17-Jan-2025

ନର୍ଲା (ସଞ୍ଜିବ ଦାସ )ନର୍ଲା ବ୍ଲକ ଅନ୍ତର୍ଗତ ବିଜୟାନନ୍ଦ ପଞ୍ଚାୟତ ଉଚ୍ଚ ମାଧ୍ୟମିକ ବିଦ୍ୟାଳୟ ତୁଳlପଡା ଠାରେ ଛାତ୍ରଛାତ୍ରୀ ମାନଙ୍କ ପାଇଁ ଆତ୍ମ ସୁରକ୍ଷା ତାଲିମ ଶିବିର ଉଦଘାଟିତ ହୋଇ ଯାଇଛି l ବିଦ୍ୟାଳୟ ପରିସରରେ ଆୟୋଜିତ ପ୍ରଶିକ୍ଷଣ କାର୍ଯ୍ୟକ୍ରମର ମୁଖ୍ୟ ଅତିଥି ଭାବରେ ନର୍ଲା ଶିଶୁ ବିକାଶ ଯୋଜନା ଅଧିକାରୀ ଶ୍ରୀମତୀ ଅଞ୍ଜଳି ପଟ୍ଟନାୟକ ଯୋଗଦାନ କରି ଉଦଘାଟନ କରିବା ସହିତ ଛାତ୍ରୀ ମାନଙ୍କ ପାଇଁ ସରକାରଙ୍କ ସରକାରଙ୍କ ଦ୍ୱାରା ଆତ୍ମ ସୁରକ୍ଷା ତାଲିମ କେତେ ଗୁରୁତ୍ୱପୂର୍ଣ୍ଣ ସେ ନେଇ ଆଲୋକପାତ କରିବା ସହିତ ଅତୀତର ଛାତ୍ରୀ ଓ ବର୍ତ୍ତମାନର ଛାତ୍ରୀ ମାନଙ୍କ ମଧ୍ୟରେ ପାର୍ଥକ୍ୟ ର ତୁଳନାତ୍ମକ ବିଚାର ସମ୍ପର୍କରେ ଅଭିଭାଷଣ ରଖିଥିଲେ l ଅଧ୍ୟକ୍ଷ ଶୁଶିଲ ସେନାପତିଙ୍କ ନେତୃତ୍ୱରେ ଏହି କାର୍ଯ୍ୟକ୍ରମଟି ହୋଇଥିବା ବେଳେ ଖେଳ ଶିକ୍ଷକ ଅରୁଣ କୁମାର ନାୟକ କାର୍ଯ୍ୟକ୍ରମଟିକୁ ପରିଚାଳନା କରିଥିଲେ l ଏହି ପ୍ରଶିକ୍ଷଣ କାର୍ଯ୍ୟକ୍ରମ ର ପ୍ରଶିକ୍ଷିକା ଭାବରେ ଗୀତାଞ୍ଜଳି ବୈଠାରୁ ଓ କୁମୁଦିନୀ ମାଝୀ ଛାତ୍ରୀ ମାନଙ୍କୁ ପ୍ରଶିକ୍ଷଣ ଦେଇଥିଲେ l ଏହି ବିଦ୍ୟାଳୟର କଳା ଓ ବିଜ୍ଞାନ ର ୧୮୬ ଜଣ ଛାତ୍ରୀ ଏହି ଶିବିରରେ ପ୍ରଶିକ୍ଷଣ ନେଉଥିବା କଥା ଶ୍ରୀଯୁକ୍ତ ସେନାପତି ସୁଚନା ଦେଇଛନ୍ତି l ଏହି କାର୍ଯ୍ୟକ୍ରମରେ ବିଦ୍ୟାଳୟର ଅଧ୍ୟାପକ ମାନଙ୍କ ମଧ୍ୟରେ ବିଜୟ କୁମାର ଭୋଇ, ନିତ୍ୟାନନ୍ଦ ଭଞ୍ଜ, ଉମେଶ ଚନ୍ଦ୍ର ସ୍ୱାଇଁ ଓ ଦୀନବନ୍ଧୁ ରାଉତ ଉପସ୍ଥିତ ରହି ସହଯୋଗ କରି ଥିଲେ l ଉଦଘାଟିତ ହୋଇଥିବା ଏହି କାର୍ଯ୍ୟକ୍ରମ ତା ୦୭/୦୧/୨୦୨୫ ରିଖ ଠାରୁ ଆରମ୍ଭ ହୋଇ ୧୬/୦୧/୨୦୨୫ ରିଖ ଦିନ ଉଦଯାପନୀ ଉତ୍ସବ ଅନୁଷ୍ଠିତ ହୋଇ ଯାଇଛି l ଉଦଯାପନୀ ଉତ୍ସବ ରେ ସ୍ଥାନୀୟ ସରପଞ୍ଚ ଶ୍ରୀମତୀ ମଲ୍ଲିହାର ପଧାନ ମୁଖ୍ୟ ଅତିଥି ଭାବରେ ଉପସ୍ଥିତ ରହି ଛାତ୍ରୀ ଆତ୍ମ ସୁରକ୍ଷା ଶିବିରର ସଫଳତା ସମ୍ପର୍କରେ ଆଲୋକପାତ କରିଥିଲେ ଓ ଛାତ୍ରୀ ମାନଙ୍କୁ ପ୍ରଶିକ୍ଷଣର ମାନପତ୍ର ବଣ୍ଟନ ସ୍ୱହସ୍ତରେ କରି ଥିଲେ l କାର୍ଯ୍ୟକ୍ରମଟିକୁ ଓଡ଼ିଆ ଅଧ୍ୟାପକ ଉମେଶ ଚନ୍ଦ୍ର ସ୍ୱାଇଁ ପରିଚାଳନା କରିବା ସହିତ ଶେଷରେ ଅଧ୍ୟାପକ ବିଜୟ କୁମାର ଭୋଇ ଧନ୍ୟବାଦ ଅର୍ପଣ କରିଥିଲେ l