14-Jan-2025

ବରଗଡ:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା ଅନ୍ତର୍ଗତ ସରକାରୀ ବାଳିକା ଉଚ୍ଚ ବିଦ୍ୟାଳୟ ପଦ୍ମପୁର ପରିସରରେ
ଅଗ୍ରଣୀ  ସାହିତ୍ୟ ଅନୁଷ୍ଠାନ "ଆଗାମୀ ସାହିତ୍ୟ ସଂସଦ"ର ୪୩ତମ ପ୍ରତିଷ୍ଠା ଦିବସ ଓ ମକର ମିଳନ ଉତ୍ସବ ଅନୁଷ୍ଠିତ ହୋଇ ଯାଇଛି।ସଂସଦର ଉପ ସଭାପତି ସଞ୍ଜୟ
କୁମାର ବହିଦାର ସ୍ୱାଗତ ଅଭିଭାଷଣ ପ୍ରଦାନ କରିଥିଲେ।ସମ୍ପାଦକ ଅଶୋକ କୁମାର ବହିଦାର ଉଦ୍ଦେଶ୍ୟ ଜ୍ଞାପନ କରିଥିବା ବେଳେ ଡ଼ଃ ଜୟକେତନ ତ୍ରିପାଠୀଙ୍କ ସଂଯୋଜନାରେ ଓ ବରିଷ୍ଠ ନାଗରିକ ସଂଘର ସଭାପତି ଶ୍ରୀ ଜୟ ନାରାୟଣ ତ୍ରିପାଠୀ ଙ୍କ ସଭାପତିତ୍ବରେ ଆୟୋଜିତ ସଭାରେ ଶ୍ରୀ ମନୋଜ କୁମାର ପଣ୍ଡା, ଅଧ୍ୟାପକ ସନ୍ତୋଷ ଦେବତା, ଅଧ୍ୟାପକ ସନ୍ତୋଷ ସିଂହ ଠାକୁର, ଅଧ୍ୟାପକ ସନ୍ତୋଷ ମିଶ୍ର ,ସଂଜୟ କୁମାର ବହିଦାର ଓ ଶ୍ରୀ ମନୋରଞ୍ଜନ ପୁରୋହିତ ବିଭିନ୍ନ ଦିଗରୁ ମକର ସଂକ୍ରାନ୍ତିର ବୈଶିଷ୍ଟ୍ୟ ଉପରେ ଆଲୋଚନା କରିଥଲେ।ଏଇ ଅବସରରେ ଉପସ୍ଥିତ ଶ୍ରୋତାଙ୍କୁ ମକର ଚାଉଳ ଶ୍ରୀଗଣେଶ ଓ ବାଗଦେବୀ ସରସ୍ୱତୀଙ୍କ 
ନିକଟରେ ଅର୍ପଣ କରି ପ୍ରସାଦ ବଣ୍ଟନ କରାଯାଇଥିଲା।ଏଇ ଉତ୍ସବରେ ଶାନ୍ତାନୁପାଣିଗ୍ରାହୀ, ଜିତେନ୍ଦ୍ରିୟ ନାଥ ଗୁରୁ,ଅଧ୍ୟାପକ ବିଦ୍ୟାଧର ଦାଶ, ଦୈତାରୀ ସ୍ୱାଇଁ, ଗୋବିନ୍ଦ ଚନ୍ଦ୍ର ପାଣିଗ୍ରାହୀଙ୍କ ସମେତ ବିଭିନ୍ନ ଅନୁଷ୍ଠାନର କର୍ମକର୍ତ୍ତାମାନେ ଉପସ୍ଥିତ ଥିଲେ। ସମଗ୍ର କାର୍ଯ୍ୟକ୍ରମକୁ ଟେନେସ ପଣ୍ଡା, ରାମଚନ୍ଦ୍ର ମେହେର, କରୁଣାକର ମେହେର, କୁଞ୍ଜ ବିହାରୀ ସରାଫ,ପରମେଶ୍ବର ବିଶି ପରିଚାଳନାରେସାହାଯ୍ୟ କରିଥିଲେ। ଶେଷରେ ଶେଷ ଦେବ ମେହେର ଧନ୍ୟବାଦ ଅର୍ପଣ କରିଥିଲେ।