19-Nov-2024

ବରପାଲି(ସୁଦାମଦୀପ)॥ ବରପାଲି ବ୍ଲକ ଅନ୍ତର୍ଗତ ଲୋକକଳା ଗାଁ କୁମ୍ଭାରୀ ବାଗପଡା ଠାରେ ତିନିଦିନ ଧରି ଅନୁଷ୍ଠିତ ହେବାକୁ ଯାଉଥିବା ଭାଗବତ ମନ୍ଦିର ପ୍ରତିଷ୍ଠା ମହୋତ୍ସବ ଆଜିଠୁ ଆରମ୍ଭ l ପୂଜାମଣ୍ଡପରୁ ଏକ ବିରାଟ କଳସ ଶୋଭାଯାତ୍ରାରେ ବାହାରି କଲେଶ୍ୱର ମନ୍ଦିର ସମ୍ମୁଖ ଦେଇ ଲକ୍ଷ୍ମୀ ନଗରକୁ ପହଂଚି ଜାମପଡା ଦେଇ କୃଷ୍ଣଗୁରୁ ପଡାକୁ ଆସିଥିଲେ l ସେଠାରୁ ଜଗନାଥ ମନ୍ଦିର ପ୍ରାଙ୍ଗଣରୁ ବନ୍ଧପଡା ଦେଇ ବଡବନ୍ଧରୁ ପାଣିଆଣି ପୂଜାମଣ୍ଡପରେ ଉପବେଶନ କରିଥିଲେ l କର୍ତ୍ତା ଦାଇତ୍ୱ ବହନ କରୁଥିବା ଟିକୁନ ବେହେରା ଓ ଧର୍ମପତ୍ନୀ ମୌସୁମୀ ବେହେରା ନେତୃତ୍ୱରେ ଶହ ଶହ ମହିଳା ଓ ପୁରୁଷ ଯୋଗଦେଇଥିଲେ l ସେମାନେ ହେଲେ ଜୟପ୍ରକାଶ ବେହେରା,ନିକୁ ବାଗ,ସଚିନ ବେହେରା,କୃଷ୍ଣ ଚନ୍ଦ୍ର

ସାହୁ,ବାଳମୁକୁନ୍ଦ ସେଠ, ଆକାଶ ଭୋଇ,ବିମଳ ସାହୁ,ଅଜିତ ଦୁଆରୀ,ପପୁନ ବେହେରା,ଜିତୁ ସାହୁ ଆଦି ପଡ଼ାବାସୀ l ପ୍ରଥମ ଦିନର ସନ୍ଧ୍ୟାରେ ବାଘହାଣ୍ଡିର ଶ୍ରୀୟା ଭୋଇଙ୍କ ପାରାୟଣ, ଦ୍ବିତୀୟ ଦିନର ସନ୍ଧ୍ୟାରେ ଲେବିଡିର ଚଟଣି ମାଷ୍ଟରର ଡେନ୍ସ ଡେନ୍ସ ଓ ତୃତୀୟ ବା ଶେଷ ଦିନର ସକାଳ ୧୧ଟା ସମୟରେ ବହୁପରିଚିତ ସୁରଜ ଦେବତାଙ୍କ ପାରାୟଣ ସହ ରାତ୍ର ୧୧ଟା ରେ ବିଶ୍ୱ ଭାରତୀ ଅପେରା ବାଞ୍ଝିପାଳିର ନାଟକ ପରିବେଷଣ ହେବ ବୋଲି କମିଟି ପକ୍ଷରୁ ସୂଚନା ଦିଆଯାଇଛି l