04-Nov-2024

ଆଗଲପୁର, (ବିନୋଦ ଦୀପ) ଆଗଲପୁର ବ୍ଲକ ନୁନିଆଁପାଳି ପଞ୍ଚାୟତ ରେ ପଞ୍ଚାୟତ ସ୍ତରୀୟ ଜନ ଅଭିଯୋଗ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି l ଏହି କାର୍ଯକ୍ରମ ରେ ଆଗଲପୁର ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ମହାପାତ୍ର କୁଲଦୀପ ମହାନ୍ତି ଯୋଗ ଦେଇଥିବା ବେଳେ ତାଙ୍କ ସହିତ ଆଗଲପୁର ଅତିରିକ୍ତ ତହସିଲଦାର ଶ୍ରୀ ଫାଲଗୁନ ଶବର ଓ ଆଗଲପୁର ସ୍ବାସ୍ଥ୍ୟ କେନ୍ଦ୍ର ଅଧିକାରୀ ଶ୍ରୀ ଧୀରେନ୍ଦ୍ର ମେହେର ମଧ୍ୟ ଶିବିର ରେ ଉପସ୍ଥିତ ଥିଲେ l ଏହାସହ ଜଳ ଓ ପରିମଳ ବିଭାଗ ଯନ୍ତ୍ରୀ ଶ୍ରୀ ଦୁର୍ଗାପ୍ରସାଦ ମିଶ୍ର ଓ  ଅରବିନ୍ଦ   ମହାନ୍ତି ଉପସ୍ଥିତ ଥିଲେ l ବି ଏସ ଓ ଶ୍ରୀ ସୁଶାନ୍ତ ମହାକୁର, ସି ଡି ପି ଓ ଶ୍ରୀମତୀ ଶୁଭଶ୍ରୀ ମିଶ୍ର ମଧ୍ୟ ଉପସ୍ଥିତ ଥିଲେ l ଏହାସହ ବ୍ଲକ୍ ର ସମସ୍ତ ବିଭାଗୀୟ ଅଧିକାରୀ ମାନେ ମଧ୍ୟ ଉପସ୍ଥିତ ରହିଥିଲେ । ବିଶେଷ କରି ବ୍ଲକ୍ ର ବିଭିନ୍ନ ବିଭାଗ ଯଥା ଜଳ ଓ ପରିମଳ, ଭତ୍ତା, ମନରେଗା, ଆବାସ ଗୃହ, ଘର ଡିହ, ମତ୍ସ୍ୟ, ପଶୁ,କୃଷି, ଉଦ୍ୟାନ , ରାସନ୍ କାର୍ଡ ଉପରେ ଅନେକ ଅଭିଯୋଗ ଆସିଥିବା ବେଳେ ଉକ୍ତ ବିଭାଗର ସମସ୍ତ ବିଭାଗୀୟ ଅଧିକାରୀ ମାନେ ମଧ୍ୟ ସମସ୍ତେ ଉପସ୍ଥିତ ଥିଲେ। ଆଜିର ଜନ ଶୁଣାଣି ଶିବିରଟି ଅନେକ ବିଭାଗ ଉପରେ ଅଭିଯୋଗ ଦରଖାସ୍ତ ଗ୍ରହଣ ହୋଇଥିଲା l

ଅଭିଯୋଗ ଶୁଣାଣୀ ଶିବିର ସରିଲା ପରେ ମଧ୍ୟ ବହୁ ଲୋକ ଶିବିର କୁ ଆସୁଥିବାର ଦେଖିବାକୁ ମିଳିବା ସହ ଅନେକ ଲୋକ ଦରଖାସ୍ତ ଦେଇ ଯାଉଥିବା ବେଳେ ଅନେକ ଲୋକ ଫେରି ଯାଉ ଥିବାର ମଧ୍ୟ ଦେଖିବାକୁ ମିଳିଥିଲା l ବିଶେଷ କରି ପ୍ରଧାନମନ୍ତ୍ରୀ ଆବାସ, ଗୃହ ଉପରେ ସର୍ବ ମୋଟ 214 ଟି ଅଭିଯୋଗ ପଞ୍ଜିକରଣ ହୋଇଥିବା ବେଳେ ଅନ୍ୟାନ୍ୟ ଉପରେ 56 ଟି ଅଭିଯୋଗ ପଞ୍ଜିକରଣ ହୋଇଥିବା ସରପଞ୍ଚ ଶ୍ରୀମତୀ ପୁଷ୍ପାଞ୍ଜଳି ସାହୁ ସୂଚନା ଦେଇଛନ୍ତି l ଆଜିର ଏହି ଅଭିଯୋଗ ଶୁଣାଣୀ ଶିବିର ରେ ପଞ୍ଚାୟତ ର ସରପଞ୍ଚ ଶ୍ରୀମତୀ ସାହୁ ଙ୍କ ସହିତ ସମସ୍ତ ୱାର୍ଡ ସଭ୍ୟ ସଭ୍ୟା, ସମିତି ସଭ୍ୟ, ଗ୍ରାମ ରୋଜଗାର ସେବକ, ଓ ପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀ ଉପସ୍ଥିତ ରହି ସମ୍ପୂର୍ଣ୍ଣ ମିଳିଥିବା ବେଳେ ଅନେକ ଲୋକ ଅଭିଯୋଗ ଦରଖାସ୍ତ ଦେଇଥିବାର ଦେଖିବାକୁ ମିଳିଛି l