13-Jan-2025

ତରଭା(କପିଳାସ ସେଠ) ସୁବର୍ଣ୍ଣପୁର ଜିଲ୍ଲା ତରଭା ବ୍ଲକ ପାଣିମୁରାରେ ଥିବା ଇଥାନଲ କାରଖାନାରେ ଜଣେ ଶ୍ରମିକଙ୍କ  ମୃତ୍ୟୁ ଘଟଣାକୁ ନେଇ ଗ୍ରାମବାସୀଙ୍କ ମଧ୍ୟରେ ପ୍ରବଳ ଉତ୍ତେଜନା ଦେଖା ଯାଇଥିଲା । ଶାନ୍ତି ଶୃଙ୍ଖଳା ରକ୍ଷା ସୋନପୁର ଏସଡିପିଓ ପ୍ରତାପଚନ୍ଦ୍ର ତ୍ରିପାଠୀ,ତରଭା ଥାନା ଆଇଆଇସି ଅନିତା କିଡୋ,ଥାନାର ଷ୍ଟାଫ, ମାଜିଷ୍ଟ୍ରେଟ ଦାୟିତ୍ୱରେ ଥିବା ଅତିରିକ୍ତ ତହସିଲଦାର ଦୀପ୍ତିମୟୀ ଭୁଏ, ବିଡ଼ିଓ ଗଙ୍ଗାରାମ ବୁଡ଼େକ ପ୍ରମୁଖ ଗ୍ରାମବାସୀଙ୍କୁ ବୁଝାସୁଝା କରି ସ୍ଥିତି କୁ ଆୟତ୍ତ କରିଥିଲେ I ଉପସ୍ଥିତ ଉତ୍ତେଜିତ ଗ୍ରାମବାସୀ ମାନେ ତାଙ୍କ ଜିଦ

ରେ ଅଟଳ ରହିଥିଲେ I  ସୂଚନା ଅନୁଯାୟୀ ଅରଖପଦର ନିବାସୀ ଘନ ମହାକୁରଙ୍କ ପୁଅ ଅଜୁ ମହାକୁର(୨୬) ଇଥାନଲ କାରଖାନାରେ ଜଣେ ଠିକାଦାରଙ୍କ ଅଧୀନରେ ପ୍ରାୟ ଏକ ବର୍ଷ ହେଲା କାମ କରୁଥିଲେ।ରବିବାର ସନ୍ଧ୍ୟାରେ  ୬.୩୦ ସମୟରେ କାମ କରୁଥିବାଲେ ମେସିନ ଭିତରେ ଗଲି ପଡିବାରୁ ତାଙ୍କର ଶରୀର ଖଣ୍ଡ ଖଣ୍ଡ ହୋଇଯାଇଥିବା ଆଇଆଇସି  କିଡୋ ଙ୍କ ଠାରୁ ଜଣାଯାଇଛି। ଟେକନିକାଲ ଟିମ ଆସିବା ପରେଫସି ରହିଥିବା ଶବକୁ ବାହାର କରାଯାଇଥିଲା ଓ ଶବ ଜବତ କରାଯାଇ ବ୍ୟବଛେଦ ପାଇଁ ପଠା ଯାଇଛି ପରିବାର ଲୋକଙ୍କୁହସ୍ତାନ୍ତର କରାଯାଇଛି ବୋଲି ଆଇଆଇସି ସୂଚନା ଦେଇଛନ୍ତି । ଶୋକାକୁଳ ପରିବେଶ ରେ ତାଙ୍କର ଅନ୍ତିମ ସତ୍କାର କରାଯାଇ ଥିବାର ପରିବାର ପକ୍ଷରୁ ସୂଚନା ଦିଆ ଯାଇଛି I ମୃତ ଅଜୁଙ୍କ ବିଧବା ପତ୍ନୀ ଓ ଗୋଟିଏ ସନ୍ତାନ ଅଛନ୍ତି। ଘଟଣାଟି ଅଞ୍ଚଳରେ ଶୋକର ଛାୟା ଖେଳି ଯାଇଛି I ପରିବାର ବର୍ଗ କୁହରିଶ୍ଚନ୍ଦ୍ର ଯୋଜନା ସହାୟତା ଛଡା ଅନ୍ୟ  ସରକାରୀ

ସ୍ତର ରେ କୌଣସି ଯୋଜନା ରେ ସାହାଯ୍ୟ ଦିଆଯାଇ ପାରିନାହିଁ I ସରକାରୀ ସାହାଯ୍ୟ ଦିଆଯିବା ନେଇ ପ୍ରସ୍ତୁତି ଚାଲିଛି Iଇଥନାଲ କମ୍ପାନୀ ପକ୍ଷରୁ ପ୍ରାୟ ୨୫ଲକ୍ଷ ଟଙ୍କା ସାହାଯ୍ୟ ଦେବା ପାଇଁ ପ୍ରତିଶୃତି ଦେଇଛି ବୋଲି ବିଡ଼ିଓ ସୂଚନା ଦେଇଛନ୍ତି I ଏଠାରେ ସୂଚନା ଯୋଗ୍ୟ ଯେ ବିଭିନ୍ନ ସମୟରେ ଇଥନାଲ କମ୍ପାନୀ ରେ ଶ୍ରମିକ ମାନଙ୍କର ବଡରୁ ଛୋଟ ଦୁର୍ଘଟଣା ହେଉଛି I କମ୍ପାନୀ କତୃପକ୍ଷରୁ ତାହାଙ୍କୁ ସାହାଯ୍ୟ କରୁନଥିବା ବିଭିନ୍ନ ସମୟରେ ଅଭିଯୋଗ ହେଉଥିବା ଜଣାଯାଉଛି  I