21-Nov-2024

ଲୋଇସିଂହା, (ପ୍ରେରଣା ଖବର) ବି.ବି.ସି.ସି ତରଫରୁ ଗତ ପାଞ୍ଚ ଦିନ ଧରି ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ଅନ୍ତର୍ଗତ ବୁରୋମୁଣ୍ଡା ଠାରେ ଚାଲିଥିବା ଦ୍ଵିତୀୟ ରାଜ୍ୟସ୍ତରୀୟ ବୁରୋମୁଣ୍ଡା କ୍ରିକେଟ କପ ଉଦଯାପିତ ହୋଇଯାଇଛି l ଉଦଯାପନୀ ଦିବସ ର ଫାଇନାଲ ଖେଳ ଭୁବନେଶ୍ୱର ର ରୋୟାଲ ଆଇ. ଆର. ସି ଦଳ ଏବଂ ଭଦ୍ରକ ଏସ. ଜି ଇଲେଭେନ ମଧ୍ୟରେ ଅନୁଷ୍ଠିତ ହୋଇଥିଲା l ଉକ୍ତ ଫାଇନାଲ ମ୍ୟାଚ ରେ ଭୁବନେଶ୍ୱର ରୋୟାଲ ଆଇ. ଆର. ସି ଦଳ ଟସ ଜିଣି ପ୍ରଥମେ ବେଟିଂ କରିବାର ନିଷ୍ପତ୍ତି ନେଇଥିଲା ଏବଂ ନିର୍ଦ୍ଧାରିତ ୮ ଓଭର ରେ ୮ ଉଇକେଟ ହରାଇ ୧୧୦ ରନ ସଂଗ୍ରହ କରିବା ସହ ଭଦ୍ରକ ସମ୍ମୁଖରେ ୧୧୧ ରନ ର ଟାର୍ଗେଟ ଦେଇଥିଲା l ୧୧୧ ରନ ର ଟାର୍ଗେଟ କୁ ପିଛା କରି ଭଦ୍ରକ ଦଳ ୮ ଉଇକେଟ ହରାଇ ୫୮ ରନ ସଂଗ୍ରହ କରି ୫୩ ରନ ରେ ପରାଜିତ ହୋଇଥିଲା l ପରେ ବିବିସିସି ର ସଭାପତି ମଣ୍ଟୁ ସାହୁ ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ପୁରସ୍କାର ବିତରଣ ଉତ୍ସବରେ  ସ୍ୱାସ୍ଥ୍ୟମନ୍ତ୍ରୀ ଡକ୍ଟର ମୁକେଶ ମହାଲିଙ୍ଗ ମୁଖ୍ୟଅତିଥି ରୂପେ ଯୋଗଦେଇ ଚମ୍ପିୟନ ଭୁବନେଶ୍ୱର ର ରୋୟାଲ ଆଇ ଆର ସି ଦଳ କୁ ନଗଦ ୧ ଲକ୍ଷ ଟଙ୍କା ର ପୁରସ୍କାର ରାଶି ସହ ଚମ୍ପିୟାନ ଟ୍ରଫି ପ୍ରଦାନ କରିଥିଲେ l ସମ୍ମାନୀୟ ଅତିଥି ଭାବେ କଣ୍ଟାବାଞ୍ଜି ବିଧାୟକ ଶ୍ରୀଯୁକ୍ତ ଲକ୍ଷ୍ମଣ ବାଗ ଏବଂ ଟିଟିଲାଗଡ଼ ବିଧାୟକ ଶ୍ରୀଯୁକ୍ତ ନବୀନ ଜୈନ ଯୋଗଦେଇ ଭଦ୍ରକ ର ଏସ. ଜି ଇଲେଭେନ ଦଳ କୁ ନଗଦ ଷାଠିଏ ହଜାର ଟଙ୍କା ର ପୁରସ୍କାର ରାଶି ସହ ଉପବିଜେତା ଟ୍ରଫି ପ୍ରଦାନ କରିଥିଲେ l ଟୁର୍ନାମେଣ୍ଟ ରେ ବ୍ୟକ୍ତିଗତ ଶ୍ରେଷ୍ଠ ଖେଳ ପ୍ରଦର୍ଶନ ପାଇଁ ଭଦ୍ରକ ର ହୀରାଲାଲ ମେଣ୍ଡିସ ଙ୍କୁ ମ୍ୟାନ ଅଫ ଦି ସିରିଜ ଟ୍ରଫି ପ୍ରଦାନ କରାଯାଇଥିବା ବେଳେ ଫାଇନାଲ ଖେଳ ଶ୍ରେଷ୍ଠ ଖେଳ ପ୍ରଦର୍ଶନ ପାଇଁ ଭୁବନେଶ୍ୱର ର ଛୋଟୁ ଆକାଶ ଙ୍କୁ ମ୍ୟାନ ଅଫ ଦି ମ୍ୟାଚ ଟ୍ରଫି ପ୍ରଦାନ କରାଯାଇଥିଲା। ସମସ୍ତ ମ୍ୟାଚ କୁ ଓସିଏ ମାନ୍ୟତା ପ୍ରାପ୍ତ ଅମ୍ପିୟାର ଜ୍ଞାନରଞ୍ଜନ ସ୍ୱାଇଁ,ସରୋଜ ଦାସ ଓ ଡ୍ୟାନସିଙ୍ଗ ଅମ୍ପିୟାର ବବଲୁ ସାହୁ ପରିଚାଳନା କରିଥିଲେ l ବୁଦ୍ଧଦେବ ମହାରଣା ଓ ପିଙ୍କୁ ଦାସ ଧାରା ବିବରଣୀ ପ୍ରଦାନ କରିଥିଲେ। ଏହି ଅବସରରେ ମୁଖ୍ୟଅତିଥି ଡ଼. ମୁକେଶ ମହାଲିଙ୍ଗ ତାଙ୍କ ବକ୍ତବ୍ୟ ରେ ବୁରୋମୁଣ୍ଡା ରେ ଯଥାଶୀଘ୍ର ଏକ ମିନି ଷ୍ଟାଡିଅମ ତିଆରି କରାଯିବ ବୋଲି କହିଥିଲେ l