11-Jan-2025

ବୀରମହାରାଜପୁର(ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଗୌଡ଼ଗାଡ଼ରୁ ଠେଙ୍ଗୋ ଡ୍ୟାମ ଦେଇ ଯାଇଥିବା ପ୍ରଧାନମନ୍ତ୍ରୀ ରାସ୍ତା ବିପର୍ଯ୍ୟୟ ଅବସ୍ଥାରେ ପଡ଼ିରହିଛି। ଫଲରେ ଜନସାଧାରଣ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା ଜଣାଯାଇଛି।
 ଉକ୍ତ ରାସ୍ତା ଦେଇ ପ୍ରତିଦିନ ବହୁ ଲୋକ ଠେଙ୍ଗୋ ଡ୍ୟାମକୁ ଓ ପାତାଳି କ୍ଷେତ୍ର କୋଟସମଲେଇକୁ ଜଗନ୍ନାଥଙ୍କୁ ଦର୍ଶନ କରିବା ପାଇଁ ଆସି ଉକ୍ତ ରାସ୍ତାରେ ବହୁତ ହଇରାଣ ହେଉଥିବା ଅଭିଯୋଗ ହେଉଛି l ଦୁର୍ଜନତୈଲା ପଞ୍ଚାୟତ ସମ୍ମୁଖରୁ ଡ୍ୟାମ ହିଡ଼ ତଳେ ନୂତନ ଭାବେ ତିଆରି ହୋଇଥିବା ବ୍ରିଜ ର ଉଭୟ ପାଶ୍ୱ ରାସ୍ତା ବହୁତ ଖରାପ ହୋଇ ପଡିଛି l ରାସ୍ତାରୁ ପିଚୁ ଉଠିଯାଇ ଏବେ ମେଟାଲ ଗୁଡିକ ରାସ୍ତାରେ ଗଡୁଛି l ଯାହାକି ଲୋକଙ୍କ ପାଇଁ ଏହା ମରଣଯନ୍ତା ପାଲଟିଛି l ଡ୍ୟାମ ହିଡ଼ ଦେଇ ଗାଡ଼ିମଟର ଯିବାଆସିବା ବନ୍ଦ କରି ହିଡ଼ ରାସ୍ତାର ତଳେ ଯାନବାହାନ ଚଲାଚଳ ପାଇଁ ନୂତନ ରାସ୍ତା ସହ ଏକ ବଡ଼ ଧାରଣର ବ୍ରିଜ ହୋଇଛି l ହେଲେ ରାସ୍ତା ଖରାପ ହେଲେ ମଧ୍ୟ ମରାମତି କରା ହେଉନଥିବାରୁ ବିଭିନ୍ନ ସମୟରେ ଛୋଟବଡ ଦୁର୍ଘଟଣା ମାନ ମଧ୍ୟ ଘଟିଥିବା ଦେଖିବାକୁ ମିଳୁଛି l ନୂତନ ବର୍ଷ ପାଇଁ ହରିହର ଯୋର ଠେଙ୍ଗୋ ଡ୍ୟାମକୁ ବଣଭୋଜି କରିବା ସହ ନୌକା ବିହାର ପାଇଁ ଲୋକେ ବହୁ ଦୂରଦୂରାନ୍ତରୁ ଆସୁଛନ୍ତି l ଦେଲେ ଉକ୍ତ ରାସ୍ତା ପାଇଁ ଲୋକେ ବହୁତ ଅସୁବିଧା ସହ ଦୁର୍ଘଟଣାର ସମ୍ମୁଖୀନ ହେଉଥିବା ଅଭିଯୋଗ ହେଉଛି l ଏନେଇ ବିଭାଗୀୟ ଯନ୍ତ୍ରୀ ସୁନୀଲ ଦେହୁରୀଙ୍କୁ ପଚାରିବାରୁ ମୁଁ ଜାଣି ନାହିଁ ରାସ୍ତା ଦେଖି ପଦକ୍ଷେପ ନେବି ବୋଲି କହିଛନ୍ତି l ତେଣୁ ଜିଲ୍ଲା ପ୍ରଶାସନ ଉକ୍ତ ରାସ୍ତାକୁ ଦୃଷ୍ଟି ଦେଇ ଶୀଘ୍ର ମରାମତି କରିବା ପାଇଁ ସାଧାରଣରେ ଦାବୀ ହେଉଛି l