07-Dec-2024

(ଡୋଲେଶ୍ୱର  ବାଗ )
ନୂଆପଡ଼ା ଜିଲ୍ଲା ବୋଡ଼େନ ବ୍ଲକ  ଆଦର୍ଶ ବିଦ୍ୟାଳୟ କେଶରାଜପୁର ଠାରେ ନୂଆପଡ଼ା ଜିଲ୍ଲାପାଳ ମଧୁସୂଦନ ଦାସଙ୍କ ଅଧ୍ୟକ୍ଷତାରେ ପରିଚାଳନା କମିଟି ବୈଠକ ଅନୁଷ୍ଠିତ ହୋଇଯାଇଛି । ଅଧ୍ୟକ୍ଷ ଚିତ୍ତରଞ୍ଜନ ମଟାରି ସ୍ବାଗତ ଅଭିଭାଷଣ ରଖିଥିଲେ ।ସଭାରେ ବ୍ଲକ ଉନ୍ନୟନ ଅଧିକାରୀ ସୁଶାନ୍ତ କୁମାର ରଣା,ଗୋଷ୍ଠୀ ଶିକ୍ଷା ଅଧିକାରୀ ରୁଦ୍ରେଶ୍ଵର ମେହେର, ବୋଡ଼େନ ଗୋଷ୍ଠୀ ସ୍ବାସ୍ଥ୍ୟ ଅଧିକାରୀ ସଞ୍ଜୀବ ନାଏକ, ପି ଡଲ୍ଲୁ ଡି ଯନ୍ତ୍ରୀ ଅମୋଘ ପଣ୍ଡା,ସହକାରୀ କାର୍ଯ୍ୟ ନିର୍ବାହୀ ଯନ୍ତ୍ରୀ ଆଶୁତୋଷ ରାଉତ,ସୁଶାନ୍ତ କୁମାର ମୁଣ୍ଡ ପ୍ରଧାନ ଶିକ୍ଷକ ସରକାରୀ ଉଚ୍ଚ ବିଦ୍ୟାଳୟ ସୁନାପୁର, ସଦସ୍ୟା ଅଧ୍ୟାପିକା ପ୍ରୀତି ସୁଧା ପଣ୍ଡା, ଶିକ୍ଷୟିତ୍ରୀ ନିହାରିକ ହୋତା, ଅବସର ପ୍ରାପ୍ତ ଶିକ୍ଷକ ସୁଜନେଶ୍ୱର୍ ସିଂ ମଲ୍ଲିକ ଉପସ୍ଥିତ ରହିଥିଲେ ।ବିଦ୍ୟାଳୟର ବିଭିନ୍ନ ଖର୍ଚ୍ଚ ଉପରେ ଆଲୋଚନା ହୋଇଥିବାବେଳେ ସମସ୍ତ ଫଣ୍ଡର ଉଚିତ୍ ବିନିଯୋଗ କରିବାକୁ ଜିଲ୍ଲାପାଳ ଆହ୍ବାନ କରିଥିଲେ। ଶୈକ୍ଷିକ ଦୃଷ୍ଟି କୋଣରୁ ମୌଳିକ ଶିକ୍ଷା ଉପରେ ଜିଲ୍ଲାପାଳ ଗୁରୁତ୍ୱାରୋପ କରିଛନ୍ତି ।ଦଶମ ଓ ଦ୍ଵାଦଶ ଶ୍ରେଣୀ ଛାତ୍ର ଛାତ୍ରୀଙ୍କୁ ଏକ୍ସଟ୍ରା କ୍ଲାସ ମାଧ୍ୟମରେ ତାଙ୍କର ଉନ୍ନତି ଆଣିବା ଏବଂ ସେମାନଙ୍କ ସାପ୍ତାହିକ ପରୀକ୍ଷା କରିବା ତଥା ଷଷ୍ଠ ଶ୍ରେଣୀରୁ ନବମ ଓ ଏକାଦଶ ଶ୍ରେଣୀ ପିଲାଙ୍କର ମାସିକପରୀକ୍ଷା ପାଇଁ ଆହ୍ବାନ।