13-Jan-2025

କଣ୍ଟାମାଳ(ଜୟ କୁମାର ମହାରଣା): ଅଗ୍ରଣୀ ସ୍ବେଛାସେବୀ ସଂଗଠନ ୱାଇସିଡିଏ ବାଉଁଶୁଣି ର ୩୨ତମ ପ୍ରତିଷ୍ଠା ଦିବସ ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ସତସଙ୍ଗ ବିହାର ନିକଟ ୱାଇସିଡିଏ କାର୍ଯ୍ୟାଳୟ ଠାରେ ଆଡମ୍ବର ସହକାରେ ପାଳିତ ହୋଇଯାଇଛି  l  ୱାଇସିଡିଏ କଣ୍ଟାମାଳ ଶାଖାର ପ୍ରୋଗ୍ରାମ ମ୍ୟାନେଜର ପୂର୍ଣ୍ଣ ଚନ୍ଦ୍ର ଖଟୁଆ ଙ୍କ ସଭାପତିତ୍ୱ ତଥା ସଂଯୋଜନା ରେ ଆୟୋଜିତ ସଭାରେ କଣ୍ଟାମାଳ ସହକାରୀ ଉଦ୍ୟାନ କୃଷି ଅଧିକାରୀ ଗୋବିନ୍ଦ ଚନ୍ଦ୍ର ସେଠି,ବ୍ଲକ ସହକାରୀ କୃଷି ଅଧିକାରୀ ରାଜୀବ ସାହୁ,ସମାଜସେବୀ ଦିବ୍ୟ ଶଙ୍କର  ରାଉତ,ନୂଆପାଲି ଆଦିବାସୀ ଉଚ୍ଚ ବିଦ୍ୟାଳୟ ପ୍ରଧାନଶିକ୍ଷକ ଅନନ୍ତ ଚରଣ କ୍ଷେତି, ମିଶନଶକ୍ତି ବ୍ଲକ ସଂଯୋଜିକା ସସ୍ମିତା ବାଦୀ ପ୍ରମୁଖ ଯୋଗଦେଇ ୱାଇସିଡିଏ ର କାର୍ଯ୍ୟଧାରା,

କାର୍ଯ୍ୟଦକ୍ଷତା ଓ ସହଭାଗିତା ସମ୍ପର୍କରେ ଆଲୋକପାତ କରିଥିଲେ  l   ପ୍ରାରମ୍ଭରେ କାର୍ଯ୍ୟକ୍ରମ ଶାଖାପରିଚାଳକ ଶ୍ରୀ ଖଟୁଆ ୱାଇସିଡିଏ ର ୩୨ବର୍ଷ ଯାତ୍ରାର ସଫଳ କାର୍ଯ୍ୟଧାରାର ଉଦ୍ଦେଶ୍ୟ ଓ ଆଭିମୁଖ୍ୟ ସମ୍ପର୍କରେ ଉପସ୍ଥାପନା କରିଥିଲେ  l  ମିଶନ ଶକ୍ତି ବ୍ଲକ କୋଡିନେଟର ସସ୍ମିତା ବାଦୀ ୱାଇସିଡିଏ ରେ କାମ ଆରମ୍ଭ କରି କିଭଳି ନିଜର ଦକ୍ଷତା ବୃଦ୍ଧି କରିବା ସହ

ଏକଏକ ଭାବ ବିହ୍ଵଳ ଢଙ୍ଗରେ ନିଜର ଦଶ ବର୍ଷର ଅଭିଜ୍ଞତା ବୟାନ କରିଥିଲେ l  କଣ୍ଟାମାଳ ଏଏଚଓ ଶ୍ରୀ ସେଠି ଦୃଢ଼ ଇଛା ଶକ୍ତି ଥିଲେ ସଫଳତା ମିଳିଥାଏ ବୋଲି କହିଥିଲେ   l  ଏହିଅବସରରେ ସ୍ବେଛାସେବୀ ସଂଗଠନ ୱାଇସିଡିଏ ନିରବଛିନ୍ନ ଭାବେ ୩୨ବର୍ଷ ର ସଫଳ କାର୍ଯ୍ୟଧାରlକୁ ନେଇ ସମାଜସେବୀ ଦିବ୍ୟଶଙ୍କର ରାଉତ ଏକ ମାନପତ୍ର ଦ୍ୱାରା ସମ୍ବର୍ଦ୍ଧିତ କରିଥିଲେ   l  ସେହିପରି ବିରସିଂପୁର ର ଚାଷୀ ଅଚ୍ୟୁତ ରଣାଙ୍କୁ ସଫଳ ଚାଷୀ ଭାବେ ଅତିଥିମାନେ ସମ୍ବର୍ଦ୍ଧିତ କରିଥିଲେ   l  ସଭା ଆରମ୍ଭରେ ଗୌରୀ ଶଙ୍କର ଥାଟ୍ଟୀ ସ୍ୱାଗତ ଭାଷଣ ଓ ଶେଷରେ ଶିବାନୀ ସାହୁ ଧନ୍ୟବାଦ ଅର୍ପଣ କରିଥିଲେ  l  ଏହିଅବସରରେ ଅନିଲ ବେହେରା ଏକ ଭକ୍ତି ସଂଗୀତ ଗାନ କରିଥିଲେ  l   କାର୍ଯ୍ୟକ୍ରମ କୁ ୱାଇସିଡିଏ ର ସିପୁନ ଚୌଧୁରୀ, ତୋଫାନ ମେହେର, ଅନିଲ କୁମାର ବେହେରା, ସତ୍ୟମୋହନ ସାହୁ, ପ୍ରମୋଦ କୁମାର ବେହେରା ସମେତ ସମସ୍ତ କର୍ମକର୍ତ୍ତା ପରିଚାଳନା ରେ ସହଯୋଗ କରିଥିଲେ   l