08-Jan-2025

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବର୍ତ୍ତମାନ ଦାଦନ ଋତୁ  ଶେଷ ପର୍ଯ୍ୟାୟରେ ପହଁଚିଛି। ବଲାଙ୍ଗିର ଜିଲ୍ଲାରେ ଗଠନ କରାଯାଇଥିବା ଟାକ୍ସଫୋର୍ସ ବୋଧହୁଏ ନାଁ କୁ ଥିଲା କିଛି କାର୍ଯ୍ୟ କୁ ଆସିଲା ନାହିଁ ବୋଲି ଜନସାଧାରଣରେ ଚର୍ଚ୍ଚା ଜୋର ଧରିଛି। ଶ୍ରମ ବିଭାଗ ପାଖରେ ହିସାବ ନାହିଁ ଯେ କେତେ ସର୍ଦ୍ଦାର ଲାଇସେନ୍ସ ମୋଭ ମେଣ୍ଟ ଅର୍ଡର କରି ଦାଦନ ଶ୍ରମିକ ଚାଲାଣ କରିଛନ୍ତି। ଅନ୍ୟ ପକ୍ଷରେ ବଲାଙ୍ଗିର ପୋଲିସ ପ୍ରଶାସନ ପକ୍ଷରୁ କାଭାଁ ଦାଦନ ଶ୍ରମିକ ଉଦ୍ଧାର କରି ନିଜର ଦାୟିତ୍ଵ କର୍ତ୍ତବ୍ୟ ସାରି ଦେଇଥିବା ବେଳେ ତୁରେକେଲା ଥାନା ଅଧିକାରୀ ରମାକାନ୍ତ ସାହୁ ପ୍ରଥମ ସ୍ଥାନ ଅଧିକାର କରିଛନ୍ତି। ଦ୍ବିତୀୟ ରେ ବେଲପଡା ଥାନା ଅଧିକାରୀ ଅନନ୍ତ ପ୍ରଧାନ ଅଛନ୍ତି। ତୃତୀୟ ସ୍ଥାନରେ ରେ ଖପ୍ରାଖୋଲ ଥାନା ଅଧିକାରୀ ନରେନ୍ଦ୍ର ଛତର ରହିଛନ୍ତି।ଆସା ଥିଲା ନୂଆ ସରକାର ଆସିବା ପରେ ଦାଦନ ନିର୍ଯାତନା ମାମଲା କମିବ ଓ ଅତ୍ୟାଚାରୀ ସର୍ଦ୍ଦାର ମାନେ ଦଣ୍ଡିତ ହେବେ ହେଲେ ଆଶା ଆଶାରେ ରହିଛି। ପୂର୍ବାନୁମାନ କୁ ଲକ୍ଷ୍ୟ କଲେ ଚଳିତ ବର୍ଷ ସେତେ ବେଆଇନ ଦାଦନ ଶ୍ରମିକ ଚାଲାଣ ଉପରେ ରୋକ୍ ଲଗାଇ ପାରିଲେ ନାହିଁ ପୋଲିସ ପ୍ରଶାସନ।ଏଥର ସର୍ଦ୍ଦାର ଙ୍କ ପୀରତି ରେ ଅନେକ ଥାନା ଅଧିକାରୀ ଭାସୁଥିବା ଦୃଶ୍ୟ ଦେଖିବାକୁ ମିଳିଥିବାବେଳେ ପାଟଣାଗଡ଼ ଥାନା ଅଧିକାରୀ ଙ୍କ ଚା ଖଟିରେ ସର୍ଦ୍ଦାର ଙ୍କ ସହ ମିଳନ ହୋଇଥିବା ର ଫଟୋ ଭାଇରାଲ ହୋଇଥିଲା। ସେଥିପାଇଁ ଚଳିତ ବର୍ଷ ବେଧଡକ ବେଆଇନ ଦାଦନ ଚାଲାଣ କରିବାକୁ ସକ୍ଷମ ହେଉଛନ୍ତି ସର୍ଦ୍ଦାର।ଆଉ ଅଳ୍ପ କିଛି ଦିନ ପରେ ଏ ଦାଦନ ଶ୍ରମିକ ଚାଲାଣ ସରିଯିବ କେତେ ଶ୍ରମିକ ନିର୍ଯାତନାର ଶିକାର ହେବେ ଦେଖିବାକୁ ବାକି ରହିଲା।ସୂଚନା ଅନୁସାରେ ବଲାଙ୍ଗିର ଖପ୍ରାଖୋଲ ଥାନା ଦେଦର୍ହ ଗାଁ ର ସର୍ଦ୍ଦାର ବରୁଣ ସୁନା (୨୭)ପି.ତପି ସୁନା ବୋଲେରୋ ନମ୍ବର ଓ,ଡି ୧୭ କେ ୨୫୪୨ ଗାଡ଼ି ରେ ଖପ୍ରାଖୋଲ ଥାନା ଗମ୍ଭାରୀ ଗାଁ ର ସର୍ଦ୍ଦାର ୯ ଜଣ ଦାଦନ ଶ୍ରମିକ କୁ ତାମିଲନାଡୁ ରାଜ୍ୟ କୁ ବେଆଇନ ଭାବେ ଚାଲାଣ କରୁଥିବା ବେଳେ ବିଶେଷ ସୂତ୍ରରୁ ଖବର ପାଇ ଏ ଏସ ଆଇ ବି. ପ୍ରଧାନ, କନେଷ୍ଟବଳ ସଞ୍ଜିବ ସାହୁ, ଏମ୍ ଭତ୍ରା,ବି.ଗଡଓ୍ବା, ପୋଲିସ ଡ୍ରାଇଭର ନରେଶ ବିଶ୍ବାଳ ଙ୍କ ସହ ଭୋର୍ ସକାଳ ୬:୧୦ଟାରେ ଯାଇ ଗମ୍ଭାରୀ ରୁ ପାଟଣାଗଡ଼ ରାସ୍ତା ରେ ଧରିବାରେ ସକ୍ଷମ ହୋଇଥିଲେ।ଉଦ୍ଧାର ଶ୍ରମିକ ଙ୍କ ମଧ୍ୟରେ ୩ ଜଣ ପୁରୁଷ ୩ ଜଣ ମହିଳା ୩ ଜଣ ଶିଶୁ ଶ୍ରମିକ ଥିବା ଜଣାପଡ଼ିଛି। ସର୍ଦ୍ଦାର ବରୁଣ ସୁନା ଓ ଡ୍ରାଇଭର ଗୌତମ ସାହୁ କୁ ଗିରଫ କରି କୋର୍ଟ ଚାଲାଣ କରାଯାଇଥିବା ବେଳେ ବୋଲେରୋ ଗାଡ଼ି ଟିକୁ ଜବତ କରାଯାଇଛି। ପ୍ରବଳ ଥଣ୍ଡା କୁ ଖାତିରି ନକରି ଖପ୍ରାଖୋଲ ଥାନା କର୍ମଚାରୀମାନେ ଆଜି ଦାଦନ ଶ୍ରମିକ ଉଦ୍ଧାର କରିଥିବା ଯୋଗୁଁ ଅଞ୍ଚଳରେ ବେଶ୍ ପ୍ରଶଂସା ସୁଆଁଟିଛନ୍ତି ।