11-Jan-2025

କଳାହାଣ୍ଡି,କୋକସରା (ତ୍ରିନାଥ ବେଶ୍ରା )
କଳାହାଣ୍ଡି ଜିଲ୍ଲା  ର ଐତିହ୍ୟ ପରମ୍ପରା,ସଂସ୍କୃତି ର ବାର୍ତ୍ତାବହ କଳାହାଣ୍ଡି ଉତ୍ସଵ ଘୁମୁରା କୋକସରା ବ୍ଲକ ସ୍ତରୀୟ ଗୁଡହାଣ୍ଡି ମହୋତ୍ସବ ଉଦଘାଟିତ ହୋଇଯାଇଛି। ଗୁଡହାଣ୍ଡି ମହୋତ୍ସବ ଆରମ୍ଭ ପୂର୍ବରୁ ଆମପାଣି ବୁଢ଼ାରଜା ଦେବ ଙ୍କ ମଶାଲ, କୋକସରା ମା ଠାକୁରାଣୀ ମା ଶିତଲା ମାତା ଙ୍କ ପାଲିଙ୍କି ଆସି ପହଞ୍ଚିବା ପରେ ମଶାଲ ଶୋଭାଯାତ୍ରାରେ ଧର୍ମଗଡ ବିଧାୟକ ସୁଧୀର ପାଟ୍ଟଯୋଶୀ, ବ୍ଲକ ଅଧ୍ୟକ୍ଷା ରିତା ଅଗ୍ରୱାଲ, ବ୍ଲକ ଉପାଧ୍ୟକ୍ଷ ରାଜୀବ ଅଗ୍ରୱାଲ, ବିଡ଼ିଓ ଡ଼ ହିମାଞ୍ଚଳ ମାଝୀ, ତହସିଲଦାର ନବୀନ କିଶୋର ପାଢ଼ୀ, ରାଜ୍ୟ ଓମଫେଡ ସଭାପତି କିଶୋର ଚନ୍ଦ୍ର ପ୍ରଧାନୀ ସାମିଲ ହୋଇ ଏକ ଭବ୍ୟ ଶୋଭାଯାତ୍ରାରେ ବିଭିନ୍ନ ସାଂସ୍କୃତିକ ଦଳ ର କଳାକାର ଙ୍କ ସହ।କୋକସରା ସହର ପରିକ୍ରମା କରି ମା ଠାକୁରାଣୀ ମନ୍ଦିର ରେ ମଶାଲ ପହଞ୍ଚିବା ପରେ ଗ୍ରାମ୍ୟ ପୁଝାରି ନନ୍ଦ କିଶୋର ଧରୁଆ, ଦିଲୁ ଧରୁଆ ପୂଜାର୍ଚ୍ଚନା କରିଥିଲେ ।

ଏହି ଶୋଭାଯାତ୍ରାରେ ବ୍ଲକ ର ବିଭିନ୍ନ ୨୨ ପଞ୍ଚାୟତ ର ବିଭିନ୍ନ ସାଂସ୍କୃତିକ ଦଳ, ବ୍ଲକ ପ୍ରଶାସନିକ ଅଧିକାରୀ ,ବ୍ଲକ ର ୨୨ ପଞ୍ଚାୟତ ର ସରପଞ୍ଚ, ସମିତି ସଭ୍ୟ,ଜିଲ୍ଲା ପରିଷଦ ସଭ୍ୟ ଉପସ୍ଥିତ ରହି ବ୍ଲକ ଛକ ରେ ବୁଢ଼ାରଜା ଦେବ ଙ୍କ ମଶାଲ କୁ ସ୍ୱାଗତ ସମ୍ବର୍ଦ୍ଧନା କରିଥିଲେ। ଦେବାଦେବୀ ଙ୍କ ମଶାଲ ଶୋଭାଯାତ୍ରା ଏକ ଭବ୍ୟ ପଟୁଆର ଗୁଡହାଣ୍ଡି ଉତ୍ସଵ ମଞ୍ଚ ରେ ପହଞ୍ଚିବା ପରେ ପୁଜକ ନନ୍ଦ କିଶୋର ଧରୁଆ ଓ ଦିଲୁ ସିଂ ଧରୁଆ ପୂଜାର୍ଚ୍ଚନା କରି ମଞ୍ଚ ପୂଜନ କରିଥିଲେ।ଉଦଘାଟନୀ ମହୋତ୍ସବ ରେ କୋକସରା ବ୍ଲକ ଅଧ୍ୟକ୍ଷା ରିତା ଅଗ୍ରୱାଲ ଙ୍କ ସଭାପତିତ୍ୱ ରେ ମୁଖ୍ୟ ଅତିଥି ଭାବେ ଧର୍ମଗଡ ବିଧାୟକ ସୁଧୀର ପାଟ୍ଟଯୋଶୀ,ସମ୍ମାନିତ ଅତିଥି ଭାବେ ସ୍ଥାନୀୟ ସରପଞ୍ଚ ତଥା ରାଜ୍ୟ ଓମଫେଡ ସଭାପତି କିଶୋର ଚନ୍ଦ୍ର ପ୍ରଧାନୀ, ତହସିଲଦାର ନବୀନ କିଶୋର ପାଢ଼ୀ,ସମିତି ସଭ୍ୟ ସଭାପତି ଘନଶ୍ୟାମ ଜିଲ୍ଲା ପରିଷଦ ସଭ୍ୟା ବୈଜୟନ୍ତି ପୁଝାରି, ଜିଲ୍ଲା ପରିଷଦ ସଭ୍ୟ ତ୍ରିନାଥ ବାଗ  ଗୁଡହାଣ୍ଡି ମଞ୍ଚ ଉଦଘାଟନ କରିଥିଲେ। ଜିଲ୍ଲାର କଳା ସଂସ୍କୃତି ପରମ୍ପରାର ବାର୍ତ୍ତାକୁ ନେଇ ପ୍ରଚାର ପ୍ରସାର ଓ ଲୁକ୍କାୟିତ କଳାକାର ଙ୍କୁ ଏହି ମଞ୍ଚ ମାଧ୍ୟମରେ ନୂତନ ସୁଯୋଗ ଓ ଲୋକଲୋଚନ କୁ ଆଣିବାର ପ୍ରୟାସ ନେଇ ଆରମ୍ଭ ହୋଇଥିବା କଳାହାଣ୍ଡି ଉତ୍ସଵ ୨୭ ତମ ବର୍ଷ ରେ ପହଞ୍ଚି ଥିବା ବେଳେ ଏହି ମଞ୍ଚ ଅନେକ ପ୍ରତିଭା କଲା ପ୍ରଦର୍ଶନ କରି ଦେଶବିଦେଶ ରେ ରାଜ୍ୟ ଓ ଜିଲ୍ଲା ପାଇଁ ଗୌରବ ଆଣିଛନ୍ତି ବୋଳି ଉପସ୍ଥିତ ଅତିଥୀ ମାନେ କହିଛନ୍ତି। ପରେ ଅପରାହ୍ନ ରେ ଜିଲ୍ଲାର ବରିଷ୍ଠ ଓ ଉଦୟମାନ କବି ମାନଙ୍କୁ ନେଇ  ଏକ କବିତା ପାଠୋତ୍ସବ ଅନୁଷ୍ଠିତ ହୋଇଥିଲା। ଏହି କବି ପାଠୋତ୍ସବରେ ମୋହନ ଚରଣ ବିଶି ଓ ପଙ୍କଜ ମୁଖ ଚୌଧୁରୀ ଙ୍କ ସଂଯୋଜନା ରେ କବିୟତ୍ରୀ ଯାଜ୍ଞାସେନି ପ୍ରଧାନୀ,ଋତୁରାଜ ମାଝୀ, ଓଡ଼ିଆ ଅଧ୍ୟାପକ ଅଶ୍ୱିନୀ କୁମାର ପଟ୍ଟନାୟକ, ଲୋକନାଥ ପଟ୍ଟନାୟକ, ଚିନ୍ତାମଣି ପଟେଲ, ବନମାଳୀ ପଣ୍ଡା,ରୂପେନ୍ଦ୍ର ସୁନାନୀ, ଲୋକକବି ଦୁଷ୍ମନ୍ତ ଗହୀର ଓ ଅନ୍ୟ କବିକବିୟତ୍ରୀ ମାନେ ଯୋଗଦେଇ କଳାହାଣ୍ଡି ର ଲୋକ ସଂସ୍କୃତି,ପରମ୍ପରା ଚଳଣି ଉପରେ କବିତା ପଠନ କରିଥିଲେ। ବ୍ଲକ ସ୍ତରୀୟ ଉତ୍ସବ ରେ ବିଭିନ୍ନ ସରକାରୀ ବେସରକାରୀ ଅନୁଷ୍ଠାନ ର ଷ୍ଟଲ ରେ ଲୋକଙ୍କ ଭିଡ଼ ଦେଖିବାକୁ ମିଳିଥିଲା।ସନ୍ଧ୍ୟାରେ ରାଜ୍ୟ ତଥା ଜିଲ୍ଲା ରୁ ଆସିଥିବା କଳାକାରମାନେ ମାନେ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଦର୍ଶକ କୁ ବିମୋହିତ କରିଥିଲା। ଉତ୍ସବ କୁ ବ୍ଲକ ପ୍ରଶାସନ ଓ ଉତ୍ସବ କମିଟି ର କର୍ମକର୍ତ୍ତା ମାନେ ପରିଚଳନା କରିଥିଲେ।