03-Dec-2024

ବୈଦ୍ୟନାଥ ପୁର ଥାନା ଅର୍ନ୍ତଗତ ଲାଞିପଲୀ ଯାତ୍ରା ପଡିଆ ତୋଟା ସାହିର କାନ୍ତି ବେହେରା ନାମ୍ନୀ ଜଣେ ବୃଦ୍ଧା ନିଜ ଘରେ ରହୁଥିବା ବେଳେ ଦୁଇ ବିବାହିତା ଝିଅ ସସ୍ମିତା ଦେବୀ ଓ ବସ୍ମୀତା ଦେବୀ ନାତି ସମୀର ବେହେରା ସହ ଆସି ଉକ୍ତ ଘରେ ରହିବା ସହ ବୃଦ୍ଧା ମାଁ ଙ୍କୁ ଶାରୀରିକ ଓ ମାନସିକ ନିର୍ଯାତନା ଦେଉଥିଲେ। ପରିସ୍ଥିତି ଅସମ୍ଭାଳ ହେତୁ ମାଁ କାନ୍ତି ବେହେରା ଆମ୍ବପୁଆ ନିକଟରେ ଏକ ଭଡ଼ା ଘରକୁ ଯାଇ ରହୁଥିଲେ। ମାର୍ଗଶୀର ମାସ ଗୁରୁବାର ପୁଜା ପାଇଁ ବୃଦ୍ଧା ଜଣଙ୍କ ନିଜ ଘରକୁ ଆସିଥିବା ବେଳେ ଦୁଇ ବିବାହିତା ଝିଅ ଓ ନାତି ମିଶି ବୃଦ୍ଧା ମାଁ ଙ୍କୁ ଗାଳିଗୁଲଜ କରିଥିଲେ ଓ ଏକ ଲୁହା ଛଡରେ ଆକ୍ରମଣ କରିଥିଲେ। ମାଁ ଙ୍କର ଏହି ଅବସ୍ଥା ଦେଖି ପୁଅ ଅମିତ୍ ଆସି ପ୍ରତିରୋଧ କରିବାରୁ ସମସ୍ତେ ମିଶି ଅମିତ୍ ର ସ୍କୁଟି ଗାଡ଼ି ଭାଙ୍ଗି ଅମିତ୍ କୁ ମଧ୍ୟ ଆକ୍ରମଣ କରିଥିଲେ।ଯାହା ଫଳରେ ବୃଦ୍ଧା ମାଁ ଗୁରୁତର ଆହତ ହୋଇ ଡାକ୍ତରଖାନାରେ ଚିକିତ୍ସିତ ହୋଇ ଆସି ଥାନା ରେ ଅଭିଯୋଗ କରିଥିଲେ। ଅଭିଯୋଗ ଗ୍ରହଣ କରି ପୋଲିସ ଅନୁସନ୍ଧାନ କରି ଅଭିଯୁକ୍ତ ତିନି ଜଣକୁ ଗିରଫ କରି କୋର୍ଟ ଚାଲାଣ କରିଛନ୍ତି।

(କୈଳାଶ ଚନ୍ଦ୍ର ଚୌଧୁରୀଙ୍କ ରିପୋର୍ଟ)