26-Dec-2024

ବରପାଲି,(ସୁଦାମ ଦୀପ) ବରପାଲିଠାରେ ଗଙ୍ଗାଧର ମେହେର ଶିକ୍ଷା ନିକେତନ,ବରପାଳିର ଷଷ୍ଠ ବାର୍ଷିକ ଉତ୍ସବ,"ଅର୍ଘ୍ୟଥାଳି''ଅନୁଷ୍ଠାନର ସଭାପତି କମ୍ଭୁପାଣି ବେହେରା ସଭାପତିତ୍ୱରେ ଅନୁଷ୍ଠିତ ଏହି ସଭାରେ ମୁଖ୍ୟ ଅତିଥି ଭାବରେ ତହସିଲଦାର ରୁକ୍ମଣ କୁମାର ମେହେର,ସମ୍ମାନିତ ଅତିଥି ଭାବରେ ସହକାରୀ ଶିକ୍ଷା ଅଧିକାରୀ ଦୁର୍ଯୋଧନ ସିଂହ, ମୁଖ୍ୟ ବକ୍ତା ଭାବରେ ସମ୍ବଲପୁର ବିଶ୍ଵ ବିଦ୍ୟାଳୟର ପ୍ରଫେସର ଡ଼ଃ ଶୁକମୁନି ମେହେର ଓ ସମ୍ମାନିତ ବକ୍ତା ଭାବରେ ଟ୍ରଷ୍ଟ ଫଣ୍ଡ କଲେଜ ବରଗଡର ଅଧ୍ୟାପକ ଯାଦବ ପଧାନ ଯୋଗଦାନ କରି ଅର୍ଥ ଉପାର୍ଜନର ମାର୍ଗ ନ ହୋଇ ଚରିତ୍ର ଗଠନର ଦିଗ ପ୍ରସାରିତ ହେଉ l ଏଥିରେ କେବଳ ଗୁରୁଜୀ ଗୁରୁମା ଭୂମିକାଠାରୁ ପିତାମାତାଙ୍କ ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ମତବ୍ୟକ୍ତ କରିଥିଲେ l ବିଭିନ୍ନ ପ୍ରତିଯୋଗିତାର କୃତି ପ୍ରତିଯୋଗୀ ମାନଙ୍କୁ ପୁରସ୍କାର ପ୍ରଦାନ କରାଯାଇଛି l ପୁରସ୍କାର ବିତରଣ ପର୍ବକୁ ତପସ୍ୱୀନୀ ପଧାନ ଓ ଲିଙ୍ଗରାଜ ବୁଡେକ ସଂଚାଳନ କରିଥିଲେ l ସ୍ୱାଗତ ଓ ସଂଯୋଜନା ଶିକ୍ଷୟତ୍ରୀ କାନ୍ତି ଭୋଇ କରିଥିବାବେଳେ ପ୍ରଧାନ ଶିକ୍ଷକ ଦେବାଶିଷ ମେହେର ଉଦେଶ୍ୟ ଜ୍ଞାପନ କରିଥିଲେ l ଶିକ୍ଷୟତ୍ରୀ ରିନୁ ରାଉତ ବାର୍ଷିକ ବିବରଣୀ ପାଠ କରିଥିବା ବେଳେ ଶିକ୍ଷୟତ୍ରୀ ମନୀଷା ଦାଶ ଧନ୍ୟବାଦ ଅର୍ପଣ କରିଥିଲେ l ପରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l