17-Nov-2024

ବଲାଙ୍ଗୀର(ଦେବାଶିଷ ବହିଦାର): ବଲାଙ୍ଗିର କଦଳିମୁଣ୍ଡା ନର୍ସରୀ ସଂଜ୍ୟୋତ କଳାକେନ୍ଦ୍ର ୫ମ ବର୍ଷ ପ୍ରତିଷ୍ଠା ଦିବସ ଅନୁଷ୍ଠିତ ହୋଇଯାଇଛି । ଏହି ଅବସରରେ ବରିଷ୍ଠ କଳାକାର ବ୍ୟାସଦେବ ପୁରୋହିତଙ୍କୁ ସମ୍ବର୍ଦ୍ଧନା ଦିଆଯାଇଛି । ସଂଜ୍ୟୋତ କଳାକେନ୍ଦ୍ର ସଂପାଦିକା ସଂଗୀତା ଦାଶଙ୍କ ଆବାହକତ୍ୱରେ ଆୟୋଜିତ ସଭାକୁ ପରିଚାଳନା କରିଥିଲେ ବ୍ୟଙ୍ଗ କବି ରସରାଜ ଅଚ୍ୟୁତ ପୁରୋହିତ । ବରିଷ୍ଠ କଳାକାର ବ୍ୟାସଦେବ

ପୁରୋହିତ ଓଡିଶାର କଣ୍ଠଶିଳ୍ପୀ ବେଶ ଘରେ ଘରେ ପରିଚିତ ଗୀତ ଏକଡା ଏକଡା ରା, ହାତି ଝୁଲଇରେ, କାହିଁ ରାମ କାହିଁ ସୀତା ଏବଂ ଏକହଜାର ରୁ ଉର୍ଦ୍ଧ୍ୱ ଗୀତ ଗାଇ ବଲାଙ୍ଗିରରେ ବେଶ ଚର୍ଚ୍ଚିତ ଥିବା ବେଳେ ପଶ୍ଚିମ ଓଡିଶା ପ୍ରଡୁସର ଏସୋସିଏସନ ତରଫରୁ ଲାଇଫ୍ ଟାଇମ ଏୱାର୍ଡ ପ୍ରଦାନ କରାଯାଇଛି । ଏହି ଅବସରରେ ଦୀର୍ଘ ୨ବର୍ଷ ହେଲାଣି କଳା, ସଂସ୍କୃତି ଓ କଳାକାରର ମହାକୁମ୍ଭ ସଦୃଶ୍ୟ ବଲାଙ୍ଗିରର ଲୋକ ମହୋତ୍ସବ ବନ୍ଦ ହୋଇଯାଇଥିବାରୁ ବିଭିନ୍ନ କଳାକାର ଓ ବୁଦ୍ଧିଜିବି ଓ ରାଜନୀତି ଦଳ ଏ ଆଲୋଚନାରେ ଚର୍ଚ୍ଚା ହୋଇଥିଲା । ଆଗାମୀ ନଭେମ୍ବର ୧୯ ତାରିଖ ଦିନ ସନ୍ଧ୍ୟା ୪ଟା ସମୟରେ ଟାଉନ ବାଳିକା ଉଚ୍ଚବିଦ୍ୟାଳୟରେ

କଳାକାର ଓ ବୁଦ୍ଧିଜିବି ଏକଜୁଟ ହୋଇ ଲୋକ ମହୋତ୍ସବ ବିଷୟରେ ଆଲୋଚନା ହୋଇଥିଲା । ଏହି ଅବସରରେ ବଲାଙ୍ଗିର ବିଧାୟକ କଳିକେଶ ନାରାୟଣ ସିଂଦେଓ, ଅଜୟ ଦାସ, ଶାଶ୍ୱତ ତ୍ରିପାଠି, ମାନଭଞ୍ଜନ ମିଶ୍ର, ମଧୁସୁଦନ ନାୟକ, ମୁରଲି ପତି, ପ୍ରଭାକର ମିଶ୍ର, ଶରତ ମହାକୁର, ପୂର୍ଣ୍ଣଚନ୍ଦ୍ର ପଣ୍ଡା, ମଳୟ ତ୍ରିପାଠି, ରାମ ଦାସ, ଦିଗାମ୍ବର ନାଏକ,ରୋଜିସ୍ମିତା ହୋତା, ସୋମନାଥ ମିଶ୍ର, ଲଳିତ ପୁଝାରୀ, ନବଘନ ଦାଶ, ଦେବେନ୍ଦ୍ର ସାହୁ, ସୁରେନ୍ଦ୍ର ବାବୁ, ସୋମନାଥ ଯୋଷୀ, ମାଧବ ବାରିକ, ପ୍ରଶାନ୍ତ ମହାକୁର, ଅଧ୍ୟାପକ ସୁରେଶ ଷଡଙ୍ଗି ବ୍ୟାସଦେବ ପୁରୋହିତଙ୍କୁ ପଦ୍ମଶ୍ରୀ ପାଇଁ ଦାବୀ ଉପସ୍ଥାପନ କରିଥିଲେ ଓ ଶେଷରେ କଳା ସଂଗଠକ ଜୟକୃଷ୍ଣ ମିଶ୍ର ଧନ୍ୟବାଦ ଅର୍ପଣ କରିଥିଲେ ।