17-Nov-2024

ଡୁଙ୍ଗୁରିପାଲି (ଅରବିନ୍ଦ ମିଶ୍ର): ସୁବର୍ଣ୍ଣପୁର ଜିଲ୍ଲା ରାମପୁର ଥାନା ସାରସମାଲ ଠାରେ ବାଲିଯାତ୍ରା ମହୋତ୍ସବରେ ମୀନାବଜାର ଦୋକାନୀଙ୍କୁ ମରଣାନ୍ତକ ଆକ୍ରମଣ | ଧାରୁଆ ଅସ୍ତ୍ରରେ ପିଠି ଓ ମୁଣ୍ଡରେ ୬ଥର ଆକ୍ରମଣ କରିବାରୁ ଦୋକାନୀ ଗୁରୁତର ହୋଇଛନ୍ତି l ଘଟଣା ସ୍ଥଳରେ ଆକ୍ରମଣ କରି ଦୁର୍ବୁତ୍ତମାନେ ଫେରାର ମାରିଦେଇଛନ୍ତି | ରାମପୁର ସାରସମାଲ ବାଲିଯାତ୍ରା ପଡିଆରେ ବାଲିଯାତ୍ରା ମହୋତ୍ସବ ପଡିଆରେ ଟେସେନେରୀ ଦୋକାନ ଲଗାଇଥିବା ଦିଗଶିରା ଗ୍ରାମର  ସୁମନ୍ତ ମେହେରଙ୍କୁ ଧାରୁଆ ବ୍ଲେଡ ପରି ଅସ୍ତ୍ରରେ ମରଣାନ୍ତକ ଆକ୍ରମଣ କରି ଭିଡ଼ ଭିତରେ ଦୁର୍ବୁତ୍ତ ଫେରାର ମାରିଥିଵା ସୂଚନା ମିଳିଛି | କୌଣସି ସାମଗ୍ରୀକିଣାକୁ ନେଇ ସାମାନ୍ୟ ବଚସାରୁ ମରଣାନ୍ତକ ଆକ୍ରମଣ ହୋଇଥିବା ଗୁରୁତର ଆହତ ଅବସ୍ଥାରେ ଥିବା ସୁମନ୍ତ ମେହେର କହିଛନ୍ତି | ତେବେ ଦୁର୍ବୁତ୍ତ ନିଶାଶକ୍ତ ଅବସ୍ଥାରେ ଜାଣିଶୁଣି ଝଗଡା ଆରମ୍ଭ କରିବା ସହ ହଠାତ ଆତର୍କିତ ଆକ୍ରମଣ କରିଥିବା କହିଛନ୍ତି ସୁମନ୍ତ | ତେବେ ସୁମନ୍ତଙ୍କୁ ଗୁରୁତର ଅବସ୍ଥାରେ ତାଙ୍କ ସହଯୋଗୀ ମାନେ ରାମପୁର ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରକୁ ଆଣି ଚିକିତ୍ସା କରିଥିବା ବେଳେ ରାମପୁର ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରର  ପିଠି ଓ ମୁଣ୍ଡରେ ୬ଟି ସ୍ଥାନରେ ଗଭୀର କ୍ଷତ ହୋଇଥିବାରୁ ପ୍ରାଥମିକ ଚିକିତ୍ସା କରି ଡୁଙ୍ଗୁରିପାଳି ଡାକ୍ତରଖାନାକୁ ସ୍ଥାନାନ୍ତର କରଯାଇଛି | ଏନେଇ ରାମପୁର ଥାନା ଆଇଆଇସି ଖବର ପାଇ ଘଟଣା ସ୍ଥଳକୁ ଯାଇ ତଦନ୍ତ କରୁଥିବା ବେଳେ ଯାତ୍ରାରେ ଅବ୍ୟବସ୍ଥା ନେଇ ଯାତ୍ରା ବନ୍ଦ କରିବାକୁ ନିର୍ଦେଶ କରିଥିବା ସୂଚନା ଦେଇଛନ୍ତି ଆଇଆଇସି ଶ୍ରୀମତୀ ପଦ୍ମାସିନୀ ମେହଏ | ତେବେ ରାମପୁର ଅଞ୍ଚଳରେ ମାତ୍ରାଧିକ ନିଶା କାରବାର ପାଇଁ ବାରମ୍ବାର ଏଭଳି ଘଟଣା ମନ ଘଟୁଥିବା ନେଇ ସାଧାରଣରେ ଅସନ୍ତୋଷ ଦେଖାଦେଉଛି |