17-Nov-2024

ଆଗଲପୁର, (ବିନୋଦ ଦୀପ) ଦୀର୍ଘ ସାତ ଦିନ ଧରି ଆଗଲପୁର ଠାରେ ଶ୍ରୀମଦ୍ ଭାଗବତ କଥାର ଭବ୍ୟ ଆୟୋଜନ କାର୍ଯକ୍ରମ ଅନୁଷ୍ଠିତ ହୋଇଥିଲା l ପ୍ରଥମ ଦିନ ନିକଟସ୍ଥ କଳସ ଶୋଭାଯାତ୍ରା ବାହାରି ନିକଟସ୍ଥ ଅଙ୍ଗ ନଦୀ ରୁ ଜଳ ଆଣି ପୂଜା ମଣ୍ଡପ ରେ ସ୍ଥାପନ କରିଥିଲେ।ବ୍ୟାସ ଭାବରେ ସୁଦୂର ଶ୍ରିଧାମ ବୃନ୍ଦାବନ ରୁ ଆଚାର୍ଯ୍ୟ ବାଳ ମୁକୁନ୍ଦ ଜୀ ମହାରାଜ ଆସି ଭାଗବତ କଥା ମୃତ ପ୍ରବଚନ ମାଧ୍ୟମରେ ଲୋକଙ୍କୁ ଅବଗତ କରିଥିଲେ। ପତ୍ୟେହ ଅପରାହ୍ନ ତିନି ଟା  ରୁ ଆରମ୍ଭ ହୋଇ ସନ୍ଧ୍ୟା ସାତ ଟା ପର୍ଯ୍ୟନ୍ତ ପ୍ରବଚନ ହେଉଥିଲା। ପୂଜକ ଭାବରେ ଶ୍ରୀଯୁକ୍ତ ରାଜୀବ ଲୋଚନ ପଣ୍ଡା ସମସ୍ତ ପ୍ରକାର ର ପୂଜାର୍ଚ୍ଚନା କାର୍ଯ ତୁଲାଇ ଥିଲେ। ଏହି ଭାଗବତ କଥା ମୃତ ରେ ସର୍ବ ମୋଟ ସତର ଗୋଟି ଯୋଡ଼ି ସ୍ବାମୀ ସ୍ତ୍ରୀ କର୍ତ୍ତା ଦାୟିତ୍ଵ ନିର୍ବାହ କରିଥିଲେ। ସମସ୍ତ ପ୍ରକାର କାର୍ଯକ୍ରମ କୁ ଶ୍ରୀ ଶ୍ରୀ ରାଧାରାଣୀ ମାତୃଶକ୍ତି ମଣ୍ଡଳୀ ର ସଭ୍ୟା ମାନେ ପୂର୍ଣ୍ଣ ସହଯୋଗ କରିଥିଲେ। ମାତୃ ମଣ୍ଡଳୀ ର ସଭାପତି ହେଲେ ଶ୍ରୀମତୀ ମଞ୍ଜୁଲତା ମେହେର ଓ ସଂପାଦକ ଶ୍ରୀମତୀ ସବିତା ମେହେର ଓ ସମସ୍ତ ସଭ୍ୟା ଉପସ୍ଥିତ ରହି ପୂର୍ଣ୍ଣ ସହଯୋଗ କରିଥିଲେ। ତା ସହିତ ଜଗନ୍ନାଥ ପରିବାର ର ସମସ୍ତ ସଭ୍ୟ, ମାହେଶ୍ୱରୀ ସଂଗଠନ ର ସମସ୍ତ ସଭ୍ୟ ଓ ବଜରଙ୍ଗ ଦଳର ସମସ୍ତ ସଭ୍ୟ ବୃନ୍ଦ ମଧ୍ୟ ସହଯୋଗ କରିଥିଲେ। ତା ସହିତ ଆଗଲପୁର ଗ୍ରାମର ସମସ୍ତ ଜ୍ଞାନୀ ମାନି ବୁଦ୍ଧିଜୀବୀ ମାନେ ମଧ୍ୟ ଉତ୍ସାହସ ର ସହିତ ଭାଗବତ କଥା ମୃତ ରେ ସାମିଲ ହୋଇ ପ୍ରଭୁଙ୍କ ଗୁଣ ଗାନ କରିଥିଲେ। ଶ୍ରୀ ଅଭୟ କୁମାର ହୋତା ଉକ୍ତ ଭାଗବତ କଥା ମୃତ କୁ ଆୟୋଜନ କରିଥିଲେ। ପ୍ରତ୍ୟେକ ଦିନ ଭଜନ କୀର୍ତ୍ତନ ଓ ପ୍ରବଚନ ଇତ୍ୟାଦି କାର୍ଯକ୍ରମ ହେଉଥିଲା। ଶହ ସଂଖ୍ୟାରେ ଭକ୍ତ ମାନେ ଯୋଗଦାନ କରି ଭାଗବତ କଥା ମୃତ ଶ୍ରାବଣ କରିବା ସହିତ ନିଜକୁ ଧନ୍ୟ ମନେ କରୁଥିଲେ l