19-Dec-2024

ଅତାବିରା(ଆକାଶ ମିଶ୍ର): ଅତାବିରା  ଏନ୍ ଏ ସି ଅନ୍ତର୍ଗତ ୱାର୍ଡ ନଂ ୩ ଭାଲୁ ପାଲି , ପରମାନପୁର  ଫାର୍ମ ରେ ଆଜି ପ୍ରାତଃ ୩ ଟା ରେ ଏକ ମାଟି ବୋଝେଇ ହାଇୱl  ନଂ ଓ ଡି ୧୪ ବି ୮୧୫୯  ଖଲିଆ  ପାଲି ପଟରୁ ମାଟି ବୋଝେଇ କରି ଆସୁଥିବା ବେଳେ  କେନାଲର ପୋଲ କୁ ଅତିକ୍ରମ କଲା ପରେ  ରହିଥିବା ଏକ ବିଜୁଳି ଖୁଣ୍ଟ ସହ ଧକା ହୋଇଥିଲା ।ଫଳରେ ଖୁଣ୍ଟ ପାଖକୁ ଲାଗିରହିଥିବା ପି ନାଗେଶ୍ଵରଙ୍କ ଘର ଆଗଗେ ପଡ଼ିଥିଲା।ସୌଭାଗ୍ୟ ବଶତଃ  ପରିବାର

ବର୍ତ୍ତିଯାଇଛନ୍ତି ,ନହେଲେ ପାଲଟଣା ଘର ଭିତରେ ଶୋଇଥିବା ପରିବାର ର ସମସ୍ତେ  ବିଦ୍ୟୁତ୍ ଆଘାତ ଓ ବିଜୁଳି ଖୁଣ୍ଟର ଆଘାତରେ ମୃତ୍ୟୁବରଣ କରିଥାନ୍ତେ। ତାର ସବୁ ଛିଡି ଅଞ୍ଚଳ ରେ ବିଦ୍ୟୁତ୍ ସଂଯୋଗ ବିଚ୍ଛିନ୍ନ ହୋଇଯିବ ସହ ଅଞ୍ଚଳର ଲୋକେ ଅନ୍ଧାରରେ ରହିଛନ୍ତି। ଏହି ଘଟଣା ପରେ  ହାଇୱl ଚାଲକ ଲୁଚି ପଳେଇବା ପାଇଁ ଚେଷ୍ଟା କରୁଥିବା ବେଳେ ସ୍ଥାନୀୟ ଲୋକେ ତାଙ୍କୁ ଅଟକାଇ ରଖି  କ୍ଷତିପୁରଣ ଦାବୀ କରିଥିଲେ। ଏହା ଆଗରୁ ମଧ୍ୟ ମାଟି ନେବା ଆଣିବା କରିବା ବେଳେ ରାସ୍ତାର ଆଲୋକିକରଣ ପାଇଁ ଲାଗିଥିବା ଖୁଣ୍ଟକୁ ମଧ୍ୟ ନଷ୍ଟ କରିବା ସହିତ ସେଥିରେ କହିଥିବା ବଲବକୁ ଚାଳକ ନେଇ ଯାଇଥିବା ଲୋକେ ପ୍ରକାଶ କରିଥିଲେ। ତେବେ କୌଣସି ସୂତ୍ରରୁ ଖବର ପାଇ  ଅତାବିରା ପୋଲିସ ଘଟଣା ସ୍ଥଳରେ ପହଞ୍ଚି ଚାଳକକୁ ପଚରାଉଚୁରା କରିଥିଲେ । ଡ଼୍ରାଇଭର ଜଣକ କେତେବେଳେ ତାର ନାମ ଶ୍ରବଣ  ବଢେଇ କହୁଥିଲା, ଆଉ କିଏ ପଚାରିଲେ ଲକି ବଢେଇ କହୁଥିଲା । ତେବେ ନାମ ଲୁଚାଇବା  ପଛରେ ରହସ୍ୟ କଣ ? ଏହା ବ୍ୟତିତ ଏହି ମାଟି ପରିବହନ ପାଇଁ ଚାଳକ ପାଖରେ କୌଣସି ଅନୁମତି ମିଳିଥିବା କାଗଜପତ୍ର ନ ଥିଲା। ୱାର୍ଡ ବଡିଙ୍କ କହିବ ଅନୁଯାୟୀ ସନ୍ଧ୍ୟା ହେଲେ ତିନି ଚାରିଟା ଗାଡ଼ି ଲାଗିଯାଏ, ରାତି ସାରା ମାଟି ପରିବହନ କାମ ଚାଲିଥାଏ।ଏହା ଫଳରେ  ମାଟି ବୋଝେଇ ଭାରି ଗାଡ଼ିର  ଶବ୍ଦରେ ଶବ୍ଦ ପ୍ରଦୂଷଣ ଓ ଧୂଳି ଉଡ଼ି ବାୟୁ ପ୍ରଦୂଷଣ ହେଉଛି ।  କିନ୍ତୁ  ମୁନାଫା  ମିଳିଲେ ଲୋଜେ ଅନ୍ୟର କଥାଚିନ୍ତା କରି ନଥାନ୍ତି । ଗାଡ଼ି ମାଲିକ ମାନେ ମୁନାଫା  ଆଶାରେ କ୍ଷମତା ଠାରୁ ଅଧିକ   ଓଜନ ଓ ଅଧିକ ପରିମାଣର  ଜିନିଷ ବୋଝେଇ କରୁଛନ୍ତି । ପରିବହନ ବିଭାଗର ଅସାଧୁ ଅଧିକାରୀ ମାନଙ୍କର  ଅସାଧୁ କାମ ପାଇଁ  ମାତ୍ରାଧିକ ଜିନିଷ ବୋଝେଇ କରି ଭାରସାମ୍ୟ ହରାଇ , କେତେ ଦୁର୍ଘଟଣା ଘଟି ସାରିଛି ତାର ହିସାବ କାହାରି ପାଖରେ ନାହିଁ । ୫୮୦ ଘନ ମିଟର କ୍ଷମତା ବିଶିଷ୍ଟ ଗାଡ଼ି ଗୁଡ଼ିକର କ୍ଷମତା ୮୦୦/୭୦୦ ଘନ ମିଟରକୁ ବୃଦ୍ଧି କରାଯାଇ ଏକ ଥରକୁ ମୋଟା ଅଙ୍କର  ଟଙ୍କା ଆଦାୟ କରିବାରେ ସଫଳ ହେଉଛନ୍ତି ।ପ୍ରଶାସନିକ ନିରବତା ଓ ବିଭାଗୀୟ ଅବହେଳା କାରଣ ରି ମୁନାଫା  ଖୋର ପରିବହନ କାରୀ ଏବଂ ବ୍ୟବସାୟୀଙ୍କୁ କୋଟି କୋଟି ଟଙ୍କା ରୋଜକର୍କରିବ ପାଇଁ ସୁଯୋଗ ପ୍ରଦାନ କରୁଛି ।ଏହି ସୁଯୋଗକୁ ହାତ ଛଡା କରିବା ପାଇଁ କେହି ଚାହୁଁ ନାହାନ୍ତି ।ଯାହା ର ପରିଣାମ ସ୍ବରୂପ  ଗାଡ଼ି ଚକର ଘର୍ଷଣ ଅଧିକ ହୋଇ ଅଧିକ ଧୂଳି ଉଡ଼ି  ବାୟୁ ପ୍ରଦୂଷଣ  କରୁଛି । ୧୯୮୮ ମସିହାରେ ମଟର ସାଇକେଲ ଆକ୍ଟ ବିଭାଗ ୧୯ ରେ ନିୟମ ଅନୁଯାୟୀ ଅଧିକ ମାଲ୍ ବୋଝେଇ ଗାଡ଼ିର ଲାଇସେନ୍ସ  ରଦ୍ଦ କରିବା ପାଇଁ ସରକାରଙ୍କ ପକ୍ଷରୁ ଏକ ଆଇନ ପ୍ରଣୀତ ହୋଇଥିଲା ।କିନ୍ତୁ ସେ ସବୁକୁ ଉଲଂଘନ କରାଯାଇ ମନଇଚ୍ଛା  କାର୍ଯ୍ୟ ଚାଲୁଥିବା ଯୋଗୁ ଆଜି ଅନେକ ଧନ ଜୀବନ ନଷ୍ଟ ହେବା ସହ ପ୍ରକୃତିରେ ପ୍ରଦୂଷଣ ର ମାତ୍ର ବୃଦ୍ଧି ପାଇ ଚାଲୁଛି ଓ ପ୍ରତ୍ୟକ୍ଷରେ ହେଉ ବା ପରୋକ୍ଷରେ ହେଉ  ମଣିଷ ଶରୀର ଉପରେ ତାର ପ୍ରଭାବ ପଡ଼ି ଅନେକ ପ୍ରକାର ରୋଗ ଶରୀରକୁ ଗ୍ରାସ କରୁଛି। ତେଣୁ ୱାର୍ଡର ଲୋକେ ଆଜି ଅଡି ବସିଥିଲେ ଚାଳକକୁ ଛାଡିବେନି ବୋଲି।  ଗାଡ଼ି ମାଲିକ କିମ୍ବା ମାଟି ପଡ଼ୁଥିବା ଜମିର ମାଲିକ କେହି ପାଖକୁ ଆସି ନଥିଲେ। କ୍ଷତିପୁରଣ ନ ଦେବା ଯାଏଁ  ଚାଳକ କିମ୍ବା ଗାଡ଼ି କୁ ଛାଡିବେନି ବୋଲି କହିଥିଲେ। ପୋଲିସ

କୁ  ମଧ୍ୟ  ଡରି ନଥିଲେ । ତେଣୁ  ଦୀର୍ଘ୍ ଦୁଇ ତିନି ଘଣ୍ଟା ପରେ ଗାଡ଼ି ମାଲିକ ନ ଆସିବାରୁ ପୋଲିସ ଥାନାରେ ଗlଡିଟିକୁ କ୍ଷତି ପୂରଣ ଦେବା ପର୍ଯ୍ୟନ୍ତ ରହିବ  ବୋଲି ପ୍ରତିଶ୍ରୁତି ଦେବା ପରେ  ସେମାନେ ଚାଲକକୁ ଛାଡିଥିଲେ l ଥାନାରେ ଚାଳକ ଓ ଗାଡ଼ି କୁ ଅଟକ ରଖାଯାଇଛି।ତେବେ କେବେ ଆସୁଛନ୍ତି ଗାଡ଼ି ମାଲିକ ଓ କେବେ ଦେଉଛନ୍ତି କ୍ଷତି ପୂରଣ , ଅପେକ୍ଷାରେ ଅଞ୍ଚଳ ବାସୀ।