ମହାସଂଘ କନ୍ଧମାଳ ଜିଲ୍ଲା ପାଇଁ କରକର୍ତ୍ତା ଚୟନ କରାଯାଇଥିଲା ସର୍ବ ପ୍ରଥମେ ସର୍ବସମ୍ମତି କ୍ରମେ ଶ୍ରୀ ଅନାମ ନାଏକଙ୍କୁ  ଏସ ସି ଫେଡେରେସନର ସଭାପତି ଭାବରେ ଚୟନ କରାଯାଇଥିବା ବେଳେ ସାଙ୍ଗଠନିକ ସମ୍ପାଦକ ଭାବରେ କନ୍ଧମାଳ ର ଜାତିପ୍ରେମୀ ଉଦୀୟମାନ ଯୁବ ନେତା ଶ୍ରୀ ଚନ୍ଦ୍ରମୋହନ ନାଏକଙ୍କୁ ସାଧାରଣ ସମ୍ପାଦକ ଭାବରେ ଚୟନ କରାଯାଇଥିଲା | ଏହାପରେ ଶ୍ରୀ ସୁଶାନ୍ତ କୁମାର ମୁଖି କାର୍ଯ୍ୟକାରୀ ସମ୍ପାଦକ ଭାବେ ଚୟନ କରାଯାଇ ଥିବା ବେଳେ ଶ୍ରୀ ନୀଳାଞ୍ଚଳ ନାଏକ, ସହ ସମ୍ପାଦକ,ଭ୍ରମରବର ନାଏକଙ୍କୁ ଚୟନ କରାଯାଇଛି I ସେହିଭଳି ଉପସଭାପତି ଭାବରେ ପ୍ରକାଶ ଚନ୍ଦ୍ର ମୁଖି,ଓ ଗହନ ବେହେରା, କାର୍ଯ୍ୟକାରୀ ସଭାପତି ଭାବେ ଫୁଲବାଣୀ ର ପୂର୍ବତନ ବିଧାୟକ ଶ୍ରୀ ଦାଶରଥି ବେହେରା ଓ କୋଷାଧକ୍ଷ ଭାବରେ ରୋହିଦାସ ନାଏକ ଙ୍କୁ ଚୟନ କରାଯାଇଛି I ସେହିଭଳି ଜିଲ୍ଲାର ପ୍ରତ୍ୟକ ବ୍ଲକ ରୁ ତିନି /ଜାତିପ୍ରେମୀ ଦକ୍ଷତା ସମ୍ପର୍ଣ୍ଣ ଚାରି ଜଣ ବ୍ୟକ୍ତିଙ୍କୁ ବ୍ଲକ ସଂଯୋଜକ ଭାବରେ ନିଯୁକ୍ତି ପ୍ରଦାନ କରାଯାଇଛି  I ଏହାପରେ ନିଜର ନ୍ୟାର୍ଯ୍ୟ ଦାବୀ ହାସଲ କରିବା ପାଇଁ ସରକାରଙ୍କ ପାଖରେ  ସଂଗଠନ ବାରମ୍ବାର ଦାବି ଉପସ୍ଥାପନା କରିବା ଓ ରାଜ୍ୟରେ କେଉଟ, ଧୀବର ଓ କୈବର୍ତ୍ୟ ଜାତିକୁ ଅନୁସୂଚିତ ଜାତି ତାଲିକାରୁ ରୁ ସମ୍ପୂର୍ଣ୍ଣ ଉଛେଦ କରିବା ହେଉଛି  ସଂଗଠନର ମୂଳ ଲକ୍ଷ୍ୟ ଓ ମୁଖ୍ୟ ଉଧେଶ୍ୟ  ବୋଲି ନବ ନିଯୁକ୍ତ ସଭାପତି ଶ୍ରୀ ଅନାମ ନାୟକ ଓ ସମ୍ପାଦକ ଶ୍ରୀ ଚନ୍ଦ୍ରମୋହନ ନାୟକ ଦୃଢ଼କ୍ତି ପ୍ରକାଶ କରି ଉପସ୍ଥିତି ସଦସ୍ୟ ମାନଙ୍କୁ ଉଦବୋଧନ ଦେଇଥିଲେ  |  ସର୍ବ ଶେଷରେ କେଡିକେ ହଟାଓ ରାଜ୍ୟ ସଂଗଠନ ର ସଭାପତି ଶ୍ରୀ ସୁଧାଂଶୁ ଡାଙ୍ଗ  ଏହି ସଂଗଠନ ର ମୁଖ୍ୟ ଉଧେଶ୍ୟ ଉପରେ ପ୍ରାଞ୍ଜଳ ଭାବେ ଉପସ୍ଥିତ ଜନସାଧାରଣ ଙ୍କୁ ଅବଗତ କରିଥିଲେ  ଏବଂ କହିଥିଲେକି ଦରକାର ପଡିଲେ  ଆମକୁ ଆମ ଜାତିର ନ୍ୟାର୍ଯ୍ୟ ଦାବୀ ହାସଲ କରିବାପାଇଁ ଆମକୁ ନିଜ ନିଜ ଜୀବନକୁ ଉତ୍ସାର୍ଗୀକୃତ କରିବାକୁ ପଡିବ, ଆନ୍ଦୋଳନ କୁ ଓଲ୍ହାଇବା୍କୁ ପଡିବ, ଏବଂ ସରକାରଙ୍କ ସହିତ ଲଢେଇ ଜାରି ରଖିବାକୁ ପଡିବ ତେଣୁ ଆଜିଠୁ ଆମ ସମସ୍ତଙ୍କୁ ପ୍ରତିମୁହୂର୍ତ୍ତ ରେ ପ୍ରସ୍ତୁତ ରହିବାକୁ ପଡିବ ବୋଲି ଆହ୍ୱାନ କରିଥିଲେ |