09-Dec-2024

ବଲାଙ୍ଗୀର, ତା. ୦୯/୧୨ ( ପ୍ରେରଣା ଖବର ) : ବଲାଙ୍ଗୀର ଜିଲ୍ଲା  ସଇଁନ୍ତଳା ବ୍ଲକ ଅନ୍ତର୍ଗତ  ଡେଙ୍ଗ ବିଦ୍ୟାଳୟର ବାର୍ଷିକ କ୍ରୀଡା ସ୍ଥାନୀୟ ରାଜେନ୍ଦ୍ର  ନାରାୟଣ ସିଂହ ଦେଓ, ଛୋକରବାଞ୍ଜି ଠାରେ ଦୁଇ ଦିନ ଧରି ଅନୁଷ୍ଠିତ ହୋଇଯାଇଛି । ବିଦ୍ୟାଳୟର ପ୍ରଧାନ ଶିକ୍ଷକ ଚଣ୍ଡାଳ ମିଶ୍ରଙ୍କ ପ୍ରତ୍ୟକ୍ଷ  ତତ୍ତ୍ୱାବଧାନରେରେ କାର୍ଯ୍ୟକ୍ରମ ଟି ଅନୁଷ୍ଠିତ ହୋଇଥିଲା l ପ୍ରଥମ ଦିନରେ ମୁଖ୍ୟ ଅତିଥି ଭାବରେ ସଇଁତଲା ମହାବିଦ୍ୟାଳୟ ର ଅଧ୍ୟକ୍ଷ  ତିରୁପତି ମେହେର ଓ ଦ୍ୱିତୀୟ ଦିନରେ  ମୁଖ୍ୟ ଅତିଥି ଭାବରେ ବ୍ୟାଙ୍କ ଆଫ ଇଣ୍ଡିଆ ମେନେଜର ଶୁଭାଶିଷ ମହାକୁର  କାର୍ଯ୍ୟକ୍ରମରେ ଯୋଗଦାନ କରିଥିଲେ । ଡେଙ୍ଗର ଜଗନ୍ନାଥ ମନ୍ଦିରରୁ ବାର୍ଷିକ କ୍ରୀଡା ପାଇଁ ମଶାଲ ଅଣାଯାଇ ଥିଲା । କାର୍ଯ୍ୟକ୍ରମରେ ବିଭିନ୍ନ ଖେଳ ଶିକ୍ଷକ ହିମାଂଶୁ ଶେଖର ବିଶ୍ୱାଳ, ଖେଳ ଶିକ୍ଷୟିତ୍ରୀ ଶିବାନୀ ମଲ୍ଲିକ, ରେଡ଼କ୍ରସ ବିଦ୍ୟାଳୟର ଖେଳ ଶିକ୍ଷକ ଚିନ୍ମୟ କୁମାର ଦାଶ ପରିଚାଳନା କରିଥିଲେ  ।  ଶିକ୍ଷକ ରାମ ନାରାୟଣ ଦାଶ, ସୁଦର୍ଶନ ଦାଶ, କୃପାସିନ୍ଧୁ ମିଶ୍ର, ମନରଞ୍ଜନ ପରିଡା, ଦେବେଶ ହୋତା, କାନ୍ତି ଭୋଇ,ଦ୍ରୌପଦୀ ଭୋଇ,ସମୀର ସେଠି,ଦୀପକ ସେନ ଧରୁଆ, , ଲିଙ୍ଗରାଜ ନନ୍ଦ, ଗାୟତ୍ରୀ ବାରିକ, ତପସ୍ୱିନୀ ପଟେଲ, ଅବିନାଶ ଭୋଇ ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିଥିଲେ l