03-Dec-2024

ତୁରେକେଲା (କୈଳାସ ସଗ୍ରିଆ): ବଲାଙ୍ଗିର ଜିଲ୍ଲା ତୁରେକେଲା ବ୍ଲକ ଅନ୍ତର୍ଗତ କୁଲିଆଦର ଗାଁ ସରକାରୀ ପ୍ରାଥମିକ ବିଦ୍ୟାଳୟ ଓ ତୁରେକେଲା ବ୍ଲକ ଅନ୍ତର୍ଗତ ମହଖଣ୍ଡ ଗ୍ରାମପଞ୍ଚାୟତ ଅନ୍ତର୍ଗତ ନାନ୍ଦୁଲ ଗାଁ ର କରୁଣ କାହାଣୀ। ଓଡ଼ିଶା ସରକାର ଛାତ୍ରଛାତ୍ରୀ ମାନଙ୍କର ଶିକ୍ଷା ପାଇଁ  ବିଭିନ୍ନ ଯୋଜନାର ସୁବିଧା କରିଥିବା ବେଳେ ପଛୁଆ ଅଂଚଳ ଜାତି ବିଶେଷ ତଥା ହରିଜନ ସମ୍ପ୍ରଦାୟର ଓ ଆଦିବାସୀ ସମ୍ପ୍ରଦାୟର ବ୍ୟକ୍ତିବିଶେଷ ଗୁଡ଼ିକ ରେ ଥିବା ସ୍କୁଲ ଗୁଡିକର କୋଠା ଉନ୍ନତିମୂଳକ କାର୍ଯ୍ୟ କରୁଛନ୍ତି ହେଲେ କେତେ ଗୁଡିଏ ସ୍କୁଲ ଉନ୍ନୟନ କାର୍ଯ୍ୟରୁ ବାଦ

ପଡୁଥିବା ଦେଖିବାକୁ ମିଳୁଛି ।ଯଦ୍ ଦ୍ବାରା ସ୍ଥାନୀୟ ଛାତ୍ରଛାତ୍ରୀ ମାନେ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି। ସୁଚନା ଅନୁଯାୟୀ ବଲାଙ୍ଗୀର ଜିଲ୍ଲା ତୁରେକେଲା ବ୍ଳକ ଅନ୍ତର୍ଗତ   କୁଲିଆଦର ଗାଁ  ସରକାରୀ ପ୍ରାଥମିକ ବିଦ୍ୟାଳୟ ୧୯୬୦ ମସିହାରେ ସ୍ଥାପିତ ହେଇଥିବା ଜଣାଯାଏ।ବର୍ତମାନ କୁଲିଆଦର ସରକାରୀ ପ୍ରାଥମିକ ବିଦ୍ୟାଳୟର କୋଠା ଗୁଡ଼ିକ ସମ୍ପୂର୍ଣ୍ଣ ଭାବେ ବିପଦପୂର୍ଣ୍ଣ ଅବସ୍ଥାରେ ରହିଛି।ଯଦଦ୍ଵାରା   
ଏହି ସରକାରୀ ପ୍ରଥମିକ ସ୍କୁଲରେ ପ୍ରାୟ ୬୦ରୁ ୭୦ ଛାତ୍ର ମାନେ ପାଠ ପଢିଵା ପାଇଁ ଆସୁଛନ୍ତି । ଛାତ୍ରଛାତ୍ରୀ ମାନେ ଅଭିଯୋଗ କରୁଛନ୍ତି ଯେ ସ୍କୁଲର ଛାତ ଉପରୁ ପାଣି ଝରଝର ହୋଇ ଗଲୁଛି ଏଵଂ ତାଙ୍କର ବହିପତ୍ର ଗୁଡ଼ିକ ଛାତରୁ ପାଣି ପଡି ତଥା ପାଣି ଝରୁଥିବା ରୁ ବହିପତ୍ର ଭିଜି ଯାଉଛି।ଆରପଟେ କୁଲିଆଦର ସରକାରୀ ପ୍ରାଥମିକ ବିଦ୍ୟାଳୟ ବିଦ୍ୟାଳୟ ସମ୍ପୂର୍ଣ୍ଣ ଭାବେ କେତେବେଳେ ମଧ୍ୟ ପଡ଼ିଯିବା ସମ୍ଭବନା ରହିଥିବା ଶିକ୍ଷକ ମାନେ ଅଭିଯୋଗ କରିଛନ୍ତି।ଏପଟେ ମହଖଣ୍ଡ ଗ୍ରାମପଞ୍ଚାୟତ ଅନ୍ତର୍ଗତ ନାନ୍ଦୁଲ ସରକାରୀ ପ୍ରାଥମିକ ବିଦ୍ୟାଳୟର ଅବସ୍ଥା କହିଲେ ନ ସରେ ବର୍ଷା ସମୟରେ ସ୍କୂଲ ଛାତରୁ ପାଣି ପଡି ସ୍କୁଲର କାଗଜାତପତ୍ର ଓ ବହିପତ୍ର ସବୁ ଭିଜି ଯାଇଥିବା କାଗଜାତ ଓ ବହିପତ୍ର ସବୁ ଛାତ୍ରଛାତ୍ରୀ ମାନେ ବାହାରେ ସୁଖାଇଥାନ୍ତି।ଏନେଇ ପ୍ରଧାନ ଶିକ୍ଷକ ଅନେକ ଥର ବିଇଓ ଓ ବିଡ଼ିଓଙ୍କୁ ଜଣାଇଥିଲେ ସୁଦ୍ଧା କିଛି ଉତ୍ତର ମିଳି ନାହିଁ।  ତୁରେକେଲା ବ୍ଲକ ଅନ୍ତର୍ଗତ  ଅନେକ ସ୍କୁଲ ରେ ଯେଉଁ ପରିମାଣରେ ଶିକ୍ଷକ ମାନେ ରହିବା କଥା ତାହା ସରକାର ନିଯୁକ୍ତି ଦେଉ ନାହାନ୍ତି ବୋଲି ଜନସାଧାରଣ ଅଭିଯୋଗ ଜଣାଇଛନ୍ତି ଯଦ୍ ଦ୍ବାରା କି ଗୁଣାତ୍ମକ ଶିକ୍ଷା ରୁ ସ୍ଥାନୀୟ ଛାତ୍ର  ଛାତ୍ରୀ ମାନେ ବଞ୍ଚିତ ହେଉଛନ୍ତି। ଏଥିରୁ ଜଣାପଡ଼ୁଛି ଯେ ତୂରେକେଲା ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀ ତଥା ତୂରେକେଲା ବ୍ଳକ ଶିକ୍ଷା ଅଧିକାରୀ ତୁରେକେଲା ବ୍ଲକ ଅନ୍ତର୍ଗତ ବିଭିନ୍ନ ଗାଁ ଗୁଡ଼ିକରରେ ଥିବା ବିଦ୍ୟାଳୟ ଗୁଡ଼ିକକୁ ଶିକ୍ଷା ଅଧୀକାରୀ ବୁଲି ତଦାରଖ କରୁଛନ୍ତି କି ନାହିଁ କିମ୍ବା ବଲାଙ୍ଗୀର ଜିଲ୍ଲାପାଳ ଜନଶୁଣାଣି ବେଳେ ତୁରେକେଲା ବ୍ଲକ କୁ ଆସି ଜନସାଧାରଣଙ୍କ ସମ୍ମୁଖରେ କଥା କହି ଚାଲିଯାଉଥିବା ଓ ନିଜ ଦାୟିତ୍ୱ କାଗଜ କଲମରେ ସାରି ଦେଉଥିବା ଜନସାଧାରଣ ଦାବି କରିଛନ୍ତି।
 ହେଲେ ବର୍ତ୍ତମାନ ପ୍ରକୃତ ସମସ୍ୟାର ସମାଧାନ ହୋଇ ପାରୁ ନାହିଁ ଓ ଏଥି ପ୍ରତି ବ୍ଳକ୍ ପ୍ରଶାସନ ଏହାର ତୁରନ୍ତ ପଦକ୍ଷେପ ନେବାକୁ ଦାବି ହେଉଛି l