18-Dec-2024

ଆଗଲପୁର (ପ୍ରେରଣା ଖବର): ଆଗଲପୁର ପଞ୍ଚାୟତ ସମିତି ମହାବିଦ୍ୟାଳୟ, ବାଣୀନିକେତନ, ରୋତର ଓଡ଼ିଆ ଭାଷା ଓ ସାହିତ୍ୟ ବିଭାଗରେ କାଳିନ୍ଦୀଚରଣ ପାଣିଗ୍ରାହୀଙ୍କ "ମାଟିର ମଣିଷ" ଉପନ୍ୟାସ ସଂପର୍କିତ ଏକ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି। ବିଭାଗ ମୁଖ୍ଯ ପ୍ରମୋଦ କୁମାର ଦାଶଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି। ଏହି ଆଲୋଚନାଚକ୍ରରେ ବଲାଙ୍ଗିର ଯୁବୋଦୟ ମହାବିଦ୍ୟାଳୟର ଓଡିଆ ଅଧ୍ୟାପକ ଶ୍ରୀଯୁକ୍ତ ସନ୍ଦୀପ କୁମାର କୁଅଁର ମୁଖ୍ଯ ଆଲୋଚକ ଭାବରେ ଯୋଗଦାନ କରି ମାଟିର ମଣିଷ ଉପନ୍ୟାସରେ ଗାନ୍ଧୀବାଦୀ ଚେତନା ସଂପର୍କରେ ଆଲୋଚନା କରି  ବିଚାର ବୋଧ ସବୁ ବେଳେ  ଜୀବନ୍ତ ଥାଏ।  ସମୟ କ୍ରମରେ ସେହି ବିଚାର ଆମର ସାମାଜିକ ଜୀବନକୁ ଓ ବ୍ୟକ୍ତି ଚେତନାକୁ ପ୍ରଭାବିତ କରେ। ସ୍ବାଧୀନତା ପୂର୍ବବର୍ତ୍ତୀ  ଭାରତର ଅନ୍ୟତମ  ମୂର୍ତ ଚେତନା ମହାତ୍ମାଗାନ୍ଧୀଙ୍କ  ବିଚାର ବିଭିନ୍ନ ସମୟରେ  ବିଭିନ୍ନ  ସାରସ୍ବତ ଚରିତ୍ରମାନଙ୍କର ଭିତରେ କିପରି ପ୍ରକାଶିତ ହୋଇଛି ,ତାହାକୁ  କାଳିନ୍ଦୀଚରଣ ପାଣିଗ୍ରାହୀଙ୍କ

ଉପନ୍ୟାସ ମାଟିର ମଣିଷ କିପରି ଅଙ୍ଗୀଭୂତ କରିଛି, ସେ  ସମ୍ପର୍କରେ  ଆଲୋଚନା କରିଥିଲେ। ପ୍ରାରମ୍ଭ ରେ ମୁଖ୍ଯ ଆଲୋଚକ  ଶ୍ରୀ କୁଅଁର  ଗଣେଶ ଙ୍କ ପୂଜାର୍ଚ୍ଚନା କରି ଆଲୋଚନାଚକ୍ର ର ଶୁଭାରମ୍ଭ କରିଥିଲେ।ଓଡିଆ ଭାଷା ସାହିତ୍ୟ ବିଭାର ମୁଖ୍ଯ  ଶ୍ରୀ ଦାଶ ଶ୍ରୀ କୁଅଁରଙ୍କୁ ସମ୍ବର୍ଦ୍ଧିତ କରିଥିବା ବେଳେ ଅଧ୍ୟାପକ ଡକ୍ଟର ଲିଙ୍ଗରାଜ ମେହେର ଅତିଥି ପରିଚୟ  ପ୍ରଦାନ କରିଥିଲେ।
ଛାତ୍ର ବିରେନ୍ଦ୍ର ତ୍ରିପାଠୀ, ଛାତ୍ରୀ ଝରଣା ସାହୁ, ସାଗରିକା ପୋଢ, ଲିଲିମା ନାଏକ, ନିକିତା ପଧାନ, ରୁବି ଧରୁଆ ପ୍ରମୁଖ ଭିତ୍ତି ପ୍ରବନ୍ଧ ଉପସ୍ଥାପନା କରିଥିଲେ। ସଭାକୁ ଅଧ୍ୟାପକ ଡକ୍ଟର ଲିଙ୍ଗରାଜ ମେହେର ସଂଯୋଜନା କରିଥିବାବେଳେ ଅଧ୍ୟାପକ ବାମଦେବ ମେହେର ଓ ଡକ୍ଟର ସୋମନାଥ ପଧାନ ଆଲୋଚନାରେ ଅଂଶଗ୍ରହଣ କରିଥିଲେ। ଶେଷରେ ଛାତ୍ରୀ ବିନୋଦିନୀ ସାହୁ ଧନ୍ୟବାଦ ଅର୍ପଣ କରିଥିଲେ।