25-Dec-2024

ବରଗଡ:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା ବିଜେପୁର ସ୍ଥିତ ସରସ୍ୱତୀ ଶିଶୁ ବିଦ୍ୟାମନ୍ଦିର ପରିସରରେ ସେବା ଭାରତୀ ପକ୍ଷରୁ ସତସଙ୍ଗ ଓ ଶୀତବସ୍ତ୍ର ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ଏ କାର୍ଯ୍ୟକ୍ରମରେ ବିଜେପୁର ନିର୍ବାଚନ ମଣ୍ଡଳୀର ବିଧାୟକ ଶ୍ରୀଯୁକ୍ତ ସନତ କୁମାର ଗଡତୀୟା ମୁଖ୍ୟ ଅତିଥି ଭାବେ ଯୋଗଦେଇ ଶୁଭାରମ୍ଭ କରିବା ସହ ଶୀତବସ୍ତ୍ର ବଣ୍ଟନ କରିଥିଲେ।ସେବା ଭାରତୀ ର ସଭାପତି ଶ୍ରୀଯୁକ୍ତ ପ୍ରେମରାଜ ପ୍ରଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ,ସେବା ଭାରତୀ ପଶ୍ଚିମ ପ୍ରାନ୍ତର ସଂଗଠନ ମନ୍ତ୍ରୀ ହୃଷୀକେଶ ନାଗ,ଜିଲ୍ଲା ପରିଷଦ ସଦସ୍ଯ ସୁଶାନ୍ତ ଗଡତିଆ ସମ୍ମାନୀତ ଅତିଥି ଭାବେ ଯୋଗଦାନ କରିଥିଲେ। ସତସଙ୍ଗ ପ୍ରମୁଖ ଓ ମାତୃଶକ୍ତିଙ୍କୁ କାର୍ଯ୍ୟକ୍ରମରେ ଅତିଥି ଗଣ ସନାତନ ଧର୍ମ ଉପରେ ଆଲୋକପାତ କରିଥିଲେ। ଏଥିରେ ବ୍ଲକର ସତସଙ୍ଗ କେନ୍ଦ୍ରର ପ୍ରମୁଖ ଗଣ ଯୋଗଦେଇଥିଲେ। ବିଭିନ୍ନ ଅସହାୟ ବ୍ୟକ୍ତି ବିଶେଷଙ୍କୁ ଶୀତ ବସ୍ତ୍ର ବଣ୍ଟନ କରାଯାଇଥିଲା। ସେହିପରି କନପୁରୀ ଗ୍ରାମରେ ସେବା ଭାରତୀ ପକ୍ଷରୁ ଉକ୍ତ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏଥିରେ ବିଧାୟକ ଶ୍ରୀମାନ ଗଡତୀୟା ମୁଖ୍ୟ ଅତିଥି ଭାବେ ଯୋଗଦାନ କରି କାର୍ଯ୍ୟକ୍ରମ ଶୁଭାରମ୍ଭ ସହ ଶୀତ ବସ୍ତ୍ର ବଣ୍ଟନ କରିଥିଲେ। ପ୍ରେମରାଜ ପ୍ରଧାନଙ୍କ ସଭାପତିତ୍ବରେ ସେବା ଭାରତୀ ସଂଗଠନ ମନ୍ତ୍ରୀ ଶ୍ରୀଯୁକ୍ତ ନାଗ ଯୋଗଦେଇ ବୈାଦ୍ଧିକ ପ୍ରଦାନ କରିଥିଲେ। ବିଜେପି ମଣ୍ଡଳ ସଭାପତି ଯୋଗିନ୍ଦ୍ର ପଧାନ ସମ୍ମାନୀତ ଅତିଥି ଭାବେ ଯୋଗଦାନ କରିଥିବା ବେଳେ ସତସଙ୍ଗ ପ୍ରମୁଖ ଓ ମାତୃଶକ୍ତି ଗଣ ଯୋଗ ଦେଇଥିଲେ।