08-Oct-2020

ମୁରିବାହାଲ ;୦୮/୧୦/୨୦ ମୁରିବାହାଲ ଥାନା ଇଛାପଡା ପଞ୍ଚାୟତ ବଘୁଆବାହାଲ ଗ୍ରାମର ଏସଏଚଜି ମହିଳା ମାନେ ଗ୍ରାମରେ ବେଆଇନ ଭାବେ ମଦ ବିକ୍ରି ବୃଦ୍ଧି ପାଉଥିବା ନେଇ ଗତ ସପ୍ତାହରେ ମୁରିବାହାଲ ପୁଲିସ  ବିଡ଼ିଓ,ଓ ଉପଜିଲ୍ଲାପାଳଙ୍କୁ ଲିଖିତ ରୂପେ ଜଣାଇଥିଲେ ମଧ୍ୟ ପ୍ରଶାସନ ତରଫରୁ କୌଣସି ପଦକ୍ଷେପ ନ ନେବାରୁ ଗ୍ରାମର ମହିଳା ଗୋଷ୍ଠୀ ଦେଶୀ ମଦ ଚାଲାଣ କରୁଥିବା ଏକ ବାଇକ ସହ ମଦ ଜବତ କରି ପୁଲିସକୁ ଲିଖିତ ରୂପେ ଜଣାଇଥିଲେ ମଧ୍ୟ ସନ୍ଧ୍ୟା ସୁଦ୍ଧା ପୁଲିସ ଘଟଣାସ୍ଥଳକୁ ପହଞ୍ଚି ନ ଥିବା ମହିଳାମାନେ ଅଭିଯୋଗ କରିଛନ୍ତି।ବଘୁଆବାହାଲ ଗ୍ରାମର ଏସଏଚଜି ମହିଳା ମାନେ ଗତ ସପ୍ତାହରେ ମୁରିବାହାଲ ଥାନା , ବିଡ଼ିଓ ଓ ଉପଜିଲ୍ଲାପାଳଙ୍କୁ ଲିଖିତ ଅଭିଯୋଗ କରିଥିଲେ ଯେ ଗ୍ରାମର କେତେକ ଲୋକ ଗ୍ରାମରେ ବେଆଇନ ଭାବେ ମଦ କୋଠି କରି ମଦ ବିକ୍ରି କରୁଛନ୍ତି, ଏଣୁ ଏହାର କାର୍ଯଅନୁଷ୍ଠାନ ପାଇଁ ସେମାନେ ଦାବି କରିଥିଲେ।କିନ୍ତୁ ପ୍ରଶାସନ ତରଫରୁ କୌଣସି ପ୍ରକାର ପଦକ୍ଷେପ ବୁଧବାର ସୁଦ୍ଧା ନିଆ ନ ଯିବାରୁ ଗ୍ରାମର ମହିଳା ଗୋଷ୍ଠୀର ସଦସ୍ୟମାନେ ନିଜେ ନିଜର ସୁରକ୍ଷା ପାଇଁ ବାହାରି ପଡ଼ିଥିଲେ।ବୁଧବାର ସକାଳ ୭.ଟାରେ ଗ୍ରାମକୁ ପାଖ ସାଇବିନ୍ଧା ଗ୍ରାମର ବିଭୀଷଣ ବିଶ୍ୱାଳ ଓ ଶୁକ୍ରୁ ଭୁଏ ଏକ ଡିସକଭର ବାଇକ(ଓଡି ୦୩ ସି ୨୨୪୬)ରେ ମଦ ଚାଲାଣ କରୁଥିବା ଦେଖି ଗ୍ରାମର ମଝି ପ୍ରହରୀ ମଣ୍ଡପରେ ଅଟକାଇ ସେମାନଙ୍କ ପାଖରୁ ୩୮ଟି ଦେଶୀମଦ ପାଉଚ ଜବତ କରି ବାଇକ ସହ ଅଟକ ରଖିଥିଲେ ଏବଂ ମୁରିବାହାଲ ପୁଲିସକୁ ଖବର ଦେଇଥିଲେ ମଧ୍ୟ ସନ୍ଧ୍ୟା ସୁଦ୍ଧା ମୁରିବାହାଲ ପୁଲିସ ଘଟଣାସ୍ଥଳକୁ ପହଞ୍ଚି ନ ଥିବା ଏସଏଚଜି ମହିଳା ମାନେ ଅଭିଯୋଗ କରିଛନ୍ତି।ଗୋଷ୍ଠୀର ବନିତା ଭୋଇ, ଭାଗ୍ୟବତୀ ପୁଟେଲ, ଇନ୍ଦ୍ରାଣୀ ପୁଟେଲ, ଦ୍ରୋପଦୀ ନାଗ,ନମିତା ପୁଟେଲ, ସୁମିତ୍ରା ନାଗ,ପଦ୍ମିନୀ ବିଶ୍ୱାଳ, ନିହାରିକା ଭୋଇ, ଶ୍ରୀମତୀ ପୁଟେଲ, ମମତା ପୁଟେଲ, ନଳିନୀ ବେଣ୍ଟକାର,ଭୂମିସୁତା ନାଏକ, କୁନ୍ତଳା ରାଉତ, ତରୂଲତା ବେଣ୍ଟକାର,କେଶରୀ ମଲ୍ଲିକଙ୍କ ସହ ବହୁ ସଂଖ୍ୟକ ମହିଳା ମଦ ଜବତ କରିଥିଲେ ମଧ୍ୟ ପୁଲିସ ପହଁଚି ନ ଥିବାରୁ ତୀବ୍ର ଅସନ୍ତୋଷ ପ୍ରକାଶ କରି ଆଇନକୁ ହାତକୁ ନେବାକୁ ଚେତାବନୀ ଦେଇଛନ୍ତି।