16-Dec-2024

ସୋନପୁର, ତା. ୧୬/୧୨ ( ପ୍ରେରଣା ଖବର )
 ଶିକ୍ଷାର ଅର୍ଥ ହେଉଛି ବ୍ୟକ୍ତିର ସାମଗ୍ରିକ ବିକାଶ, ଶାରିରୀକ, ମାନସିକ, ସାମାଜିକ ଓ ଆବେଗିକ ବିକାଶର ସମାହାର । ଡ. ଅର୍ଚ୍ଚନା ପାଢୀ ଜଣେ ମେଧାବୀ ଛାତ୍ରୀ ହେବା ସହିତ ସୁପ୍ରସିଦ୍ଧ ଗାୟିକା ଅଟନ୍ତି । ଏକାଧାରରେ ସେ ଡାକ୍ତର ହୋଇ ରୋଗୀଙ୍କ ଚିକିତ୍ସା କରିବା ସହିତ  ସଂଗୀତ ଗାନ କରି ଓଡିଶା ରାଜ୍ୟ, ଆମ ଦେଶ ତଥା ବିଦେଶରେ ଅନେକ ସୁନାମ  ଅର୍ଜନ କରିଛନ୍ତି । ପ୍ରକାଶଥାଉକି, ଡାକ୍ତର ପାଢୀ ଛାତ୍ରୀ ଜୀବନରେ ଜଣେ ଜୁନିୟର ରେଡକ୍ରସର ସ୍ୱେଚ୍ଚାସେବୀ ଥିଲେ । ସେ ରେଡକ୍ରସର ମୂଳମନ୍ତ୍ରରେ ଦିକ୍ଷୀତ ହୋଇ ବିଭିନ୍ନ ସେବାମୂଳକ କାର୍ଯ୍ୟ ଯେପରିକି,  ରୋଗୀ ସେବାରୁ ଆରମ୍ଭ କରି ରକ୍ତଦାନ ,  ଜନ୍ମଦିନରେ ଅନ୍ନଦାନ, ଶୀତବସ୍ତ୍ର ଦାନ, ବୃକ୍ଷରୋପଣ, ଗ୍ରୀଷ୍ମ ସମୟରେ ଜଳଦାନ କରିବା ସହିତ ଅନ୍ୟାନ୍ୟ ସେବାମୂଳକ କାର୍ଯ୍ୟକ୍ରମ କୁ ଆପଣେଇଛନ୍ତି ବୋଲି ଶିବିରରେ ମତବ୍ୟକ୍ତ କରିଥିଲେ । ଶିକ୍ଷା କେବଳ ପାଠ୍ୟ ପୁସ୍ତକ ଭିତରେ ସିମୀତ ନରହି ଦୈନନ୍ଦିନ ଜୀବନରେ ବ୍ୟବହାର ଉପଯୋଗୀ ହୋଇପାରେ ବୋଲି ପଂଚାୟତ ଉଚ୍ଚ ବିଦ୍ୟାଳୟ, ମାୟାବର୍ହା ଠାରେ ଆୟୋଜିତ ହୋଇଥିବା ସୁବର୍ଣ୍ଣପୁର ଜିଲ୍ଲା ସ୍ତରୀୟ ଜୁନିୟର ରେଡକ୍ରସ ଶିକ୍ଷା ଓ ପ୍ରଶିକ୍ଷଣ ଶିବିର ରେ ଯୋଗଦେଇ  ୬୨୨ ଜଣ ଶିବିରାର୍ଥୀଙ୍କୁ  ଅବଗତ କରାଇଥିଲେ । ପରେ ଡାକ୍ତର ଅର୍ଚ୍ଚନା ପାଢୀ ସଂଗୀତ ଗାନ କରି ଶିବିରାର୍ଥୀ ମାନଙ୍କୁ ଆନନ୍ଦିତ କରିଥିଲେ । କାର୍ଯ୍ୟକ୍ରମରେ ଅବିଭକ୍ତ ବଲାଙ୍ଗୀର -ସୋନପୁରର ପ୍ରାକ୍ତନ ଜୁନିୟର ରେଡକ୍ରସ ସଂଗଠକ ଚିନ୍ତlମଣି ମହାପାତ୍ର ଓ ଡା. ଅର୍ଚ୍ଚନା ପାଢୀଙ୍କ  ପିତା ସିନୁସୁନ୍ଦର ପାଢୀ ଯିଏକି ବଲାଙ୍ଗୀର ଜିଲ୍ଲା ପତିତପାବନ ଏକାଡେମୀରେ କାର୍ଯ୍ୟରତ ପ୍ରଧାନଶିକ୍ଷକ ଯୋଗଦେଇ, ଲକ୍ଷ୍ୟ ସ୍ଥଳରେ ପହଂଚିବାକୁ ହେଲେ କର୍ମକୁ ହିଁ ଜୀବନରେ ମାନଦଣ୍ଡ କରିବାକୁ ହେବ ବୋଲି ସ୍ୱେଚ୍ଚାସେବୀଙ୍କୁ  ବୁଝାଇଥିଲେ ।  ଜିଲ୍ଲା ଶିକ୍ଷାଧିକାରୀ ଲକ୍ଷ୍ମଣ ଭୋଇଙ୍କ ପ୍ରତ୍ୟକ୍ଷ  ତତ୍ତ୍ୱାବଧାନରେ  ହୋଇଥିବା କାର୍ଯ୍ୟକ୍ରମକୁ, ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ମଞ୍ଜୁଲତା ଭୋଇ, ଜିଲ୍ଲା ଜୁନିଅର ରେଡ଼କ୍ରସ ଉପସଭାପତି ଗତିକୃଷ୍ଣ ମିଶ୍ର ସଂଯୋଜନା କରିଥଲେ । ଜିଲ୍ଲା ଜୁନିୟର ରେଡକ୍ରସ ଅଫିସର ରବିଚନ୍ଦ୍ର ପଶାୟତ କାର୍ଯ୍ୟକ୍ରମକୁ ପରିଚାଳନା କରିଥିବା ବେଳେ ବରିଷ୍ଠ ଶିକ୍ଷକ ଦିନବନ୍ଧୁ ପ୍ରଧାନ ଧନ୍ୟବାଦ ଅର୍ପଣ କରିଥିଲେ ।