14-Jan-2025

ତୁଷୁରା (ପଞ୍ଚାନନ ନାଏକ) ବଲାଙ୍ଗୀର ଜିଲ୍ଲା ତୁଷୁରା ସହର ସ୍ଥିତ ତୋଷାଳୀ ମହିଳା କଲେଜ ଠାରେ  କୁଲତା ଯୁବ ଶକ୍ତି ଓଡିଶା ସଂଗଠନର ରାଜ୍ୟକମିଟିର ପୁନଃଗଠନ  ହୋଇଯାଇଛି l ବିଭିନ୍ନ ସମୟରେ ନିଶୁକ୍ଳ ଶିକ୍ଷାଦାନ , ମେଡିକାଲ ସହାୟତା , ରକ୍ତଦାନ, ଅର୍ନ୍ନ ଓ ବସ୍ତ୍ର ବଣ୍ଟନ, ମହିଳା ସଶକ୍ତିକରଣ, ନିଶାମୁକ୍ତି ଅଭିଯାନ, ତଥା ଦକ୍ଷତା ବିକାଶ କାର୍ଯ୍ୟକ୍ରମ ମାନ କରି ଆସୁଛି l କରୋନା ମହାମାରୀ ସମୟରେ ଅନଲାଇନ ରେ ନିଶୁକ୍ଳ ଶିକ୍ଷା ଦାନ କରି ଏହି ସଂଗଠନ ବିଭିନ୍ନ ସ୍ଥାନରେ ଉଚ୍ଚ ପ୍ରଶଂସିତ ହୋଇଛି l କୁଲତା ଯୁବ ଶକ୍ତି ଓଡିଶା ସଂଗଠନର ଅବଧି ଶେଷ ହୋଇଥିବାରୁ ପ୍ରେମାନନ୍ଦ ସାହୁଙ୍କ ନେତୃତ୍ୱରେ ଏହାର ପୁନଃଗଠନ  କରାଯାଇ ଥିଲା l ଏହି କ୍ରମରେ ରାଜ୍ୟ ସଭାପତି ଭାବରେ ଉମେଶ ଚନ୍ଦ୍ର ପଧାନ, ବଲାଙ୍ଗୀର ଜିଲ୍ଲା ପୁନର୍ବାର ମନୋନୀତ ହୋଇଥିବା ବେଳେ ସାଧାରଣ ସମ୍ପାଦକ ଭାବରେ ହରିଶ ଚନ୍ଦ୍ର ନାଏକ ମନୋନୀତ ହୋଇଛନ୍ତି l ବିଭିନ୍ନ ଜିଲ୍ଲାରୁ ସଦସ୍ୟମାନେ ଏହି କମିଟି ରେ ଯଥାକ୍ରମେ ବିଭିନ୍ନ ଦାୟିତ୍ୱ ନେଇଛନ୍ତି l ଉପସଭାପତି ଭାବରେ ବ୍ରଜେନ୍ଦ୍ର ପଧାନ, ସୁନ୍ଦରଗଡ଼, ସୁସ୍ମିତା ସାହୁ, ବରଗଡ, ସମ୍ପାଦକ ଗୌରାଙ୍ଗ ସାହୁ, ସମ୍ବଲପୁର, ସହ ସମ୍ପାଦିକା ପଦ୍ମିନୀ ନାୟକ, କଳାହାଣ୍ଡି, ସଂଗଠନ ସମ୍ପାଦକ ପ୍ରେମାନନ୍ଦ ସାହୁ, ସହ ସଂଗଠନ ସମ୍ପାଦକ ଟିକେଲାଲ ସାହୁ, ପ୍ରଶାନ୍ତ ଭୋଇ ରହିଥିବା ବେଳେ କୋଷାଧକ୍ଷ ଭାବରେ ନରୋତ୍ତମ ଭୋଇ  ମନୋନୀତ  ହୋଇଛନ୍ତି l ଏହି କମିଟି ରେ ଶିକ୍ଷା, ସ୍ୱାସ୍ଥ୍ୟ,ନିଶାମୁକ୍ତି, ମହିଳା ସଶକ୍ତିକରଣ ଆଦି ୧୦ ଟି ବିଭାଗ କରି ବିଭିନ୍ନ ଜିଲ୍ଲା ର ସଦସ୍ୟମାନଙ୍କୁ ଏହାର ସଂଯୋଜକ ଭାବରେ ମନୋନୀତ କରାଯାଇଛି l