17-Nov-2024

ଅତାବିରା (ଆକାଶ ମିଶ୍ର): ବରଗଡ଼ ଜିଲ୍ଲା ଅତାବିରା ଏନ୍ ଏସି ସ୍ଥିତ ୫୩ନଂ ମୁଖ୍ୟ ଜାତୀୟ ରାଜପଥ ସମ୍ବଲପୁର ବରଗଡ଼ ୱେ ରେ ରହିଥିବା ଲାଦେର ପାଲି ରାମଚଣ୍ଡୀ କଲ୍ୟାଣ ମଣ୍ଡପ ପରିସରରେ ଆଜି ବ୍ଲକ ସ୍ତରୀୟ ଭୀମ ଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ଅନୁଷ୍ଠିତ ହୋଇ ଯାଇଛି।ଗୋଷ୍ଠୀ ଉନ୍ନୟନ ଅଧିକାରୀ ସୂର୍ଯ୍ୟ କୁମାର ନାୟକ ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ଏହି ଶିବିରରେ ବିଧାୟକ ନିହାର ମହାନନ୍ଦ ମୁଖ୍ୟ ଅତିଥି ଭାବେ ଯୋଗ ଦେଇ ଶୁଭ ଉଦ୍ଘାଟନ କରିଥିଲେ।ଶିବିରରେ ଗ୍ରାମ ପଞ୍ଚାୟତ ଉନ୍ନୟନ ଅଧିକାରୀ ମହମ୍ମଦ ଅକବର୍ ଙ୍କ ପରିଚାଳନା କ୍ରମେ ଅତାବିରା ଏନ୍ ଏସି ର ୧୨ଟି ୱାର୍ଡ ସହ ବ୍ଲକ ର ୨୪ଟି ପଞ୍ଚାୟତ ର କୋଣ ଅନୁକୋଣ ରୁ ଭିନ୍ନ କ୍ଷମ ଚିହ୍ନଟ ଓ ସେମାନଙ୍କ ବସ୍ ପାସ, ବିଭିନ୍ନ ଉପକରଣ ସାମଗ୍ରୀ,ସ୍ଵାସ୍ଥ୍ୟ ବ୍ୟବସ୍ଥା ଓ ଲୋନ ସମ୍ବନ୍ଧୀୟ ବ୍ୟତୀତ ସରକାର ଙ୍କ ଠାରୁ ରହିଥିବା ସୁବିଧା ସୁଯୋଗ ପ୍ରଦାନ କରି ଉତ୍ସାହିତ କରାଯାଇଥିଲା।ଏପରିକି ଏହି ଭିନ୍ନ କ୍ଷମ ମାନେ ଅନେକେ ସରକାରୀ ସୁବିଧାରୁ ବଂଚିତ ରହୁଥିବା ଶିବିରରେ ନଜିର ରହିଥିବା ବେଳେ ତାଙ୍କର ସବୁ କିଛି ସୁବିଧା ପ୍ରଦାନ କରାଯିବ ବୋଲି ଅଧିକାରୀ ମାନେ ମତ ପ୍ରକାଶ କରିଥିଲେ।।।ଶିବିରରେ  ଭିନ୍ନକ୍ଷମ ମାନଙ୍କ ବିଭିନ୍ନ ଅସୁବିଧା କୁ ପରୀକ୍ଷା ନିରୀକ୍ଷା କରିବା ପାଇଁ ଜିଲ୍ଲା ସ୍ତରରୁ ଛଅ ଜଣ ଡାକ୍ତର ନିଯୁକ୍ତ ହୋଇଥିଲେ।ଶିବିରରେ ଭିନ୍ନକ୍ଷମ ମାନଙ୍କ ବିଭିନ୍ନ ସ୍ଵାସ୍ଥ୍ୟ କ୍ଷେତ୍ରରେ ୨୪୨ ଜଣ ଆବେଦନ କlରି ଙ୍କ ପରୀକ୍ଷା କରl ଯାଇ ଥିବାବେଳେ ୪ଜଣ ଙ୍କୁ ଟ୍ରାଇ ସାଇକଲ, ୧୩ଜଣ ଙ୍କୁ ହୁଇଲ ଚେୟାର,୧୩ ଜଣଙ୍କୁ କୃତ୍ରିମ ଅଙ୍ଗ, ୬ଜଣ ଙ୍କୁ ଶ୍ରବଣ ଯନ୍ତ୍ର,ଜଣ  ଙ୍କୁ ଏମ୍ ଟି ସି, ୩ ଜଣ ଙ୍କୁଏମ୍ ଆଇ ସି କିଟ୍,୪ ଜଣ ଙ୍କୁ ସି ପି ଚୌକି,୨ଜଣ କୁ ଆଶା ବାଡ଼ି,ଜଣକୁ ବେଟ୍ରି ଚାଲିତ ଟ୍ରାଇ ସାଇକଲ ଓ ୪୧ଜଣ କୁ ବସ୍ ପାସ ପ୍ରଦାନ କରାଯାଇଥିଲା।ପରି ଶେଷରେ ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ଗିରିନ୍ଦ୍ର ସାହୁ ଧନ୍ୟବାଦ୍ ଅର୍ପଣ କରିଥିଲେ।ଏନ୍ ଏସି ତଥା ବ୍ଲକ ର ସମସ୍ତ ଅଧିକାରୀ, କର୍ମଚାରୀ,ପଞ୍ଚାୟତ ସ୍ତରରୁ ସରପଞ୍ଚ, ସମିତି ସଭ୍ୟ ମାନେ ଉପସ୍ଥିତ ରହି ସକ୍ରିୟ ସହଯୋଗ କରିଥିଲେ।