16-Dec-2024

ବୌଦ୍ଧ(ଦେବବ୍ରତ ଦାଶଙ୍କ ରିପୋର୍ଟ):-ଅଷ୍ଟମ ଗଡ଼ଜାତ ଲୋକ ମହୋତ୍ସବ ଓ ପଲ୍ଲୀଶ୍ରୀ ମେଳା ଗଡ଼ଜାତ ସାଂସ୍କୃତିକ ପରିଷଦ ପକ୍ଷରୁ ବୌଦ୍ଧ ଜିଲ୍ଲା ବୀରନରସିଂହପୁର ହାଇସ୍କୁଲ ପଡିଆ ଠାରେ ଉଦଘାଟିତ ହୋଇ ଯାଇଛି ।  ଏହି ଅବସରରେ ବୀରନରସିଂହପୁର ଶିବ ମନ୍ଦିର ପ୍ରାଙ୍ଗନ ରୁ ଏକ ବିରାଟ ସଂକୃତିକ ଶୋଭାଯାତ୍ରା ବାହାରି ମହୋତ୍ସବ ପଡିଆ ରେ ପହଞ୍ଚି ଥିଲା । ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ବୌଦ୍ଧ ଜିଲ୍ଲାପାଳ ସୁବ୍ରତ କୁମାର ପଣ୍ଡା ଯୋଗଦେଇ ମହୋତ୍ସବ କୁ ଉଦଘାଟନ କରିଥିଲେ । ସମ୍ମାନିତ ଅତିଥି ଭାବେ ହରଭଙ୍ଗା ବିଡ଼ିଓ ଶରତ ଚନ୍ଦ୍ର ସେଠି, ସିନେ ନିର୍ଦେଶକ ବନମାଳୀ ରାଣା , ଅତିରିକ୍ତ ଜିଲ୍ଲାପାଳ ଅନିରୁଦ୍ଧ ପ୍ରଧାନ ଓ ଗଡଜାତ ମହୋତ୍ସବ ସଭାପତି ବିଶ୍ୱଜିତ ମିଶ୍ର ପ୍ରମୁଖ ଯୋଗଦେଇଥିଲେ । ସାତ ବର୍ଷ ଧରି ଚାଲି ଆସିଥିବା ଏହି ମହୋତ୍ସବ ସ୍ଥାନୀୟ କଳାକାର ଙ୍କ କଳା ସଂସ୍କୃତିକୁ ମଞ୍ଚରେ ପ୍ରଦର୍ଶନ କରିବା ଏକ ମୁଖ୍ୟ ମାଧ୍ୟମ ସାଜିଛି । ଯାହାଦ୍ୱାରା କଳାକାର ମାନେ ନିଜ କଳା ପ୍ରଦର୍ଶନ କରିପାରୁଛନ୍ତି ।  ମହୋତ୍ସବ ୧୫ ଡିସେମ୍ବର ଠାରୁ ଆରମ୍ଭ ହୋଇଥିବା ବେଳେ ପାଞ୍ଚ ଦିନ ଧରି ଚାଲିବ। ଏହି

କ୍ରମରେ ପ୍ରଥମେ ଘୁଡୁକା ନୃତ୍ୟ ଓ ଦଣ୍ଡ ନୃତ୍ୟ ମଞ୍ଚ ସ୍ଥାନୀୟ କଳାକାର ମାନଙ୍କ ଦ୍ଵାରା ପରିବେଷଣ କରାଯାଇଥିଲା । ପରେ ଅଂଚଳର ସ୍କୁଲ କଲେଜ ର ଛାତ୍ରଛାତ୍ରୀ, ଆଞ୍ଚଳିକ କଳା ସଂକୃତି, ଲୋକ ନୃତ୍ୟ ସହିତ ମୁଖ୍ୟ ଆକର୍ଷଣ ତରଙ୍ଗ ସିନେ ଧାରାବାହିକ ର ଦେବାହୁତି ପୃଷ୍ଟି, ନିହାରିକା ଦାସ ଓ ଅଭିଜିତ ପାତ୍ର ଙ୍କ ନୃତ୍ୟ ଓ ଗୀତ ଦର୍ଶକ ମନଭରି ଉପଭୋଗ କରିଥିଲେ l ଅନ୍ୟପଟେ ପାଞ୍ଚଦିନ ପର୍ଯ୍ୟନ୍ତ ପ୍ରତି ସନ୍ଧ୍ୟା ରେ ବିଶିଷ୍ଠ କଣ୍ଠ ଶିଳ୍ପୀ, ସିନେ ଓ ଧାରାବାହିକ ତାରକା, ଆଞ୍ଚଳିକ ପାରମ୍ପରିକ ଲୋକ ବାଦ୍ୟ, ଲୋକ କଳା, ସ୍କୁଲ କଲେଜର ଲୁକାୟିତ ପ୍ରତିଭା ର ସାସ୍କୃତିକ କାର୍ଯ୍ୟକ୍ରମ ରହିଥିବା ନେଇ କମିଟି ର ସଭାପତି ସୂଚନା ଦେଇଛନ୍ତି ।