19-Nov-2024

ତରଭା(କପିଳାସ ସେଠ): ତରଭା ଥାନା ଅଞ୍ଚଳରେ ପୋଲିସ ର ନିଷ୍କ୍ରିୟତାର ସୁଯୋଗ ନେଇ ଦିନକୁ ଦିନ ଅସାମାଜିକ କାର୍ଯ୍ୟ କଳାପ ବୃଦ୍ଧି ପାଇବାସହ ଅଞ୍ଚଳରେ ଦିନକୁ ଦିନକୁ ଦିନ ଚୋରି, ଡକାୟତ, ଛିନତାଇ ବୃଦ୍ଧି ପାଇବାରେ ଲାଗିଛି I ହେଲେ ପୋଲିସ କାର୍ଯ୍ୟନୁଷ୍ଠାନ ଶୂନ ରହିଛି I ରବିବାର ରାତିରେ ତରଭା ସହରର ଦୁଇଟି ମନ୍ଦିରରୁ ଦାନବାକ୍ସ ଭାଙ୍ଗି ଲକ୍ଷାଧିକ ଟଙ୍କା ଦୃବୃର୍ତ୍ତ ମାନେ ଚୋରି କରି ନେଇଥିବା ସୋମବାର ସକାଳେ ତରଭା ଥାନାରେ ଲିଖିତ ଅଭିଯୋଗ ହୋଇଛି  l ଅଭିଯୋଗ ଅନୁଯାୟୀ  ତରଭା ବିଜ୍ଞାପିତ ଅଞ୍ଚଳ ପରିଷଦର ବଡ ବନ୍ଧରେ ଥିବା ବାବା ଧବଳେଶ୍ୱର ଶୈବ ପୀଠରୁ ଗ୍ରିଲ ରୁ ତାଲା ଭାଙ୍ଗି ସେଠାରେ ଥିବା ଦାନବକ୍ସ ର ତାଲା ଭାଙ୍ଗି ସେଠାରେ ଟଙ୍କା, ଦାନସାମଗ୍ରୀ ଚୋରି ହୋଇ ଥିବା ନେଇ ମନ୍ଦିର ପରିଚାଳନା କମିଟି ଓ ମନ୍ଦିର ପୂଜକ ମୃତ୍ୟୁଞ୍ଜୟ ଥାନାପତି ଲିଖିତ ଅଭିଯୋଗ କରିଛନ୍ତି I ଏହି ଦାନବାକ୍ସ ଗତ ୨୦୧୦ ମସିହାରୁ ଖୋଲା ଯାଇ ନ ଥିଲା ବୋଲି କମିଟି ପକ୍ଷରୁ ସୂଚନା ଦିଆଯାଇଛି I ସେହିପରି ତରଭା ନୂଆପଡାଠାରେ ଥିବା  ଶନି ମନ୍ଦିର ରୁମଧ୍ୟ୍ୟ ଚୋର ମାନେ  ଦାନବାକ୍ସ ଭାଙ୍ଗି ଦାନ ଟଙ୍କା ଓ ଦାନ ସାମଗ୍ରୀ ଲୁଟି ନେଇ ଥିବାର ମନ୍ଦିର ପୂଜକ ସୁରେନ୍ଦ୍ର ବେଜ ଅଭିଯୋଗ କରିଛନ୍ତି I  ଏହି ମନ୍ଦିର ର ମଧ୍ୟ୍ୟ ଦାନବାକ୍ସ ଗତ ଚାରି ବର୍ଷ ହେଲା ଖୋଲା ଯାଇ ନଥିଲା ବୋଲି ସୂଚନା ରହିଛି I   ଉଭୟ ମନ୍ଦିରର ଦାନ ବକ୍ସ ଫାଡି ଲକ୍ଷାଧିକ ଟଙ୍କା ଚୋରି ହୋଇଥିବା ଅଭିଯୋଗ ହୋଇଛି l କେବଳ ଏହି ମନ୍ଦିର ନୁହେଁ ତରଭା ବ୍ଲକ ସାମ୍ନାରେ ଥିବା ଜଣେ ଦିବ୍ୟାଙ୍ଗ ବ୍ୟକ୍ତିଙ୍କ ଦୋକାନରୁ ମଧ୍ୟ ଚୋରି ହୋଇଥିବା ଅଭିଯୋଗ ହୋଇଛି l ଦୋକାନରୁ ଖାଇବା ସାମଗ୍ରୀ ସହିତ୫ ହଜାରରୁ ଅଧିକ  ନଗଦ ଟଙ୍କା ଚୋରି ହୋଇ ଥିବା ଅଭିଯୋଗ ହୋଇ ଥିବାର ଅଭିଯୋଗ ରହିଛି I ତରଭା ପୋଲିସ ସମସ୍ତଙ୍କ ଅଭିଯୋଗକୁ ନେଇ ସୋନପୁରରୁ ସନ୍ଧନୀ କୁକୁର ଓ ବଲାଙ୍ଗୀରରୁ ସାଇଣ୍ଟିଫିକ ଦଳ ଆସି ତଦନ୍ତ ଜାରି ରଖିଛନ୍ତି  I  ଏ ସମ୍ପର୍କରେ ତରଭା ଥାନାରେ ପୃଥକ ପୃଥକ ଭାବରେ ମାମଲା ରୁଜୁ କରି ତଦନ୍ତ ଚାଲୁ ରହିଛି  I ସୁରାକ ମିଳିଛି ଅତିଶୀଘ୍ର ଚୋର ଧାରା ପଡିବେ ବୋଲି ଆଇଆଇସି ଅନିତା କିଡୋ ପ୍ରକାଶ କରିଛନ୍ତି I ଗତ ୫ ଦିନତଳେ ରୁଗୁଡ଼ିପାଲି-ମାରାଡୁଗୋଚ୍ଛା ରାସ୍ତାରେ ତରଭା ଗଡ଼ଭିତରର ବ୍ୟବସାୟୀ ରଞ୍ଜନ ଦଳବେହେରାଙ୍କୁ ବନ୍ଧୁକ ଦେଖାଇ ନଗଦ ଟଙ୍କା ଓ ତାଙ୍କ ବ୍ୟବସାୟୀ କରୁଥିବା ସାମଗ୍ରୀ ଲୁଟି ନେଇଥିବାର ଥାନାରେ ଲିଖିତ ଅଭିଯୋଗ ରହିଛି I  ତାହାର ମଧ୍ୟ୍ୟ ଆଜି  ପର୍ଯ୍ୟନ୍ତ ପୋଲିସ କୌଣସି ସୁରାକ ପାଇ ପାରିନାହିଁ I  ଅନ୍ୟ ପକ୍ଷରେ ତରଭା ସହର ଓ ବ୍ଲକ ର ବିଭିନ୍ନ ଗ୍ରାମ ମାନଙ୍କରେ ହେଉଥିବା ଯାନୀଯାତ୍ରା ସମୟରେ ବାଇକ, ମୋବାଇଲ ଚୋରି ହେଉଥିଲ ମଧ୍ୟ୍ୟ ଚୋର ଧରିବା ନେଇ ପୋଲିସ ଠୋସ ପଦକ୍ଷେପ ନେଉ ନଥିବା ରୁ ସାଧାରଣ ଜନତାଙ୍କ ମନରେ ଅସନ୍ତୋଷ ରହିଛି  I ଏହି ଘଟଣା ହେବା ପରେ ତରଭା ରେ ଆଇନ ଶୃଙ୍ଖଲା ବିପର୍ଯୟସ୍ତହୋଉ ପଡିଛି ବୋଲି ସାଧାରଣ ରେ ଆଲୋଚନା ହେଉଛି I  ବର୍ତ୍ତମାନ ଚୋରି ହୋଇ ଥିବା ଦୁଇ ମନ୍ଦିର ରୁ ଦାନବାକ୍ସ, ଦିବ୍ୟଙ୍ଗ ଙ୍କ ଦୋକାନରୁ ଚୋରି ସାମଗ୍ରୀ ଉଦ୍ଧାର କରି ତରଭା ପୋଲିସ ସାଧାରଣ ଜନତାଙ୍କ ଅସ୍ଥା ଭାଜନ ହେବାର ଆବଶ୍ୟକତା ରହିଛି  I ଏହି ଘଟଣା ସମୂହ ନେଇ ଜିଲ୍ଲା ପୋଲିସ ପ୍ରଶାସନ ଗୁରୁତ୍ୱ ଦେଇ କାର୍ଯ୍ୟନୁଷ୍ଠାନ କରିବା ପାଇଁ ବିଭିନ୍ନ ମହଳରେ ଦାବୀ ହେଉଛି  I