04-Nov-2024

ଭୁବନେଶ୍ବର/କଟକ(ପ୍ରେରଣାଖବର): "ଏସୟୁଜେ ଓଡ଼ିଶା" ସୁବର୍ଣ୍ଣପୁର ଜିଲ୍ଲା ସଭାପତି ତଥା ନିଉଜ-୭ ଜିଲ୍ଲା ପ୍ରତିନିଧି  ସାମ୍ବାଦିକ ଧିରେନ୍ଦ୍ର ଦାନୀଙ୍କୁ   ମରଣାନ୍ତକ ଆକ୍ରମଣ  କରିଥିବା ବିଡ଼ିଓ ସୌମ୍ୟରଞ୍ଜନ ସ୍ୱାଇଁ ଙ୍କୁ ତୁରନ୍ତ ଗିରଫ କରିବା, ଆଇନ ଉଲ୍ଲଂଘନ କରି ଆକ୍ରମଣର ଶୀକାର ଅଭିଯୋଗକାରୀ ଶ୍ରୀ ଦାନୀ ଙ୍କୁ ରାତି ଅଧରେ ସ୍ଥାନୀୟ ପୋଲିସ ଗିରଫ କରିବା ଘଟଣାରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବା ଦାବିରେ ଆଜି କଟକସ୍ଥିତ ରାଜ୍ୟ ପୋଲିସ ମୁଖ୍ୟାଳୟରେ ପୋଲିସ ମହାନିର୍ଦ୍ଦେଶକଙ୍କୁ ଦାବିପତ୍ର ପ୍ରଦାନ ଏବଂ ଅତିରିକ୍ତ ଡିଜିପି

ସୌମେନ୍ଦ୍ର ପ୍ରିୟଦର୍ଶୀଙ୍କ ସହିତ ଘଟଣା ସମ୍ପର୍କରେ ସବିଶେଷ ଆଲୋଚନା ହୋଇଥିଲା। ରାଜ୍ୟ ସଭାପତି କୈଳାଶ ଚନ୍ଦ୍ର ନାୟକଙ୍କ ନେତୃତ୍ୱରେ ଏହି ପ୍ରତିନିଧି ଦଳରେ ରାଜ୍ୟ ଉପସଭାପତି ବାସୁଦେବ ତ୍ରିପାଠୀ, ଏସୟୁଜେ ସାମ୍ବାଦିକ କଲ୍ୟାଣ ପାଣ୍ଠି ଅଧ୍ୟକ୍ଷ ଗଗନ ବିହାରୀ ସାହୁ, ମୁଖ୍ୟ କାର୍ଯ୍ୟନିର୍ବାହୀ ଯୋଗାଯୋଗ ଶଶୀଭୂଷଣ ଷଡ଼ଙ୍ଗୀ , ରାଜ୍ୟ ସମ୍ପାଦକ ଶିବାଶିଷ ମହାନ୍ତି, ରାଜ୍ୟ କୋଷାଧ୍ୟକ୍ଷ ଟୁନା ଜେନା, କଟକ ଜିଲ୍ଲା ସଭାପତି ରମେଶ ଚନ୍ଦ୍ର ପ୍ରଧାନ, ନିବେଦିତା ସିଂ, ରାଜ୍ୟ କାର୍ଯ୍ୟକାରିଣୀ ସଭ୍ୟ ସୁର ନାରାୟଣ ସାହୁ, ଜାତୀୟ ପରିଷଦ ସଭ୍ୟ ସରୋଜ କୁମାର ଓଝା, ଯାଜପୁର ଜିଲ୍ଲା ସଭାପତି ସୁବାଷ ଧଳ, ସାଧାରଣ ସମ୍ପାଦକ ଅବିନେଶ୍ଵର ଶତପଥୀ, ଧିରେନ୍ଦ୍ର ସାହୁ, ବିଷ୍ଣୁ ଚରଣ ନାୟକ, ଶୁଭେନ୍ଦୁ ସାମଲ,ଆକାଶ ଦାସ ପ୍ରମୁଖ ସାମିଲ ଥିଲେ।