22-Nov-2024

ତରଭା(କପିଳାସ ସେଠ): ସୋନପୁର ଜିଲ୍ଲା ତରଭା ସହରରେ ଗତ ୧୮ ତାରିଖ ରବିବାର ରାତିରେ ତରଭାରେ ଘଟିଥିବା ସିରିଜ ଚୋରି ଘଟଣାର ପର୍ଦ୍ଦାଫାସ କରିଛି ତରଭା ପୋଲିସ ।ସୂଚନାଯୋଗ୍ୟ ଯେ, ତରଭା ନୁଆଁପଡା ଶନି ମନ୍ଦିର , ବଡବନ୍ଧ ମହାଦେବ ମନ୍ଦିରର ଦାନବାକ୍ସ ଓ ବ୍ଲକଛକର ଜଣେ ଭିନ୍ନକ୍ଷମଙ୍କ ଦୋକାନର ତାଲା ଫାଡ଼ି ଚୋରି ହୋଇଥିଲା।ଅଭିଯୁକ୍ତଙ୍କୁ ଧରିବା ପାଇଁ ତରଭା ସହର ବିଭିନ୍ନ ଅନୁଷ୍ଠାନ, ପକ୍ଷରୁ ଶୋଭାଯାତ୍ରା, ଦାବୀପତ୍ର, ଆନ୍ଦୋଳନ ପାଇଁ ସଜବାଜ, ଓ ବୈଠକ ହୋଇଥିଲା I କିନ୍ତୁ ବୁଧବାର ଉକ୍ତ ଘଟଣାର ପର୍ଦ୍ଦାଫାସ କରି ତରଭା ପୋଲିସ ଚୋରି ଘଟଣାରେ ସମ୍ପୃକ୍ତ ଥିବା ୩ ଜଣଙ୍କୁ ଅଭିଯୁକ୍ତଙ୍କୁ ଗିରଫ କରି କୋର୍ଟଚାଲାଣ କରିଥିବା ସୂଚନାଦେଇଛି ପୋଲିସ । ପୋଲିସ ସୂତ୍ରରୁ ପ୍ରକାଶ ସଂପୃକ୍ତ ଅଭିଯୁକ୍ତ ହେଲେ ତରଭା ତଅଁଳାପଡା  ର ଶନି ଚରଣ ନାଏକ (  ୨୪) ଅନ୍ତର୍ଡା ଗ୍ରାମର କାହ୍ନା ତାଣ୍ଡି ( ୨୨) ଓ ସରଗଜ ଗ୍ରାମପଞ୍ଚାୟତ ର   ବେଳ ମୁଣ୍ଡା ଗ୍ରାମର ପ୍ରଶନ୍ନ ବିଭାର ( ୨୪) ଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି । ଅଭିଯୁକ୍ତ ଶନି ଚରଣ ନାଏକ ଠାରୁ ଦୁଇ ହଜାର କୋଡ଼ିଏ ଟଙ୍କା, ଛଅ ଶ ହ କଏନ୍ ମୁଦ୍ରା ଓ ଦୁଇଟି ଲୁହା ଛଡଜବତ କରିଥିବାବେଳେ ପ୍ରସନ୍ନ ଠାରୁ ତିନି ଶହ କୋଡ଼ିଏ ଟଙ୍କା ସହ ପାନୀୟ ଟାଟା ଗ୍ଲୁକୋଜ ବାଇଶଟି , ଶୁଷ୍କ ଖାଦ୍ୟ ଶତାବନ ପକେଟ ଜବତ ହୋଇଥିବା ଜଣାପଡିଛି। ଏହି ଚୋରି ଘଟଣାରେ ସମ୍ପୃକ୍ତ ଥିବା ଆଉ କିଛି ଜଣ ଖୁବ ଶୀଘ୍ର ଧରା ପଡିବେ ବୋଲି ତରଭା ଥାନା ଅଧିକାରୀ ଅନିତା କିଡୋ ପ୍ରକାଶ କରିଛନ୍ତି ।