03-Dec-2024

ତୁରେକେଲା (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ରେ ଏବେ ଦାଦନ ଋତୁ ଚାଲିଥିବା ବେଳେ ଦାଦନ ଶ୍ରମିକ ବାହାର ରାଜ୍ୟକୁ ଜୋର ସୋର ରେ ଚାଲାଣ ହେଉଛି।ଶତ ପ୍ରତିଶତ ସର୍ଦ୍ଦାର ଲାଇସେନ୍ସ ମୋଭ ମେଣ୍ଟ ଅର୍ଡର କରି ଦାଦନ ଶ୍ରମିକ ଚାଲାଣ କରୁଥିବା ବେଳେ ଅଧିକାଂଶ ଦଲାଲ୍ ବେଆଇନ ଦାଦନ ଶ୍ରମିକ ଚାଲାଣ କରୁଛନ୍ତି। ଦାଦନ ଶ୍ରମିକ ଚାଲାଣ କରିବା ପୂର୍ବରୁ ନିଜ ନିଜ ଅଞ୍ଚଳର ପୋଲିସ ଅଧିକାରୀ ଓ କର୍ମଚାରୀଙ୍କୁ ସାକ୍ଷାତ କରୁଛନ୍ତି। ଯେଉଁ ମାନେ ସାକ୍ଷାତ କରୁନାହାନ୍ତି ସେମାନେ ପୋଲିସ ଦ୍ୱାରା ଧରାପଡୁଛନ୍ତି ବୋଲି ଜନସାଧାରଣରେ ଚର୍ଚ୍ଚା ହେଉଛି ।ସୂଚନା ଅନୁସାରେ ତା.୨/୧୨/୨୪ ଦିନ ବଲାଙ୍ଗିର ଜିଲ୍ଲା ତୁରେକେଲା ଥାନା କୁଶପାଲି ଗାଁ ର ସର୍ଦ୍ଦାର ଦୟାସାଗର ମେହେର ପିତା.ଟିକେଚନ ମେହେର ଓ ସର୍ଦ୍ଦାର ଟିକେଚନ ମାଝୀ କୁଶପାଲି ଗାଁ ର ୧୦ ଜଣକୁ ବାହାର ରାଜ୍ୟ କୁ ବେଆଇନ ଭାବେ ଚାଲାଣ କରୁଥିବା ବେଳେ ତୁରେକେଲା ଥାନା ଖର୍ଲି ଗାଁ ଠାରେ ତୁରେକେଲା ପୋଲିସ ହାବୁଡ଼ରେ ପଡ଼ିଥିଲେ । ତନ୍ମଧ୍ୟରୁ ୩ ଜଣ ପୁରୁଷ,୨ ଜଣ ମହିଳା ଓ ୫ ଜଣ ଶିଶୁ ଶ୍ରମିକ ଥିବା ଜଣାପଡ଼ିଛି। ଉକ୍ତ ଦୁଇ ଜଣ ସର୍ଦ୍ଦାର ଙ୍କ ନାଁ ରେ ତୁରେକେଲା ଥାନା କେଶ୍ ନମ୍ବର ୩୭୪ ତା.୨/୧୨/୨୪ ୟୁ ଏସ ୩୧୮(୨)/୧୪୩/୧୪୬/୩(୫) ବି ଏନ୍ ଏସ ଆର୍ ଡବ୍ଳୁ ଧାରା ୨୫ ମାମଲା ରୁଜୁ କରି କୋର୍ଟ ଚାଲାଣ କରାଯାଇଥିବା ଥାନାଧିକାରୀ ରମାକାନ୍ତ ସାହୁ ସୂଚନା ଦେଇଛନ୍ତି।
ଆଜି ପୁଣି ଥରେ ରମାକାନ୍ତ ସାହୁ ଦାଦନ ଶ୍ରମିକ ଉଦ୍ଧାର କରି ଚର୍ଚ୍ଚାରେ ରହିଛନ୍ତି। ସୂଚନା ଅନୁସାରେ ବଲାଙ୍ଗିର ଜିଲ୍ଲା କଣ୍ଟାବାଞ୍ଜି ଥାନା ଦୁଶାମୁଣ୍ଡା ଗାଁ ର ସର୍ଦ୍ଦାର ଭରତ କେତକୀ (୨୬) ନୂଆପଡ଼ା ଜିଲ୍ଲାର ୧୨ ଜଣ ଦାଦନ ଶ୍ରମିକ ଙ୍କୁ ବେଆଇନ ଭାବେ ଚାଲାଣ କରୁଥିବା ବେଳେ କୁଇବାହାଲ ଠାରେ ଧରାପଡ଼ିଛନ୍ତି। ଦାଦନ ଶ୍ରମିକ ମଧ୍ୟରେ ୫ ଜଣ ପୁରୁଷ,୪ ଜଣ ମହିଳା ୩ ଟି ଶିଶୁ ଥିବା ବେଳେ ସେମାନେ ନୂଆପଡ଼ା ଜିଲ୍ଲା କୋମନା ଥାନା ସିଲେଟପାନୀ,ପଲସିପାନୀ, ଜଗନ୍ନାଥପାଲି ର ବୋଲି ଜଣାପଡିଛି। ସର୍ଦ୍ଦାର ନାଁ ରେ ତୁରେକେଲା ଥାନା କେଶ୍ ନମ୍ବର ୩୭୫ ତା.୦୩.୧୨.୨୪ ୟୁ ଏସ ୩୧୮(୨)/୧୪୩/୧୪୬ ବି ଏନ୍ ଏସ ମାମଲା ରୁଜୁ କରି କୋର୍ଟ ଚାଲାଣ କରାଯାଇଥିବା ଥାନାଧିକାରୀ ରମାକାନ୍ତ ସାହୁ ସୂଚନା ଦେଇଛନ୍ତି। ବର୍ତ୍ତମାନ ବଲାଙ୍ଗିର ଜିଲ୍ଲାରେ ୧୧ ଥର ଦାଦନ ଶ୍ରମିକ ଉଦ୍ଧାର କରି ପ୍ରଥମ ସ୍ଥାନ ଅଧିକାର କରିଛନ୍ତି ତୁରେକେଲା ଥାନା ଅଧିକାରୀ ରମାକାନ୍ତ ସାହୁ। ତାଙ୍କ ଭଳି ସମସ୍ତେ ବେଆଇନ ଦାଦନ ଚାଲାଣ ଉପରେ ରୋକ୍ ଲଗାନ୍ତୁ ବୋଲି ଜନସାଧାରଣରେ ମତ ପ୍ରକାଶ ପାଉଛି।