12-Jan-2025

ସିନ୍ଧେକେଲା(ଅନୀଲ କୁମାର ତ୍ରିପାଠୀ): ବଲାଙ୍ଗୀର, କଳାହାଣ୍ଡି ଓ ନୂଆପଡା ଜିଲ୍ଲାର ସୀମାନ୍ତରେ ଅବସ୍ଥିତ ସିନ୍ଧେକେଲାକୁ ନୂତନ ବ୍ଲକ ମାନ୍ୟତା ପ୍ରଦାନ କରିବାକୁ ଦାବି କରିଛନ୍ତି ଅଞ୍ଚଳବାସୀ। ଦିର୍ଘ ୩୦ ବର୍ଷ ଧରି ସିନ୍ଧେକେଲାକୁ ବ୍ଲକ ମାନ୍ୟତା ପାଇଁ ଦାବୀ କରି ଆସିଥିବା ସିନ୍ଧେକେଲା ଅଞ୍ଚଳବାସୀ ଏଥର ପୁଣିଥରେ ବ୍ଲକ୍ ମାନ୍ୟତା ପାଇଁ ମୁଣ୍ଡ ଟେକିଛନ୍ତି। ବଣିକ ସଂଘ ସଭାପତି ସୁବାଷ ଜୈନ ଓ ସମାଜସେବୀ ଅନିଲ କୁମାର ତ୍ରିପାଠୀଙ୍କ ଆବାହକତ୍ବରେ ସିନ୍ଧେକେଲା ଅଞ୍ଚଳର ଅଧିଷ୍ଠାତ୍ରୀ ଦେବୀ ମାଁ ଦ୍ୱାରସେହ୍ନୀ ଙ୍କ ମନ୍ଦିର ପ୍ରାଙ୍ଗଣ ରୁ ରାଜସ୍ବ ନିରୀକ୍ଷକ ଙ୍କ‌ କାର୍ଯ୍ୟାଳୟ ପର୍ଯ୍ୟନ୍ତ ଏକ ବିରାଟ ଶାନ୍ତି ସଦଭାବନା ପଦଯାତ୍ରା ପହଞ୍ଚି ମୁଖ୍ୟମନ୍ତ୍ରୀ ଙ୍କ ଉଦ୍ଦେଶ୍ୟରେ ଏକ ଦାବିପତ୍ର ସିନ୍ଧେକେଲା ରାଜସ୍ବ ନୀରିକ୍ଷକ ଦୁଲ୍ଲଭ ନାଏକଙ୍କୁ ପ୍ରଦାନ କରାଯାଇଥିଲା। ରାଜସ୍ବ ନୀରିକ୍ଷକ ଦାବି ପତ୍ର ଗ୍ରହଣ କଲାପରେ ଉପରିସ୍ଥ ଅଧିକାରୀଙ୍କୁ ତୁରନ୍ତ ଅବଗତ କରାଇବେ ବୋଲି ପ୍ରତିଶୃତି ଦେଇଥିଲେ। ଏଥିରେ ଅଞ୍ଚଳର ସରପଞ୍ଚ ଓ ସମିତି ସଭ୍ୟ ମାନଙ୍କ ମଧ୍ୟରୁ ସିନ୍ଧେକେଲା ସମିତି ସଭ୍ୟ ଭୋଲାନାଥ ବେହେରା, ବରିଷ୍ଠ ସାମାଜିକ କର୍ମୀ ନରେଶ ବର୍ମା,ଠେମରା ସରପଞ୍ଚ ଲକ୍ଷ୍ମୀ କାନ୍ତ ବାଗ, ଦେଢଗାଁ ସରପଞ୍ଚ ଜୋସିଆଲ ସେନାପତି, ଅଲଣ୍ଡା ସରପଞ୍ଚ ଙ୍କ ସ୍ବାମୀ ଯୁବରାଜ ବାଗ, ଅର୍ସାତୁଲା ସରପଞ୍ଚ ଙ୍କ ସ୍ବାମୀ ସଞ୍ଜୟ ପୁଟେଲ , ଭୁସଲାଡ ସରପଞ୍ଚ ଦୀପକ ଛୁରା, ଗନ୍ଧର୍ଲା ସରପଞ୍ଚ ଙ୍କ ସ୍ବାମୀ ପ୍ରଦୀପ ଜାଲ , ଠେମରା ସମିତି ସଭ୍ୟ ପ୍ରଦିପ ଭୋଇ, ଝଳପ ର ସୁଦାମ ଚରଣ ଭୋଇ, ଝରିଆଲ ସମିତି ସଭ୍ୟ ରାଜୁ ହାତୀ, ଦେଢଗାଁ ସମିତି ସଭ୍ୟ ହେରାମ ଜାଲ, ଦେଓଗାଁ ପୂର୍ବତନ ସରପଞ୍ଚ ପିତାମ ସୁନା ପ୍ରମୁଖ ଙ୍କ ସହ ଗରିବ ସେନା ସଭାପତି ଦିନେଶ ତାଣ୍ଡି , ମୋଟର ଚାଳକ ସଂଘ ସିନ୍ଧେକେଲା ର ରଞ୍ଜନ ଷଡ଼ଙ୍ଗୀ ଏବଂ ସମସ୍ତ ସଦସ୍ୟ, ବ୍ରାହ୍ମଣ ଯୁବକ ସଂଘ, ସାହୁ ଯୁବକ ସଂଘ, ସାହୁ ସମାଜ ସଭାପତି ଓମ ପ୍ରକାଶ ସାହୁ ଏବଂ ସଦସ୍ୟ, ମାରୱାଡ଼ି ଯୁବା ମଞ୍ଚ ର ସଭାପତି ଅମିତ ଜୈନ ଏବଂ ସଦସ୍ୟ, ଶ୍ରୀ ସତ୍ୟ ସାଇ ସଂଗଠନ, ପୁଟେଲ ଯୁବ ଗୋଷ୍ଠୀଙ୍କ ସହ ବହୁ ଅଞ୍ଚଳବାସୀ ଓ ଯୁବସମାଜ ସାମିଲ ହୋଇଥିଲେ।