09-Jan-2025

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ଜିଲା ବିଜେପିର ମଣ୍ଡଳ ସଭାପତି ଓ ମଣ୍ଡଳ ପ୍ରତିନିଧି ନିର୍ବାଚିତ କରାଯାଇଛି l କଣ୍ଟାମାଳ ନିର୍ବାଚନ ମଣ୍ଡଳୀର ଘଣ୍ଟାପଡା ମଣ୍ଡଳ ସଭାପତି ଭାବେ ଯୁବ ବିଜେପି ନେତା ଗୋପୀନାଥ କହଁର (ଏଲି ) ଏବଂ ମଣ୍ଡଳ ପ୍ରତିନିଧି ଭାବେ ଖୁଣ୍ଟିଗୋରା ସମିତି ସଭ୍ୟା ଭାରତୀ ସାହୁ ନିର୍ଦ୍ବନ୍ଦରେ ନିର୍ବାଚିତ ହୋଇଛନ୍ତି l ଏନେଇ ଭାରତୀୟ ଜନତା ପାର୍ଟି ପକ୍ଷରୁ ରାଜ୍ୟ ନିର୍ବାଚନ ଅଧିକାରୀ ପ୍ରତାପ ଚନ୍ଦ୍ର ଷଡ଼ଙ୍ଗୀ ବୌଦ୍ଧ ଜିଲା ନିର୍ବାଚନ ଅଧିକାରୀ ଭଗବାନ ମହାନ୍ତିଙ୍କୁ ପତ୍ର ମାଧ୍ୟମରେ ଜଣାଇଛନ୍ତି l ଏହି ଖବର ପ୍ରଚାରିତ ହେବାପରେ ପ୍ରଶଂସକ ମହଲରେ ଖୁସିର ଲହରୀ ଖେଳି ଯାଇଛି l ଘଣ୍ଟାପଡା ଡାକବଙ୍ଗଳା ଠାରେ ବିଜେପି ଜିଲା ଉପସଭାପତି ଚିତ୍ତରଞ୍ଜନ ପାତ୍ରଙ୍କ ସଭାପତିତ୍ୱରେ ଅନୁଷ୍ଠିତ ସ୍ୱାଗତ ସମ୍ବର୍ଦ୍ଧନା ସଭାରେ ପୂର୍ବତନ ଘଣ୍ଟାପଡା ମଣ୍ଡଳ ସଭାପତି ପିନାକଧର ରଣା, ପଞ୍ଚାୟତ ପ୍ରଭାରୀ ଅମୁଲ୍ୟ ପ୍ରଧାନ, ବିଜେପି କର୍ମକର୍ତ୍ତା ସୁରେଶ ମହାପାତ୍ର, ସୁଦର୍ଶନ ବଘାର, ଶଙ୍କର୍ଷଣ ସାହୁ, ବଳରାମ ବାଘ, ମଣ୍ଡଳ ସ୍ତରୀୟ ବିଜେପି କାର୍ଯ୍ୟକର୍ତ୍ତା ଯୋଗଦେଇ ଶ୍ରୀ କହଁରଙ୍କୁ ପୁଷ୍ପଗୁଛ ଓ ଉତ୍ତରୀୟ ଦେଇ ସ୍ବାଗତ ସମ୍ବର୍ଦ୍ଧନା ଜଣାଇଥିଲେ l ସେହିପରି ଅଞ୍ଚଳର ସାମ୍ବାଦିକ ମାନେ ମଧ୍ୟ ସମ୍ବର୍ଦ୍ଧନା ଜଣାଇଥିଲେ l