04-Nov-2024

ବରଗଡ଼:(ନିରଞ୍ଜନ ତ୍ରିପାଠୀ)-କରଣ ସମାଜର ପୂଜ୍ୟ ଆର୍ଯ୍ୟ ଦେବ ଶ୍ରୀ ଶ୍ରୀ ଚିତ୍ରଗୁପ୍ତ ଦେବ ଙ୍କର ପୂଜାମହୋତ୍ସବ ଭବ୍ୟ ସମାରୋହରେ ସମ୍ପନ୍ନ ହୋଇଯାଇଛି। ବରଗଡ଼ ଜିଲ୍ଲା ସ୍ଥିତ ପଦ୍ମପୁର ସ୍ଥାନୀୟ ଟାଉନ ହଲ ଠାରେ ଆୟୋଜିତ ଏହି ପୂଜାମହୋତ୍ସବ ଏବଂ ବାର୍ଷିକ ବୈଠକରେ ଅଞ୍ଚଳର ସମସ୍ତ କରଣ ସମାଜ ପରିବାରର ସଦସ୍ୟ ଯୋଗ ଦେଇଥିଲେ। ତିଥି ଅନୁଯାୟୀ କାର୍ତ୍ତିକ ମାସ ଶୁକ୍ଳ ପକ୍ଷ ଦ୍ଵିତୀୟା ଦିନ ପୂଜ୍ୟ ଆର୍ଯ୍ୟ ଦେବ ଚିତ୍ରଗୁପ୍ତଙ୍କର ପ୍ରତିମୂର୍ତ୍ତି ସ୍ଥାପନ ସହ ପ୍ରତିବର୍ଷ ମହାଆଡମ୍ବର ରେ ସମାଜ ପକ୍ଷରୁ ପୂଜାର୍ଚ୍ଚନା କରାଯାଏ, ସେହି ପରି ଚଳିତ ବର୍ଷ ମଧ୍ୟ ସକାଳୁ ସମାଜର ସମସ୍ତ ସଦସ୍ୟ ଏକଜୁଟ ହୋଇ ପ୍ରଥମେ ଶ୍ରୀ ଶ୍ରୀ ଚିତ୍ରଗୁପ୍ତ ଦେବ ଙ୍କ ପ୍ରତିଛବି ଓ ଭଜନ ସହ ଘଣ୍ଟ ବାଦ୍ୟର ତାଳେ ତଳେ ନଗର ପରିକ୍ରମା କରି ପୁନଃ ଟାଉନ ହଲକୁ ପହଞ୍ଚି ସେଠାରେ ଆର୍ଯ୍ୟଦେବ ଙ୍କର ରୀତିନୀତି ଅନୁଯାୟୀ ପୂଜାର୍ଚ୍ଚନା କରିଥିଲେ। କରଣ ସମାଜ ତରଫରୁ କର୍ତ୍ତା ଭାବରେ ମନୋଜ କୁମାର ମହାନ୍ତି ସହ ଧର୍ମିଣୀ କବିତା ମହାନ୍ତି ଦାୟିତ୍ୱ ବହନ କରିଥିବା ବେଳେ ପୂଜକ ଅତ୍ରାହି ଭଞ୍ଜନ ପାଣିଗ୍ରାହୀଙ୍କ ପୁରୋହିତ୍ୱରେ ପୂଜା କାର୍ଯ୍ୟ ସମ୍ପର୍ଣ୍ଣ ହୋଇଥିଲା। ପରେ ସମାଜ ର ସମସ୍ତ ସଦସ୍ୟଙ୍କୁ ନେଇ ପ୍ରତି ବର୍ଷ ପରି ଏକ ସାଧାରଣ ସଭା ଅନୁଷ୍ଠିତ ହୋଇଥିଲା। ସମାଜର ବିଭିନ୍ନ କାର୍ଯ୍ୟକ୍ରମ ଓ ବିଷୟକୁ ନେଇ ସଭାରେ ଆଲୋଚନା ସହ ମୁଖ୍ୟତଃ କରଣ ସମାଜର ଇଷ୍ଟ ଶ୍ରୀ ଶ୍ରୀ ଚିତ୍ରଗୁପ୍ତ ଦେବଙ୍କ ଏକ ମନ୍ଦିର ଓ ସମାଜର ମଣ୍ଡପ ନିର୍ମାଣ ପାଇଁ ଚଳିତ ବର୍ଷ କାର୍ଯ୍ୟରମ୍ଭ ପାଇଁ ପ୍ରସ୍ତାବ ପାରିତ ହୋଇଥିଲା। ତେବେ ସମାଜ ର ସମସ୍ତ ସଦସ୍ୟ ମାନେ ଏହି ଶୁଭ କାର୍ଯ୍ୟ ପାଇଁ ନିଜ ନିଜ ତରଫରୁ ଦାନ ରାଶି ଘୋଷଣା କରିଥିବା ବେଳେ ଯଥା ଶୀଘ୍ର ସମସ୍ତଙ୍କ ସହଯୋଗ ଏବଂ ସମସର୍ଥନରେ ଏହି କାର୍ଯ୍ୟ ଖୁବ୍ ଶିଘ୍ର ସହ ସମ୍ପନ୍ନ କରାଯିବା ପାଇଁ କାର୍ଯ୍ୟକାରିଣୀ କମିଟିଙ୍କୁ ଆର୍ଯ୍ୟଦେବଙ୍କର ଆଶୀର୍ବାଦ ମନାସୀ ଦାୟିତ୍ୱ ପ୍ରଦାନ କରାଯାଇଥିଲା। ପରେ ପ୍ରସାଦ ସେବନ ସହ ବିଭିନ୍ନ ମନୋରଞ୍ଜନ କାର୍ଯ୍ୟକ୍ରମ ଓ ପ୍ରତିଯୋଗିତାର ମଧ୍ୟ ଆୟୋଜନ କରାଯାଇଥିଲା ଯାହାର ସମସ୍ତେ ଆନନ୍ଦ ନେଇଥିଲେ। ସମାଜର ସମସ୍ତ ସଦସ୍ୟଙ୍କ ସହଯୋଗରେ ଭବ୍ୟ ସମାରିହରେ ଏହି ପୂଜା ମହୋତ୍ସବ କାର୍ଯ୍ୟକ୍ରମ ସମ୍ପର୍ଣ୍ଣ ହୋଇ ଯାଇଛି