19-Dec-2024

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ସହରରେ ଶିକ୍ଷାର ବିକାଶ ପାଇଁ ୧୯୬୦ ମସିହାରେ ଟିକ୍ରାପଡା ଛକରେ ପତିତପାବନ ଏକାଡେମୀ ହାଇସ୍କୁଲ ସ୍ଥାପିତ ହୋଇଥିଲା । ଏହାକୁ ପ୍ରଣମ୍ୟ ଚକ୍ରଧର ପଣ୍ଡା ନିଜ ପିତା ପତିତପାବନ ପଣ୍ଡା ଙ୍କ ସ୍ମୃତି ଉଦ୍ଦ୍ୟେଶରେ ନିର୍ମାଣ କରିଥିଲେ। ଆଜି ଚକ୍ରଧର ପଣ୍ଡାଙ୍କ ସ୍ମୃତିରେ ୧୦୯ତମ ଜୟନ୍ତୀ ଉପଲକ୍ଷେ ହାଇସ୍କୁଲର ପୂରାତନ ଛାତ୍ର ଓ ବର୍ତ୍ତମାନ ଶିକ୍ଷାଲାଭ କରୁଥିବା ଛାତ୍ରମାନଙ୍କ ଦ୍ୱାରା ସହରରେ ଏକ ପଦଯାତ୍ରା କରାଯାଇଥିଲା। ସ୍ୱର୍ଗତ ପଣ୍ଡାଙ୍କ ସ୍ମୃତି ଉଦ୍ଦେଶ୍ୟରେ ଆୟୋଜିତ ଏହି ପଦଯାତ୍ରାକୁ ପ୍ରତିଷ୍ଠାତାଙ୍କ ପୁତ୍ରବଧୁ ତଥା ଜିଲ୍ଲା ଭାଜପା ମହିଳାମୋର୍ଚ୍ଚା ସଭାନେତ୍ରୀ ଥିବା ପଙ୍କଜିନୀ ପଣ୍ଡା ପତାକା ଦେଖାଇ ଶୁଭାରମ୍ଭ କରିଥିଲେ । ପି.ପି ଏକାଡେମୀ ସ୍କୁଲରୁ ପଦଯାତ୍ରା ବାହାରି ଏକାଡେମୀଛକ, ରୁଗୁଡିପଡାଛକ, କଚେରୀଛକ,ସରକାରୀ ବସଷ୍ଟାଣ୍ଡ, ପାଟଣାହୋଟେଲ ଛକ, ସମଲେଶ୍ୱରୀ ମନ୍ଦିର ଛକ, ଦୈନିକ ବଜାର, ଟିକ୍ରାପଡା ଛକ ଦେଇ ପୁଣି ସ୍କୁଲରେ ପହଞ୍ଚି ଥିଲା। ଆସନ୍ତା ଡିସେମ୍ବର ୨୧ ଓ ୨୨ ତାରିଖ ଦୁଇ୍‌ଦିନ ଧରି ଏହି ସ୍କୁଲର ହୀରକଜୟନ୍ତୀ ପାଳିତ ହେବାକୁ ଯାଉଛି । ତେଣୁକରି

ବହୁସଂଖ୍ୟାରେ ପୂରାତନ ଛାତ୍ର ମଧ୍ୟ ଯୋଗ ଦେଇଥିଲେ ।  ଆଜିର ଏହି ପଦଯାତ୍ରାରେ ସ୍କୁଲର ହୀରକ ଜୟନ୍ତୀ କମିଟିର ସଭାପତି ଶଶୀଭୂଷଣ ଶତପଥି,ପୁରାତନ ଛାତ୍ରସଂସଦର ସଭାପତି ଅପତାଫ ହୁସେନ, ପୁରାତନ ଛାତ୍ର ପ୍ରଭାସ ପାଣିଗ୍ରାହୀ, ଶରତ ପଣ୍ଡା, ପ୍ରଦୀପ ସାହୁ, ହେମନ୍ତ ପଣ୍ଡା, ସନ୍ତକ ବହିଦାର,ରଘୁନନ୍ଦନ ସିଂହ, ଶରତ ମିଶ୍ର, ଭବାନୀଶଙ୍କର ଶତପଥି,ଦତ୍ତlନନ୍ଦ ପଣ୍ଡା, ବିପ୍ଲବ ସାହୁ ପ୍ରମୁଖଙ୍କ ସହ ଶତାଧିକ ପୂରାତନ ଛାତ୍ର ଯୋଗ ଦେଇଥିଲେ। କାର୍ଯ୍ୟକ୍ରମକୁ ସ୍କୁଲର ପ୍ରଧାନଶିକ୍ଷକ ସିନୁସୁନ୍ଦର ପାଢୀ ପରିଚାଳନା କରିଥିଲେ।  ସ୍କୁଲର ସମସ୍ତ ଶିକ୍ଷକ ଶିକ୍ଷୟିତ୍ରୀ  ପଦଯାତ୍ରାରେ ଭାଗ ନେଇ ଥିଲେ l ପଦଯାତ୍ରା ପରେ ସ୍କୁଲର ସଭାକକ୍ଷରେ ଛାତ୍ର ମାନଙ୍କୁ କିଛି ପୁରାତନଛାତ୍ରମାନେ ତାଙ୍କ ଛାତ୍ରଜୀବନର ଅନୁଭୁତି ବର୍ଣ୍ଣନା କରିଥିଲେ ।